1/ भारत, बांगलादेश आणि जीडीपी पर कॅपिटा!
2/ भारताचे सकल दरडोई उत्पन्न हे बांगलादेशच्या खाली घसरेल असा आंतरराष्ट्रीय नाणेनिधीचा होरा आल्यानंतर त्याबाबत खळबळ माजणे साहजिकच होते. मात्र केंद्र सरकारकडून आणि भारताचे भूतपूर्व आर्थिक सल्लागार अरविंद सुब्रमण्यम यांच्याकडून मात्र परचेसिंग पॉवर पॅरिटीचा दाखला देत...
3/ ...भारतच कसा पुढे आहे हे ठासून सांगण्यात आले. त्यामुळे यातलं राजकारणापल्याडचं आर्थिक गणित हे आपण समजून घेणे आवश्यक आहे.
4/ सुरुवातीलाच हे लक्षात हे घ्यायला हवं की बांगलादेश हे आपल्यासमोर लिंबूटिंबू प्रकरण आहे. किमान तसं दिसायला हवं! कारण त्यांना स्वातंत्र्य मिळायला आपल्यानंतर अडीच-तीन दशके अधिकची गेलीत. त्याचबरोबर त्यांची लोकसंख्या, लष्करी ताकद, आंतरराष्ट्रीय दबदबा हा आपल्या तुलनेत...
5/ ...नगण्य आहे. तरीही त्यांनी अशी प्रगती केली हे त्यांच्या दृष्टीने खरंच कौतुकास्पद आहे. तितकंच आपल्या दृष्टीने लाजिरवाणे आहे.
6/ इथे एक गोष्ट लक्षात घ्यायला हवी की दरडोई उत्पन्न हा एक सर्वमान्य आर्थिक प्रगतीचा मानक आहे. आणि भारताचं दरडोई उत्पन्न चांगल्या गतीने वाढणे हा भारतासमोरचे बरेचसे प्रश्न सोडवण्यासाठी अत्यंत निकडीचा विषय आहे. त्यामुळे हा मुद्दा चर्चेत राहणे भारताच्या हिताचे आहे.
7/ आता आकड्यांचा विचार करू. नाणेनिधीनुसार भारताचे दरडोई उत्पन्न 2020मध्ये साडेदहा टक्क्यांनी घसरून 1,877 डॉलर्सच्या घरात जाईल. तर याच कालावधीत बांगलादेशचे दरडोई उत्पन्न हे चार टक्क्यांनी वाढून 1,888 डॉलर्सवर पोचेल. जास्त गंभीर बाब ही की हा फक्त या वर्षात घडलेला...
8/ ...चमत्कार नाही. याचाच दाखला म्हणून नाणेनिधी म्हणते की पाच वर्षांपूर्वी भारताचे दरडोई उत्पन्न हे बांगलादेशच्या 40%अधिकचे होते. यालाच पुष्टी देण्यासाठी कॅपिटल असेट गिअरिंग रेशोच्या भाषेत सांगायचे तर बांगलादेशचे दरडोई उत्पन्न हे गेल्या पाच वर्षांत वार्षिक 9.
9/ 1 टक्क्यांनी वाढले आहे. तर भारताचे उत्पन्न हे 3.2 टक्क्यांच्या वार्षिक दराने वाढले आहे.
10/ मोदी राजवटीच्या काळातील हा लक्षणीय फरक हे बांगलादेशने आपल्याला इतका फरक असतानाही गाठले याचे कारण आहे! हे अगदीच आयपीएलच्या भाषेत सांगायचे तर गेल्या पाच ओव्हर्समध्ये बॅट्समन मोदींनी ओव्हरला 3.2 रनरेट ठेवला आहे. तर बॅट्समन हसीना यांनी मात्र ओव्हरला 9.
11/ 1 रन्स चोपल्या आहेत! यामुळेच पाच वर्षांपूर्वी असलेला लक्षणीय फरक भरून काढत सरतेशेवटी 2020 मधल्या भारताच्या ऐतिहासिक घसरणीचा हातभार लागल्याने बांगलादेश आपल्या पुढे गेला आहे. त्यामुळे हा फक्त कोरोनाचा दोष आहे असे समजण्याचे मुळीच कारण नाही! नोटबंदी, जीएसटीसारख्या...
12/ ...सातत्यपूर्ण प्रयत्नांनी "थाला" मोदी यांनी हा कूर्मगती रनरेट आपल्या टीमला मिळवून दिला आहे!!
