Thread by @Vet_doctor87

HAKUSTAHILI KUPITA NJIA NGUMU KIASI KILE
Wakati mwingine dunia inatuweka darasani kujifunza masomo ambayo hatukuwahi kuwaza kujifunza. Pengine hata mitihani ya hayo masomo hatujui itakuja lini
Tabasamu na uchangamfu wake vilificha mengi lakini hakustahili yale #Thread

Unaweza kuchagua marafiki lakini sio jirani maana wewe utajenga hapa ila atakaekuja kujenga pembeni yako hauwezi kumjua ,hivohivo kwenye kupanga chumba. Nilijikuta nimepanga chumba ambapo nyumba ya jirani waliishi familia nzuri na sisiti kusema nilivutiwa nayo kiukweli

Walikua na furaha muda mwingi .Wazazi walikua wa makamo ya miaka 34 na mtoto mdogo wa miaka 10, kutokana na uchangamfu wangu nikajikuta nimekua rafiki na baba wa hiyo familia ambaye alikua ameajiriwa kwenye kampuni moja hapa Mjini . Aliitwa Mr Beda , nilipenda sana kuwa nae hasa

muda nikiwa sina shughuli , wakati mwingine mbio za jioni tulikimbia nae , jioni siku za mwisho wa wiki tulitoka nae pia . Nimejifunza mengi kutoka kwake
Wema na ukarimu wake wote huo lakini hasira ya dunia ilimuwakia ndani na haikuwa rahisi kwa mtu kugundua maana alikua nakifua

"Noe amka" " Hey hey amka uje nje mara moja" ilikua ni sauti ya mtu ninaemfahamu ikiniita usiku kama wa saa tano na nusu . Ilikua namna flani ya kero maana nilichoka sana siku hiyo nikajikongoja mpaka mlangoni nimskilize , Alikua yeye Bwana Beda ameegesha gari yake

karibu kabisa na dirisha la chumba changu . Baada ya salamu na masikhara kadhaa akaja kwenye hoja ya msingi akasema" Mdogo wangu naomba leo nilale kwako hapa maana nimechelewa kurudi halafu naona usumbufu kuwagongea hapo nyumbani"
Japo ilikua mara ya kwanza kwa yeye kuja

nakuomba nimpe hifadhi sikuhofia chochote nikamruhusu akaingia mpaka asubuhi inafika akaondoka zake kwake.
Kulipopambazuka na akili yangu ikapambazuka nikaanza kuwaza nini kimemkuta huyu mtu aliyefanyika kama kaka yangu ? ni kweli sababu ilikua ile au kanificha? aagh mambo ya

watu hayo nkaamua kuachana nayo .Sasa kadri siku zilivozidi kwenda mimi na Mr Beda tukawa marafiki sana japo ratiba zake nikawa sizielewi maana ikifika jioni ye anaondoka halafu ikawa kama anarudi kesho . Siku moja Jumamosi tukatoka wote na huko ikabidi afungue kifua na kutoa

yanayomsibu , nadhani ilikua nguvu ya kimiminika cha kahawia kwenye chupa kubwa kubwa ilichangia. akaanza kwa kusema
" Mdogo wangu, binafsi nadhani napita njia ya peke yangu ambayo najikuta mpweke na nisiye na msaada wowote . Nashukuru nina nguo nzuri nzuri maana ningeonekana

chizi mbele za watu kwa ninayopitia jumlisha msongo wa mawazo" tukajikuta tunacheka wote na binafsi nikajua ni mambo ya kawaida ,akaendelea " Mimi na mke wangu mpaka sasa tuna miaka mingi tuu kwenye ndoa lakini tatizo limeibuka miezi sita sasa , tatizo lenyewe ni pale napoishi"

ikabidi niulize kuna shida gani, akaendelea akasema " Miezi sita iliyopita baba na mama wa mke wangu walikuja kunitembelea kutoka kijijini kwao huko Misungwi Mwanza na kiukweli tuliwapokea kwa furaha . Wakakaa mwezi mmoja, wakaongeza wa pili , ukazidi wa tatu hapo nikaanza

kumhoji mke wangu usiku kwamba mbona wazazi wanaendelea kuwepo hapa hali ya kuwa kule kijijini tayari tumeshawajengea nyumba na wanamifugo kadhaa ? Aiseee nilivouliza hivo ikawa kama nimemwagia mafuta moto maana mke aliwaka sana anasema nawachukia wazazi wake ,basi nikawa mpole"

