Thread by @SSR_Sivaraj

இயக்குனர் SP.முத்துராமன் பார்வையில் தலைவர் ரஜினி (Part-3)

கமலையும் ரஜினியையும் மாறி மாறி இயக்கும் வாய்ப்புகளை நான் பெற்றாலும் ரஜினியை இயக்குவதில் ஒரு உற்சாகம் பிறக்கும்.

எனது இயக்கத்தில் கமலும் ரஜினியும் இணைந்து நடித்த ஒரே படம்

"ஆடு புலி ஆட்டம்"

#SSRThreads

கமல் ரஜினி சேர்ந்து நடித்த படங்களில் ஒன்றை நான் இயக்கியது எனது குழுவுக்குக் கிடைத்த பெருமை.

இப்படத்தைத் தயாரித்தவர் மலையாளக் குணச்சித்திர நடிகர் சத்யனின் ஒப்பனையாளர் சாந்தி நாராயணன்.

இவர் சிறந்த ஒப்பனையாளர் மட்டுமல்ல சிறந்த சினிமா தயாரிப்பாளரும் ஆவார்.

இப்படத்தில் கதாநாயகன் கமல். வில்லன் ரஜினி இளமை கலந்த இரண்டு திறமைசாலிகள் மோதிக்கொண்டனர்.

பி.யூ.சின்னப்பா- தியாகராஜ பாகவதர்.
சிவாஜி - எம்.ஜி.ஆர்.
அவர்கள் வழியில் கமல் - ரஜினி.

இவர்களுக்குள் போட்டி இருக்கிறதோ இல்லையோ, இவர்களின் ரசிகர்களிடம் போட்டி, மோதல் எல்லாம் உண்டு.

கே.பாலசந்தர் பட்டறையில் உருவானவர்கள் கமலும் ரஜினியும். அதனாலேயே இருவரிடையே நல்ல நட்பு தொடர்கிறது.

ஆடு புலி ஆட்டம் படத்தின் திரைக்கதை வசனத்தை மகேந்திரன் எழுதியிருந்தார். என்னோடு அவர் பல படங்களில் பணியாற்றியுள்ளார்.

நல்ல படைப்பாளியான அவருடைய முள்ளும் மலரும்,உதிரிப்பூக்கள்,ஜானி

போன்ற படங்கள் மிகப்பெரிய வெற்றியைப் பெற்றன.

ரஜினியால் விரும்பப்படுகிற டைரக்டர் மகேந்திரனின் திரைக்கதை வசனம் ‘ஆடு புலி ஆட்டம்’ படத்துக்கு பலம் சேர்த்தது.

படத்துக்கு இசையமைத்தவர் விஜய பாஸ்கர்.

கமல்,ரஜினி,கே.நட்ராஜ்,முத்தையா, ஜெயச்சந்திரன் முதலானோர் கேங்ஸ்டர் திருடர்கள்.

இருப்பவர்களிடம் கொள்ளையடித்து, இல்லாதவர்களுக்கு வழங்குகிற கேரக்டரில் நடித்திருந்தார்கள்.

ஒருகட்டத்தில் கமல் திருந்திவிடுவார். ஆனாலும் திருந்தாமல் தவறு மேல் தவறு செய்துகொண்டிருப்பார் ரஜினி. இருவரும் பிரிந்துவிடுவார்கள்.

தங்களால் பாதிக்கப்பட்ட குடும்பத்தின், பார்வையற்ற சிறுவனின்

நலனுக்காகவே உழைப்பார் கமல் பின்னர் போலீஸ் இன்ஃபார்மராக மாறுவார் கடைசியில் கமலுக்கும் ரஜினிக்கும் சண்டை.

இதில் ரஜினியின் பார்வை பறிபோகும் ரஜினி திருந்துவார் போலீஸ் ஸ்டேஷன் செல்வார் கமலுக்கு பாராட்டுகள் கிடைக்கும்.

படம் முழுக்க ரஜினியின் ஸ்டைல் மிரட்டியெடுக்கும்.

ரஜினி என்ன கருப்பு மனிதனுக்குள் இருந்து ‘’எதிலும் படு ஸ்பீடு’’ என்ற வித்தியாசமான அம்சத்தை வெளிக்கொண்டு வந்தது ஆடுபுலி ஆட்டம். ஈவு இரக்கமே இல்லாத கொள்ளையனாக ரஜினி என்ற பெயரிலே நடித்தார்.

‘இதுதான் ரஜினி ஸ்டைல்’ என்று அடிக்கடி சொல்லுவார்.

