Thread by @wankhedeprafull

आपण जर आज आपल्या घटनेची उद्देशिका वाचली तर सहज लक्षात येईल की ज्या देशाला विचार, व्यक्तीस्वातंत्र्य, जातीव्यवस्था, विद्वेष, जन्मजात विषमता, शिक्षणाचा अभाव, बहुतांश ग्रामीण भाग याचा शेकडो वर्षांचा पाया होता, प्रभाव होता त्या देशाने ही राज्यघटना त्या काळी कशी स्वाकारली असेल. १/६

https://twitter.com/letsreadindia/status/1353908200408375298

मला निःसंशय तेंव्हाची आपली भारतीय पिढी आजपेक्षा वैचारीक दृष्ट्या अधिक प्रगल्भ वाटते.

आजच्या दिवशी आपण भारतीयांनी “स्वातंत्र्य, समता, बंधूता आणि न्याय यांच्या मुलभूत पायावर उभ्या असलेल्या महान राज्यघटनेचा स्वीकार केला.

खरे पाहता आपली भारतीय स्वातंत्र्य लढ्याची चळवळ ही २/६

ब्रिटीशांविरूद्ध तसेच एकाचवेळी इथल्याच सामाजिक, राजकीय आणि आर्थिक बाबींवर सुरू होती.

ज्या धर्मरूढींनी, राजेशाहीने आणि वर्णवर्चस्ववादी परंपरेने विषमतावाद जोपासला होता त्या विरूद्ध ती चळवळ कडालली आणि जिंकलीही.

आजही आपण आपल्या देशाच्या राज्यघटनेतील या मुल्यांचा अंगीकार केला ३/६

तर आपला देश नक्कीच सामर्थ्यशाली, बलशाली आणि जागतिक महासत्ता होऊ शकतो.

खरी गरज आहे ती समाजमन एकत्र आणण्याची. राजकीय, सामाजिक स्थळावर पोषक वातावरण तयार करण्याची.

कर्तव्यशुन्यतेचा आळस झटकून शिक्षण आणि आर्थिक स्तरावर सुसुत्रता आणण्याची.
४/६

आजचा भारत आपल्या बाहेरील शत्रूंशीही पक्ष, जात, धर्म, भाषा वगळून एकसंधपणे लढताना दिसत नाही परंतु आपआपसात जाती, धर्म, कर्मकांड, मंदीर, मशिद आणि पुतळे यावर भांडणच काय प्रसंगी एकमेकांचा जीव घेण्यासही एकरूप, एकसंध होताना दिसतो आणि हीच मोठी शोकांतिका आहे.

५/६

तरूणांनो, प्रजासत्ताक भारत हा आपला श्वास आहे तो श्वास राहील याची आपण सर्वांनीच काळजी घ्यायला हवी..... मरेपर्यंत!

त्या प्रजासत्ताक भारताचे संवर्धन आणि जतन हे आपले आद्यकर्तव्य आहे.
६/६

#प्रजासत्ताकदिवस #HappyRepublicDay2021 #LetsReadIndia

*विचार, व्यक्तीस्वातंत्र्याचा अभाव 🙏