alivokua anaongea Mr Beda kiukweli aliongea kwa hisia sana . Akaendelea akasema " kadri siku zilivoendelea kwenda baba wa mke wake akawa yeye ndio anaamua chakula gani kipikwe na bajeti ya nyumbani anapanga yeye , mdogo wangu huwezi amini mpaka muda wa kurudi nyumbani nikawa

napangiwa na baba mkwe " hapo nikaona Bwana Beda anavuta fundo moja la Bia aina ya Safari akaendelea akisema" nilivozidi kumuhoji wife akawa anasema kama nimewachoka wazazi wake yeye na wazazi wake waondoke waniache , sasa hapo nikaona kuepusha shari nikizidisha ule muda

niliyopangiwa wa kurudi nyumbani nisiende kugonga mlango niwe natafuta mahali nalala iwe lodge , au kwa marafiki na kama unakumbuka nilishawahi kuja kwako"
hapo nikashusha pumzi nzito nikaunganisha nukta nikaona hayo ni mazito kumbe hata sisi wanaume kuna wakati tunaumia sana.

Ikabidi nimuulize anampango gani katika hilo maana habari za ndoa mi sina idea kabisa mapenzi yenyewe patashika
Akadai anataka aondoke yeye kwenye nyumba wabaki wakwe zake mke na mtoto. Duuh nikaona nisitafute kujua sana nikamwambia amalize kinywaji twende maana muda ulishaenda

Sikuwahi kuwaza kama siku hiyo ndio siku ya mwisho kumuona Mr Beda maana baada ya hapo kila nilipiga simu yake haikupatikana na kwenye ile nyumba alipokua anakaa walihamia watu wengine . Nikamtakia maisha mema tuu rafiki yangu yule , nikaendelea na kilichonileta Morogoro mjini

Miezi mingi ilipita ,shule ikasonga na hatimae kipindi cha Field Practical Training kikafika ambapo mara nyingi kwa taaluma yangu tunafanyiaga kwenye taasis zenye mifugo mingi hasa Jeshini ,Mashamba ya Serikali na Magereza . Basi nikapangiwa kwenye moja ya Gereza hapa Moro

Kiukweli sikutaka kuamini kirahisi kilichokua mbele yangu maana ile napelekwa kitengo cha mifugo nikakutana na Nyampara aliyepewa asimamie hilo eneo ni mtu kama Mr Beda japo amekonda sana na rangi yake nyeupe imemezwa na ngozi ngumu nyeusi
Aliponiona akanikumbuka kabisa

Ikawa kama ananipa Sehemu yaapili ya maisha yake kilichotokea baada ya kupotezana .Alinisimulia mengi sana maana alisema " Baada ya kuachana na wewe siku zile ilibidi niende kwangu nichukue nguo zangu kadhaa na gari yangu niende mtaa mwingine na bahati mbaya simu ilipotea

...baada ya kupata chumba nikaanza maisha yangu , cha ajabu nashindwa kujua mke wangu chuki alitoa wapi maana hata kumuona mwanangu alikua ananikataza na mbaya zaidi nikaskia ile nyumba yangu walimokua wanaishi aliiuza kikubwa kilichoniumiza akawa ameolewa kimya kimya"

Kikuweli alifanikiwa kuniacha mdomo wazi nikabaki namuangalia mavazi yake ya rangi ya karoti na ndala zilizotoboka . Nikampa pole akaendelea akasema " Nilivopata hizo taarifa kama binadamu nilishikwa na hasira nikawatafuta wanapokaa nikaenda kuanzisha fujo japo sio kubwa

lakini yule mume wa mke wangu alipiga simu polisi wakaja wakanikamata na kunipeleka kituoni na hatimaye mahakamani. Mdogo wangu Noe huwezi amini mke wangu ndiye alisimama upande wa mashahidi na kusema mimi nimeingua ndani nakuvunja mali zao na kuiba fedha milion 5 ,

Hakimu akagonga nyundo nikaletwa huku kutumikia miaka 8" alipomaliza hayo aliishia kulia kaka Beda . Nilimpa leso akaniandikia anwani mahali wanakaa mke na familia yake mpya ili basi nikirudi mjini walau nikamsalimie mwanae. Nashukuru nilitimiza yote maagizo

Zaidi hatima zetu bado ni kitendawili
#End
#MyMindSpeak
nohtalk.com