எதிராளியை திக்குமுக்காட வைக்கும் ஒவ்வொரு சீனிலும் கடைசியாக

தி இஸ் ரஜினி ஸ்டைல்,
இதான் ரஜினி ஸ்டைல்,
என்று தமிழிலும் இங்லீஷிலும் மாறி மாறி பேசுவார்.

அதேபோல, ‘’மேரா தோஸ்த்’’ என்றும் ஸ்டைலான மாடுலேஷனில் பல காட்சிகளில் பேசுவார்.

இந்த வசனங்களெல்லாம் அன்றைய காலகட்டத்தில் இளைய தலைமுறையிடம் பாப்புலர் பன்ச் டயலாக்காக ஆகிப்போய்விட்டன.

கருப்பு வெள்ளையில் வந்த ஆடு புலி ஆட்டம்
கருப்பு வைரமாக மின்னியது ரஜினியால்,

அப்போதெல்லாம் வெளியூர்களில் படப்பிடிப்பு நடத்த பட்ஜெட் ஒத்து வராது

விஜயா கார்டன், வி.ஜி.பி தங்கக் கடற்கரையில் தான் பாடல்களைப் படமாக்குவோம்.

‘உறவே புதுமை நினைவே இளமை’ என்ற பாடலில் கமல் சைக்கிளில் சங்கீதாவை ஏற்றிக்கொண்டு குன்றத்தூர்,திருநீர்மலை போன்ற இடங்களில் சுற்றி வருவார் அப்போதெல்லாம் அங்கு பசுமையான வயல்கள் இருந்தன.

அந்தச் சூழலில் பாடலும் குளுமையாக அமைந்தது கதையும் ஆக்‌ஷனும் கலந்த அப்படம் வெற்றிப்படமானது.

இன்றைக்கும் ‘ஆடு புலி ஆட்டம்’வசூல் எனக்கு சோறு போடுகிறது என்று நன்றியோடு சொல்வார் தயாரிப்பாளர் சாந்தி நாராயணன்.

ஒருமுறை பஞ்சு அருணாசலம் அவர்கள் தொடர்ந்து ஒரே மாதிரியான படமாக எடுத்துக்கொண்டிருக்கிறோமே வித்தியாசமாக ஒரு படம் எடுப்போமா?என்றார்.

அதற்கு நான் எந்த மாதிரி என்றேன் ?

முழுப் படத்தையும் வெளிநாட்டில் படமாக்குவோம் என்றார்.

செலவு அதிகம் ஆகுமே என்றேன்.

தமிழில் மட்டும் எடுத்தால் பொருட்செலவு அதிகமாகும் நிச்சயம் கையைக் கடிக்கும்.

அதனால் கன்னடத்திலும் சேர்த்து எடுக்கலாம் என்ற ஐடியாவை பஞ்சு அருணாசலம் கூறினார்.

கன்னடத்தில் எடுக்கத் தயாரிப்பாளர் ராஜண்ணாவும் தயாராக இருந்தார்.

அந்தப் படம் தான் ‘ப்ரியா’.

பஞ்சு அருணாசலத்தின் சகோதரர் கேஎன்.சுப்புதான் ‘ப்ரியா’ படத் தயாரிப்பாளர்.

எழுத்தாளர் சுஜாதா எழுதிய ‘ப்ரியா’ நாவலைத்தான் படமாக்கினோம்.

வெளிநாடுகளில் நடக்கும் கதைக்களம். நானும் ஒளிப்பதிவாளர் பாபுவும் ‘ப்ரியா’ நாவலைப் படித்து கதையை உள் வாங்கிக்கொண்டோம்.

சுஜாதாவின் கதைகள் பெரும்பாலும் திரைக்கதை வடிவத்தில் இருக்கும்.

சிறந்த கணினி விஞ்ஞானி அவ்வளவாக கணினி புழக்கத்துக்கு வராத காலத்திலேயே கமலுக்குக் கணினி கற்றுக்கொடுத்து, திரைப்பட உருவாக்க வேலைகளை அதில் செய்ய வைத்தார் எழுத்தாளர் சுஜாதா அந்தக் காலத்தின் ‘திருமூலர்’ என்றே சொல்லலாம்.

அவருடைய ‘ப்ரியா’ கதைக்கு பஞ்சு அருணாசலம் தன் எழுத்தின் மூலம் மேலும் மெருகேற்றினார்.

‘ப்ரியா’ பட நாயகன் சூப்பர் ஸ்டார் ரஜினிகாந்த். நாயகி ஸ்ரீதேவி.

