Thread by @PunjabiComrade

#garrisonstate

نویں قسط
گوردوارہ "ننکانہ صاحب" اکالیوں کا اگلا ہدف تھا مہنتوں (یعنی سکھ مجاوروں نے جنہیں اکالی اصل سکھ نہیں مانتے تھے) نے سرحد سے سکھ پٹھانوں کو بلوایا اور اپنے دفاع کے لیے اسلحہ جمع کر لیا بیس فروری 1921 کو اکالیوں نے ننکانہ پر حملہ کیا لیکن محافظین کی تیاری

کیوجہ سے یہ حملہ ناکام رہا کئی اکالی مارے گئے اور مہنتوں نے ثبوت مٹانے کے لیے انکی لاشیں جلا دیں اس پر پانچ سو سے ایک ہزار سکھ کرپانیں لیکر وہاں پہنچ گئے اور حکومت کو واقعے کا ذمہ دار ٹھہرایا اس پر مذہبی مقامات کی ملکیت کے سلسلے میں 1921 کا "گوردوارہ اور شرائن ایکٹ" زیربحث آیا

لیکن اس قانون پہ اتفاق نہ ہو پایا سکھوں نے جب دیکھا کہ حکومت کچھ نہیں کر رہی تو اکالیوں نے قوت جمع کرنا شروع کر دی
1924 میں "میلکم ہیلی" پنجاب کا گورنر بنا اسوقت چھوٹے چھوٹے جھگڑے تو جاری تھے لیکن کسی بڑی لڑائی کا سامنا نہ کرنا پڑا تھا حکومت سکھ فوجیوں کے بارے میں پریشان تھی

گورنر نے فیصلہ کیا کہ نہ بہت سختی کی جائے اور نا ہی سکھوں کے خلاف ہتھیار ڈالے جائیں لہٰذا اعلانیہ تحریک پہ پابندی لگا دی گئی لیکن اگر اکالی چھپ چھپا کر کوئی کام کرنا چاہتے تو انہیں نا روکا جاتا تاہم قانون کی خلاف ورزی کی اجازت نہ دی گئی ساتھ ہی انگریز نے اپنے حامی سکھوں کی مدد سے

دیہاتوں میں سدھار یا سیواک کے نام سے اکالی مخالف تحریک بنانا شروع کر دی اس تحریک میں ریٹائرڈ سکھ فوجیوں کو ڈالا گیا ان تنظیموں نے پروپیگنڈہ شروع کیا کہ انگریز ہمارے مذہب کو کچھ نہیں کہہ رہا یہ اکالی ویسے ہی شور مچا رہے ہیں آپ اپنے مسایل بتائیں ہم انہیں حل کرا دیتے ہیں

آہستہ آہستہ سیواکوں کا اثر بڑھ گیا سکھ بھی اس لمبی چپقلش سے تنگ آ چکے تھے 1925 میں "سکھ گوردوارہ اور شرائن ایکٹ" منظور ہو گیا اور گوردواروں کا انتظام ایک منتخب بورڈ کے حوالے کر دیا گیا جس سے اکالی تحریک کا زور ٹوٹ گیا
اکالی تحریک نے دو طرح سے برطانوی حکومت کو نقصان پہنچایا

ایک تو سکھ فوجیوں کی وفاداری کو خطرے میں ڈالا دوسرا سکھ کسانوں کی اطاعت کو بھی متاثر کیا جسکی وجہ سے فوج میں سکھوں کی بھرتی کم ہوئی ساتھ ہی سکھوں کی طرف سے ٹیکسس کی وصولی میں بھی کمی واقع ہوئی بہرحال اس ساری کشمکش نے ثابت کیا کہ عوامی وفاداری قائم رکھنے کے لیے فوج تنہا کام نہیں

