Thread by @VigneshAnand_Vm

உடல் வலியை காரணம் காட்டி மக்கள் சேவையில் பின்வாங்காமல் செயலாற்றிய ஒரே தலைவர் “கலைஞர்” .

அருந்ததயினருக்கான 3% உள் ஒதுக்கீடு மசோதாவை முன்மொழிந்து கலைஞர் எழுதிய முன்னுரை வருமாறு:

1/n

மாண்புமிகு பேரவைத் தலைவர் அவர்களே, பேராசிரியர் அவர்களே,சட்டப் பேரவை அனைத்துக் கட்சி உடன்பிறப்புகளே,
இன்று வந்து உங்களை சந்திப்பதாக இருந்தும் கூட டெல்லி மருத்துவரும் சென்னை மருத்துவ நண்பர்கள் குழுவும் அளித்த அறிவுரையாலும் அச்சுறுத்தலாலும் வர இயலவில்லை மன்னிக்க வேண்டுகிறேன் 2/n

நிமிர முடியாமலும், திரும்ப முடியாமலும் நங்கூரம் போட்டது போல நரம்பிணைந்து முதுகுத் தண்டில் வலி! வலி! ஒன்று உடல் வலி - பிறிதொன்று நீங்கள் வழங்கியுள்ள மன வலி .

3/n

கருத்து மாறுபாடுகளுக்கிடையிலேயும் நீங்கள் காட்டும் கனிவு - அரசியல் மாச்சரியங்களை மீறி நீங்கள் காட்டும் அன்பு - இன்று நம்மை மீண்டும் இணைக்கிறது .

4/n

தமிழ்த் தாயின் கரம் நம்மை ஒரு சேர அணைக்கிறது. அறிவியக்கம் - ஆன்மிகம் - நாத்தீகம் ஆத்திகம் - இந்த வேறுபாடுகள் மாறுபாடுகள் கடந்த நன்றியுணர்வும் நன்மனித நேயமும் வளர்த்திடுவோம் ஆரம்ப கால பொதுவுடைமைவாதி என்ற முறையிலும் பெரியார், அண்ணா, காமராஜர் அண்ணன் ஜீவா 5/n

போன்றோரின் அருமைத் தொண்டர்களில் ஒருவன் என்ற முறையிலும் அடி மட்டத்துக்கெல்லாம் அடி மட்டமாகக் கிடந்து அவதியுறும் மனித ஜீவன்கள் அருந்ததி மக்கள்,புதிய உலகம்-புரட்சியுகம் காண்பதற்காக; இன்று அவையில் நான் முன் வைக்கும் சட்ட முன் வடிவை உங்கள் ஆதரவு வழங்கி; நிறைவேற்றித்தர வேண்டுகிறேன்.6/n

இங்ஙனம்
உங்கள் அன்பு நதியில் - என்றும் நனைந்திடவே விரும்பி வாழும் உடன்பிறப்பு - உங்களில் ஒருவன்

அன்பு மறவாத

@kalaignar89

26.2.2009
ராமச்சந்திரா மருத்துவமனை, போரூர்

7/n

இந்த மசோதா உள்ளாட்சித் துறை அமைச்சர் தளபதி திரு. @mkstalin அவர்களால்
26.2.2009 அன்று பேரவையில் முன்மொழியப்பட்டு, ஒரு மனதாக நிறைவேற்றப்பட்டது.