கன்னட நடிகர் அம்ரிஷ், மேஜர் சுந்தர்ராஜன், தேங்காய் சீனிவாசன் என நடிகர்கள் தேர்வானார்கள். இளையராஜா புதுமையான பாடல்களை அற்புதமாக

இசை அமைத்து, ‘இன்ரிகோ’ (INRECO) ஸ்டீரியோபோனிக் முறையில் ஒலிப்பதிவு செய்துகொடுத்தார்.

சூப்பர் ஸ்டாரின் படத்துக்கு சூப்பராகவே பாடல்கள் அமைந்தன.

ப்ரியா’படத்தை சிங்கப்பூரில் படமாக்கும் வேலைகளை தொடங்கினோம் பொதுவாக வெளிநாடுகளில் பாடல் காட்சிகளை மட்டுமே எடுப்பது ஒரு விதம்.

முழு படத்தையும் எடுப்பது சாதாரணமானது இல்லை. படப்பிடிப்புக்குப் புறப்பட்டபோது, செலவோடு செலவாக மளிகை பொருட்களை எடுத்துக்கொண்டு உடன் சமையல்காரரையும் அழைத்துச் சென்றோம்.

அதிகாலையில் படப்பிடிப்புக்குப் புறப்பட்டால் டிபன் ரெடி ஆகியிருக்காது. புகழ்பெற்ற நடன இயக்குநர் சோப்ரா மாஸ்டர்

பிரட்டில் ஜாம் வைத்து காலை உணவை தயார் செய்துகொடுப்பார்.

படத்துக்குத் தேவையான சில காட்சிகளை சிங்கப்பூர் ஏர்போர்ட்டில் படமாக்க நினைத்தோம். ஏர்போர்ட் நிர் வாகத்தை அணுகியபோது பயணிகள் அதிகம் வந்து செல்லும் நேரத்தைத் தவிர்த்து எடுத்துக்கொள்ளலாம் என்று சொல்லி அனுமதி அளித்தனர்.

அனுமதி கிடைத்த மகிழ்ச்சியோடு தொகை எவ்வளவு கட்ட வேண்டும் என்று கேட்டோம் ?

இந்தப் படம் மூலமாக எங்கள் ஏர்போர்ட் பல நாட்டு மக்களுக்கும் தெரியப்போகிறது. இன்னும் பல நாட்டுக்காரர்கள் எங்கள் நாட்டுக்கு சுற்றுலா வருவார்கள்.

உங்கள் மூலம் எங்களுக்கு விளம்பரம் கிடைக்கும்போது ஏன் பணம் வாங்க

வேண்டும்? எதுவும் வேண்டாம் என்றார்கள். சுற்றுலாத் துறைக்கு சிங்கப்பூர் கொடுக்கும் முக்கியத்துவத்தை உணர முடிந்தது.

படப்பிடிப்புக்காக சிங்கப்பூர் ஏர்லைன்ஸ் நிறுவனம் ஒரு விமானத்தை சில மணி நேரங்களுக்கு இலவசமாகக் கொடுத்து உதவியது.

டார்லிங் டார்லிங் டார்லிங் என்ற இளமை துள்ளும் பாடலை சிங்கப்பூரில் ஒரு நீச்சல் குளத்தில் படமாக்கும் வேலையில் ஈடுபட்டிருந்தோம்.

அந்த பாடலுக்கு நடனம் ஆட வேண்டிய ஸ்ரீதேவி உரிய நேரத்தில் படப்பிடிப்புக்கு வரவில்லை விசாரித்து பார்த்தால் அவர் அறையில் அழுது கொண்டு இருக்கிறார் என்றார்கள்.

எங்களுக்கு தூக்கி வாரி போட்டது

ஏன் அழுது கொண்டு இருக்கிறார் என்று ?

அடுத்த வாரம் படம் பார்ப்போம்...

தொடரும்......

நன்றி வணக்கம் 🙏🙏
#SSR
#SSRThreads

@BrightAmt
@natrajbai
@EngineerKpn
@Djagannathan1
@Jebasingh_S007
@Anbuhelan1986
@Satheesh_2020
@rajinithamizh
@BRaja1972
@warnermani
@tn2point0
@Vasheegaran
@kumarwinn
@Ponniyi60491726
@sarvan_lsr
@ValluvanDa
@Mdvnktsh
@ragulshiv
@rakks_twitz
@Yuvaraj04621873
@ganeshjayabalan

@gowtham766
@GuberanGk
@Samuelclicks
@apvigneshkumar
@pangalee
@Nasubbu1
@india_tamizhan
@Deepu06407071
@itsNilaMan
@True_Machinist
@sks61478807
@gopiyojivizi
@ajpasu
@kanthi90
@rajini_sachin10
@Aravind01431 @rajini_gopkan70 @Samuelclicks @dvenki7787 @logan12_07 @VP3107