Thread by @habibu_anga

ZIMWI TULIJUALO: USO KWA USO NA CIA NDANI YA AFRIKA MASHARIKI

PART 2

Sasa basi,

Wale maaskari wawili ambao walifika Upanga nyumbani kwa Mohammed al-Asad sio tu kwamba walikuwa wamevalia kiraia tu, bali pia walifika wakiwa na gari yenye plate number za kiraia pia.

Kwa hiyo...

wakamwambia al-Asad kwamba wanahitaji kwenda naye kituo cha polisi kwa ajili ya mahojiani mafupi.

Kama ilivyo kawaida al-Asad akawauliza mahojiano hayo yahusu nini haswa? Polisi wakamjibu kwamba atafahamu huko huko kituoni akifika
Bila hiyana al-Asad akaaga familia yake na kisha

akaingia kwenye gari ambalo wale askari waliwasili nalo na kisha wakaondoka.
Gari ilipowashwa iliendeshwa mpaka kufika uwanja wa ndege Terminal 1 kwenye hangar ya kampuni ya Tanzania Air Services (Sio Air Tanzania.. hii ni kampuni binafsi ambayo bado ingalipo hata sasa nchini...

hawa wenyewe wanafanya biashara ya kutoa huduma ya usafiri wa anga kwa charted na private planes. Kwa mfano hata sasa hivi ukienda pale uwanja wa ndege Terminal 1 wana karakana yao. Hii ndio kampuni ya kwanza nchini kupewa kibali cha kufanya service ndege za Cessna).

Kwa hiyo..

ile gari ikafika mpaka hapo kwenye hangar ya Tanzania Air Services.
Walipofika wakamkabidhi al-Asad kwa wazungu wawili ambao walikuwata hapo wanawasubiri.

Wale wazungu wakamtia pingu al-Asad na kumveka tambara jeusi usoni ili asiwe kuona na kisha kumpakia kwenye ndege ndogo aina

ya Cessna F406 Caravan II, ambayo mkiani ina namba ya usajili 5H-TZE mali ya kampuni ya Tanzania Air Services Ltd.

Ile ndege ikaruka moja kwa moja toka hapa Dar es Salaam mpaka nchini Djibouti kwenye mji unaoitwa Ambouli ambako vikosi vya Navy vya Marekani wana kambi ya kudumu..

ya kijeshi inayoitwa Camp Lemonnier (hii ndio kambi pekee ya kudumu ya Marekani hapa barani Afrika. Kambi hii pia inafanya kazi kama makao makui ya U.S. Africa Command (USAFRICOM)).

Ndani ya kambi hii pia kuna 'black site' maarufu ya shirika la Ujasusi la CIA ambayo wanaitumia..

kama jela ya siri kuwashikilia mateka wao muhimu ambao hawataki wajulikane kwamba wamewakamata.

Sasa huyu Asad ndio alipotolewa hapa Dar akapelekwa kwenye hiyo black site ya CIA ndani ya Camp Lemonnier nchini Djibouti

Kwa ufupi sana labda nimueleze huyu Asad.

Huyu somo ni raia

wa Yemen ambaye alikuwa ameishi hapa nchini kwetu kwa muda wa miaka 10.
Huyu bwana kwa muda huu ambao alikuwa ameishi hapa nchini alikuwa amefanikiwa kugushi cheti cha kuzaliwa kuonyesha kwamba ni mzaliwa wa hapa tz na hivyo alikuwa na hati ya kusafiria ya Kitanzania japo kwa..

uhalisia hakuwa raia wa Tanzania.

Sasa,

Masaa kadhaa baada ya kufikishwa hapo Camp Lemonnier, maafisa wengine wawili wa CIA walifika kwenye selo ya siri ndani ya kambi ambayo alikuwa anashikiliwa.

Kwa mujibub wa al-Asad mwenyewe kwa maelezo ambayo miaka kadhaa baadae alikuja..

kuwaambia wajumbe wa Kamisheni ya Haki za Binadamu ya Umoja wa Afrika aliwaelezea watu wale wawili waliokuja kwenye selo yake kwamba mmoja alikuwa ni mwanamama halfcast wa kizungu na kiafrika akiwa ameambatana na mwanaume wa Kizungu ambao wote walivalia kiraia

Maafisa hao wawili

wa CIA wakaanza kumuhoji.

Swali pekee ambalo walimuuliza Asad ni uhusika wake kwenye shirika linaloitwa Al-Haramain Foundation.

Hapo nieleze kidogo,

Huyu Asad shughuli yake aliyokuwa anaifanya hapa Dar alikuwa ni muhasibu wa hilo shirika linaloitwa Al-Haramain Foundation ambao

walikuwa na ofisi zao mtaa wa Kisutu.

Shirika hili la Kiislamu lilikuwa limejikita kwenye kutoa misaada ya kiutu kama vile kujenga vituo vya watoto yatima, kusadia kulipia vijana gharama za masomo, kusambaza bure vitabu vya dini na pia kuwachangia gharama watu wanaokwenda kuhiji

Shirika hili makao makuu yake yalikuwa yako nchini Saudi Arabia na kwa hapa Afrika lilikuwa na ofisi kwenye nchi nne tu, Ethiopia, Somalia, Kenya na hapa kwetu Tanzania.

Na kwa hapa Tanzania huyu al-Asad ambaye muda huu ameshikiliwa kwenye black site ya CIA nchini Djibouti..

alikuwa ndiye muhasibu.

Maafisa hao wa CIA wakamtaka aeleze nukta kwa nukta kile ambacho Asad anakifanya ndani ya shirika la Al-Haramain

Leo nimechelewa kidogo kuweka hii Part 2 kutokana na majukumu

Kesho usikose Part 3, Nisaidie ku-retweet

Habib B Anga
To Infinity and Beyond