13/ आता परचेसिंग पॉवर पॅरिटीकडे वळू. नक्कीच परचेसिंग पॉवर पॅरिटीच्या निकषावर आपण बांगलादेशच्या पुढे आहोत. पण हे सांगून वेळ मारून न्यायला सरकारी बाजूच्या लोकांना शरम वाटत नाही ही फारच चिंतेची बाब आहे! जीडीपी पर कॅपिटा अमेरिकन डॉलर बेसिस हा एक प्रचलित निकष आहे.
14/ तो आता आपली वाढ कमी दाखवतोय म्हणून ती फुटपट्टीच बदलून टाकणे हा हास्यास्पद प्रकार झाला. तेही बांगलादेश हा स्पर्धक असताना! जर परचेसिंग पॉवर पॅरिटीचीच तुलना करायची असेल तर आपण आपल्या जोडीचा भिडू निवडायला हवा. चीनवर मोदींच्या समर्थक मंडळीचे विशेष प्रेम आहे, त्यामुळे...
15/ ...आपण चीन नाणेनिधीच्याच होऱ्यानुसार आपण चीनच्या निम्मेही अंतर गाठत नाही.
16/ मोदींची बाजू घेणाऱ्यांच्या फुटपट्टीनेच मोजायचे तर - इंटरनॅशनल डॉलर्सच्या भाषेत कोरोनापूर्व वर्षांतील परचेसिंग पॉवर पॅरिटीच्या निकषावर दरडोई उत्पन्नाचे, आपले आणि चीनचे आकडे हे असे आहेत-
17/ 2018: भारत 7762, चीन 18120
18/ 2019: भारत 8484, चीन 19520
19/ इथे एक लक्षात घ्यायला हवं की दरडोई उत्पन्न अगदी परचेसिंग पॉवर पॅरिटीने मोजूनही पहिल्या शंभर देशांमध्ये मध्ये येत नाही. चीन येतो! तेही कोरोना, लॉकडाऊन वगैरे यायच्या आधीचे आकडे धरून!! आपली आणि चीनची लोकसंख्या आता जवळपास सारखी होत आलेली असताना हे वास्तव अत्यंत गंभीर...
20/ ...आहे.
21/ त्यामुळे बांगलादेशने आपल्याला एका निकषावर पाठी टाकल्यावर ती फुटपट्टीच बदलून बघा आम्ही कसे पुढे आहोत म्हणणारे सत्ताधारी किती निर्लज्जपणे आपले भीषण आर्थिक वास्तव नाकारत आहेत हे आपल्याला वरील आकडेवारी बघून समजून घेता येईल. मोदी सरकारला आता सत्तेत येऊन चांगली सहा...
22/ ...वर्षे उलटून गेली आहेत. त्यांच्या कारकिर्दीत त्यांनी जे विकासाचे"अच्छे दिन" दाखवायला हवे होते ते कुठेतरी गायब असून, बाकी भलत्याच गोष्टी बोकाळल्या आहेत!आर्थिक विकास, गरिबी निर्मूलन, रोजगार निर्मिती वगैरे खुंटीला टांगल्या आहेत प्रांतीय राष्ट्रवादाचा उन्माद,...
23/ ...धार्मिक द्वेष, पब्जी बॅन, नोटबंदीसारख्या नव्यानव्या शेखचिल्ली क्लृप्त्या, जीएसटीसारखे फसलेले रिफॉर्म्स, घिसडघाईचे लॉकडाऊन, तरीही वाढणाऱ्या कोरोना केसेस आणि मोदींच्या भक्तांच्या हलकटपणाचे नवनवे विश्वविक्रम मात्र सध्या आपल्याकडे दणक्यात गाजत आहेत!
24/ हे आकडे फक्त नुसते राजकीय पॉईंट स्कोअरकरण्यासाठी दिलेले नाहीत! हे आकडे भारतातील गरिबीत अडकलेल्या करोडो लोकांच्या आयुष्यासाठी महत्त्वाचे आहेत. हे आकडे भारतातील युवा वर्गाची स्वप्ने, आकांक्षा यांना आरसा दाखवणारे आहेत. हे आकडे देशातील प्रत्येकाच्या जिव्हाळ्याचे...
25/ ...प्रश्न आणि समस्या यांच्याशी निगडित असलेले आहेत. त्यामुळे या आकड्यांच्या बाबतीत सरकारी बाजूने चालवणारी सारवासारव उघडी पाडण्यासाठी हे आकडे मांडत राहणे हे सुशिक्षित, विचारी भारतीयांचे कर्तव्य आहे हे आम्हाला पक्के माहीत असल्यानेच प्रस्तुत लेखप्रपंच केला आहे!
• • •
Missing some Tweet in this thread? You can try to
force a refresh
