~~تھریڈ~~
جنل ممُود کے بچے
نوے کی دہائی کے اواخر کی بات ہے کہ جاب کی حوالے سے مجھے ایک اچھا موقع ملا اور لندن کی ایک کمپنی نے مجھے پاکستان میں بطور پراجیکٹ مینجر اور کنٹری ہیڈ ہائیر کر لیا۔ یعنی پاکستان میں کمپنی کی نمائیندگی کے علاوہ میری ذمہ داریوں میں لاہور، کراچی اور +
جنل ممُود کے بچے
نوے کی دہائی کے اواخر کی بات ہے کہ جاب کی حوالے سے مجھے ایک اچھا موقع ملا اور لندن کی ایک کمپنی نے مجھے پاکستان میں بطور پراجیکٹ مینجر اور کنٹری ہیڈ ہائیر کر لیا۔ یعنی پاکستان میں کمپنی کی نمائیندگی کے علاوہ میری ذمہ داریوں میں لاہور، کراچی اور +
اسلام آباد میں سوفٹ وئیر انجنئیرز کی ٹیمیں تشکیل دے کر ان سے پروجیکٹ ورک کروانا تھا۔ مشاہرہ اچھا تھا اور کمپنی کے کھاتے میں سفر کے بے شمار مواقع، مجھے سفر ہمیشہ سے ہی پسند تھا سو یہ جاب میری پسندیدہ جاب بن گئی۔ کام پسند کا ہو، مشاہرہ اچھا ہو اور براہِ راست غیر ضروری دباؤ نہ ہو +
تو نتیجے کے طور پر کام میں توجہ، ارکاز، دلچسپی اور یوں پیداواری صلاحیت کئی گنا بڑھ جاتی یے۔ اس سب کا فائدہ یہ ہوا کہ پہلے دو پراجیکٹس ہی نہ صرف بروقت مکمل ہوئے بلکہ کسٹمر کی ضرورت کی عین مطابق تیار ہوئے۔ لندن میں کمپنی کے تین پارٹنرز میں سے ایک برٹش بورن پاکستانی عاصم شاہ تھے۔+
عاصم شاہ بالکل ویسے ہی تھے جیسے ایسے پاکستانی ہوا کرتے ہیں یعنی کولہ کٹ ہیْر سٹائل اور مضحکہ خیز برٹش لہجے میں پنجابی بولنے کی کوشش میں ہر لمحہ وجہء مسکراہٹ بننے والے۔ عاصم شاہ بہرحال اعلٰی تعلیم یافتہ اور کاروباری اونچ نیچ سے واقف آدمی تھے۔ پہلے دو پراجیکٹس اچھےگئے تو عاصم شاہ+
نے دورہء پاکستان کا فیصلہ کیا تاکہ سیٹ اپ میں انویسٹمنٹ میں اضافہ کر کے اسے مزید بہتر بنایا جا سکے۔ عاصم پاکستان آئے، ان سے ملاقات کافی اچھی رہی، لاہور کے بعد کراچی کا دورہ ہو چکا تو اسلام آباد جانے کا فیصلہ ہوا۔ عاصم نے فیصلہ کیا کہ اسلام آباد بذریعہ جی ٹی روڑ کار کا سفر +
کیا جائے یوں راستے میں رکنے اور شہر دیکھنے کی سہولت بھی رہیگی۔ بجٹ کار رینٹل سروس سے نئے ماڈل کی کرولا بمع ڈرائیور منگوا لی گئی۔ بعد از مغرب سفر شروع ہوا اور ہم راستے میں گپ شپ کرتے ہلکا پھلکا سٹاپ کرتے اسلام آباد کی جانب گامزن ہو گئے۔ یہ مشرف کے مارشل لاء کے شروع کا زمانہ تھا+
رات ایک بجے کے قریب میں روات پہنچے تو سڑک کے درمیان فوجی ناکہ لگا ہوا تھا۔ دو فوجی جوانوں نے ہاتھ آگے بڑھا کر رکنے کا اشارہ کیا، میں نے محسوس کیا کہ میرے علاوہ عاصم کے چہرے پر بھی انجانی بدمزگی کے اندیشے اور فکر مندی کے آثار نمودار ہو چکے تھے۔ قریب پہنچے تو ایک فوجی جوان نے گن +
تان لی اور دوسرے نےمشکوک نظروں سے کار کے اندر دیکھنے کی کوشش شروع کر دی، اتنے میں ہماری کار کےڈرائیور نے شیشہ ایک انچ نیچے کیا اور فوجی جوان سے مخاطب ہو کر بولا 'جنل ممُود صاب کے بچے ہیں جی!'
یہ سننا تھا کہ جوان ایک قدم پیچھے ہٹا اور 'سلاواں لیکم سر' کہتے ہوئے زور دار سیلیوٹ کیا+
یہ سننا تھا کہ جوان ایک قدم پیچھے ہٹا اور 'سلاواں لیکم سر' کہتے ہوئے زور دار سیلیوٹ کیا+
اور ڈرائیور کو جانے کا اشارہ کر دیا۔ ڈرائیور نے آرم سے گاڑی آگے بڑھا لی۔ میں اور عاصم شاہ ایک دوسری کی شکلیں دیکھنے لگے کہ یہ ہوا کیا ہے؟ میں نے ہمت جمع کر کے ڈرائیور سے پوچھا کہ آپ نے ایسے کیوں کہا کہ ہم جنل ممُود کے بچے ہیں؟ ہم میں سے تو کوئی جنل صاحب کا بچہ نہیں ہے؟ +
ڈرائیور بولا 'خیر ہے سر۔۔یہ گاڑی جنل صاحب کی ہی ہے۔ اب انکو تلاشیاں دینے بیٹھ جاتے تو آپکا سفر خراب ہوتا'. بعد ازاں پتہ چلا کہ کسی جنرل محمود صاحب نے بجٹ رینٹ اے کار والوں کے ساتھ بطور انویسٹمنٹ کاریں شامل کر رکھی تھیں۔ ہمیں جنل صاحب کی انویسٹمنٹ پر تو خیر کوئی اعتراض نہیں تھا +
لیکن آج بھی سوچتا ہوں کہ احتساب سے مبرا ہونے کی کیا یہی روش آج بھی جاری و ساری نہیں جسکے تحت ایک کیپٹن موٹروے پولیس انسپکٹر کی ہڈی پسلی ایک کر کے نکل جاتا ہے، کرنل کی بیوی پولیس حکام پر گاڑی چڑھانے کی دھمکیاں دے کر بھی بچ جاتی ہے اور ایک اور جنل صاحب کا بچہ ملٹری پولیس کو+
'خدا کی قسم توُ آج ختم ہے' کہہ کر بھی نکل جاتا ہے؟ کیا لاقانونیت کی یہی روش آگے چل کر معاشرے کی جڑوں میں بیٹھ کر اور نودولتیوں کو بدمعاشی کی شہ دے کر معاشرتی ناانصافی کی بنیاد نہیں رکھ رہی ہے؟
کیا یوں شہریوں کی جان، مال اور عزت کو احساسِ عدم تحفظ کا شکار نہیں کیا جا رہا؟
دی اینڈ
کیا یوں شہریوں کی جان، مال اور عزت کو احساسِ عدم تحفظ کا شکار نہیں کیا جا رہا؟
دی اینڈ
• • •
Missing some Tweet in this thread? You can try to
force a refresh