کر سکتی اسے سویلین اداروں کی مدد درکار ھے
پنجاب میں سیاسی عمل کا آغاز ۔
پہلی جنگ عظیم کے آخری عرصے یعنی 1917 میں ہندوستان کے لیے برطانوی مشیر برائے ریاستی امور ایڈون مونٹاگو نے برطانوی پارلیمان میں اعلان کیا کہ حکومت برطانیہ کا ارادہ ھے کہ اقتدار میں ہندوستانی لوگوں کو زیادہ

شرکت دیجائے 1917 سے 1918 کے دوران مونٹاگو اور کیلم فورڈ نے ہندوستان کے مختلف علاقوں کا دورہ کیا مختلف نمائندہ طبقات سے ملاقاتیں کیں اور یہ نتیجہ اخذ کیا کہ لوگوں میں غلام ہونے کا احساس بڑھ رہا ھے لہٰذا ضروری ھے کہ وفاداریاں برقرار رکھنے کے لیے قوانین میں ترامیم کی جائیں اور

ہندوستانیوں کو بھی اقتدار میں نمائندگی دیجائے ان ترامیم کا خلاصہ یہ تھا کہ ریاست کے اہم شعبے برطانیہ کے ہاتھ میں رکھتے ہوئے مقامیوں کو اقتدار میں شریک کرنے کا آغاز کیا جائے پنجاب کے گورنر "ایڈوائیر" نے ان تجاویز کی مخالفت کرتے ہوئے کہا کہ یہ ایک ایسا قدم ھے جسکی نا تو ضرورت ھے

نہ یہاں کے لوگ اسکا مطالبہ کر رہے ہیں اور نہ ہی اس قوم میں بغاوت کی طاقت ھے ایڈوائیر پنجاب کے پورے نظام اور معاشرے کو سمجھ چکا تھا اور وہ پنجاب کی دیہی جاگیردار اشرافیہ کی جگہ شہری اشرافیہ کو اوپر آتا نہیں دیکھنا چاہتا تھا جب اس نے ہندوستان کی سطح پر آتی اس سیاسی تبدیلی کو روکنا

ناممکن سمجھا تو اس نے صوبہ پنجاب کے لیے ایک خاص فارمولہ وضع کیا اس نے ایک چھوٹی قانون ساز اسمبلی بنانے کی تجویز دی جس میں سترہ نامزداور باقی منتخب اراکین ہوں منتخب نشستوں میں پچیس دیہی علاقوں اور صرف چھ شہری علاقوں سے رکھی گئیں جبکہ دو نشستیں تاجروں اور صنعتکاروں کی اور ایک

پنجاب یونیورسٹی کی مختص ہوئی پچیس دیہی نشستوں میں سے چار نشستیں جاگیرداروں کے لیے مخصوص کی گئیں ووٹوں میں ایک لاکھ اکسٹھ ہزار دیہی اور ستر ہزار شہری ووٹ تجویز کیے ووٹ کے لیے جو شرائط رکھی گئیں ان میں ٹیکسس کی ادائیگی کی شرط تھی اور اسکا معیار اتنا اونچا رکھا کہ غریب آدمی ووٹ

کا اہل ہی نہیں رہا حاضر سروس اور ریٹائرڈ فوجیوں کو ووٹ کا حق دیا گیا علاقے کے بڑوں اور نمایاں سول افسران کو بھی ووٹ کا حق دیا گیا اس فارمولے کے تحت سرکاری افسران ،ریٹائرڈ فوجیوں اور جاگیرداروں کے ڈیڑھ لاکھ ووٹ بنتے تھے
اگرچہ اس تجویز میں گورنر نے دیہی فوجی اشرافیہ کے مفادات کے

تحفظ کی کافی کوشش کی تھی مگر دیہی فوجی اشرافیہ پھر بھی نظام میں یہ تبدیلی لانے پہ معترض ہوئی کیونکہ وہ جانتے تھے کہ کانگریس کے پڑھے لکھے سیاستدانوں کا مقابلہ کرنے کی اہلیت ان میں نہیں ھے
جاری ھے

@threadreaderapp @threader_app compile please