Thread by @habibu_anga

ZIMWI TULIJUALO: USO KWA USO NA CIA NDANI YA AFRIKA MASHARIKI

PART 3

Mara ya mwisho nikasema kwamba, maafisa wawili wa CIA walifika kwenye jela ya siri ya shirika hilo la Ujasusi iliyopo ndani ya kambi ya Kijeshi ya Camp Lemonnier nchini Djibouti ambako "Mtanzania" al-Asad..

alikuwa anashikiliwa.

Maafisa hawa wa CIA swali pekee ambalo walikuwa wanamuhoji Asad ni kuhusu shughuli zake ndani ya shirika la Kiislamu la al-Haramain ambalo yeye alikuwa kama muhasibu hapa Tanzania

Kwa muda wa siku tatu nzima, Asad alikuwa akihojiwa kwa mtindo ambao wenyewe

CIA huita "mbinu zilizoboreshwa" (enhanced techiques) ambazo kimsingi ni mateso kama vile water boarding, sleep depravation, light depravation.

Niweke nyama hapo kuhusu hili shirika la al-Haramain ambalo CIA walikuwa wakimuhoji Asad kuhusu.

Shirika hili la misaada la Kiislamu..

lilikuwa linapata fedha zake kwa kukusanya 'donations' toka kwa watu na makampuni mbalimbali duniani.

Hizo donations ambazo walikuwa wanakusanya kuna kipindi zilikuwa zinafika mpaka Dola Milioni 50 (bilioni 120 tsh) kwa mwaka.

Lakini kuna muda CIA wakaanza kupata wasuwasi juu..

ya shughuli za shirika hili.

Walikuja kung'amua kwamba ndani ya shirika hili kulikuwa na watu wa ngazi za juu ya Uongozi wa shirika ambao walikuwa na mafungamano na kikundi cha Al Qaida na Taliban.

Yaani kwamba, kwenye ule mchakato wa kukusanya donations, kuna kampuni nchini...

Saudi Arabia ambazo zinamilikiwa na Osama bin Laden, nazo zilikuwa zikichangia hili shirika mabilioni ya shilingi japo kwa siri kubwa.

CIA wakapata nadharia kwamba, fedha hizo zilikuwa hazitumiki kwenye shughuli za kawaida za shirika la al-Haramain bali zinagawiwa kwa...

viongozi wa mtandao wa al-Qaida sehemu mbalimbali duniani

CIA hawakujua ni namna gani haswa fedha hizi zinasambazwa toka shirika al-Haramain mpaka kuwafikia viongozi wa al-Qaida au ni akina nani haswa walikuwa wanapewa
Hawakujua hayo lakini walijua kwa hakika kabisa kwamba kitu

hicho kinafanyika.

Ndio sababu kwa nini muda huo walikuwa wanamihoji "Mtanzania" al-Asad kwa kumtesa pale kwenye jela ya siri ndani ya Camp Lemonnier.

Baada ya siku tatu za mateso, hatimaye al-Asad akaanza kufunguka

Asad alifunguka vitu vingi sana lakini nitaomba niangazie mtu

mmoja muhimu sana.

Asad aliwaeleza CIA kwamba kuna maelezo alikuwa anapewa toka juu (makao makuu ya shirika lao nchini Saudi Arabia) ofisi ya uhasibu.

Kwamba, Asad alikuwa akitumia kiasi kikubwa cha "petty cash" alizokuwa anazifanyia attachment kwa shughuli ambazo si za kweli..

na kisha kukusanya na kuna mtu alikuwa anamkabidhi.

Yaani kwamba, katika petty cash za al-Haramain kwa tawi la Dar es Salaam.. kuna baadhi ya petty cash ambazo attachement za matumizi yake yalikuwa ni ya uongo.
Na Asad alikuwa anakusanya hizi petty cash kwa muda kadhaa (mfano..

mwezi mzima) alafu kuna mtu alikuwa anamkabidhi hiyo fedha

Kwa hiyo ukikagua vitabu vya fedha vya al-Haramain huwezi kuona transfer yoyote kwenda kwa watu wa kutiliwa shaka. Fedha hizo zilikuwa zinakuwa transfered kupitia petty cash na manunuzi bandia ambayo Asad alkuwa anafanya

kisha hela zinazopatikana kuna mtu alielekezwa awe anampatia

Mtu huyo jina lake anaitwa Mohammed Odeh (maafuru kama bwana somba), mwarabu koko ambaye alikuwa maarufu sana vijiwe vya kahawa magomeni na kariakoo kwenye miaka ya tisini (Kwenye kitabu cha SIRI & UJASUSI nimemuelezea

kirefu sana kwenye makala inaitwa "Ujasusi Sebuleni kwetu". Kama haukufanikiwa kupata nakala basi kaa stand-by.. siku si nyingi nitatangaza upatikanaji wa nakala mpya).

Labda niwadokeze kidogo kuhusu huyu mtu ambaye Asad alikuwa anawaambia CIA kwamba aliambiwa awe anampa hela..

yaani huyu Mohammed Odeh 'bwana somba'.

Huyu somo alikuwa ni Mkenya na kuna kipindi aliajiriwa na kampuni ya usafirishaji mizigo majini iliyopo hapa Dar na mpaka alipangiwa nyumba maeneo ya Ilala.

Kufanya kwake huko kazi kwenye kampuni hiyo ya Kitanzania ndiko kulimpa fursa ya

kuifahamu vyema sana mitaa ya Dar na watu wake.

Baadae aliacha kazi na kurejea kwao Kenya. Akahama Nairobi na kuhamia kijiji kinaitwa Witu kipp huko Mombassa. Alafu akanunua boti ya kisasa na kuanza biashara ya uvuvi wa samaki ambao alikuwa anawaleta mpaka huku Dar kuja kuuza..

Kwenye hizo safari zake za kuja Dar kuuza samaki kwa jumla, akawa akiwaletea sana zawadi ya samaki rafiki zake wa vijiwe vya kahawa ndio mpaka wakambatiza jina la utani "bwana somba".
Huyu somo alikuwa ni mcheshi sana na mtu wa watu.

Lakini hakuna ambaye alikuwa anajua undani wa

huyu somo.

Huyu bwana uhalisia wake alikuwa ni mzaliwa wa Saudia na alilowea hapo nchini Kenya kwa miaka mingi kutengeneza 'cover' kwa ajili ya Oparesheni maalumu ambayo al-Qaida walikuwa wanataka kuifanya.

Huyu bwana akiwa huko Saudia, wazazi wake wakampeleka nchini Ufilipino

kusomea shahada ya Uhandisi.

Akiwa huko chuoni ndipo akajenga urafiki na wanafunzi wenzake ambao walikuwa na misimamo mikali ya kidini.
Yeye pamoja na hao wanafunzi wenzake wakafanya safari kwenda nchini Afghanistan kujiunga na Mujahedeen mwaka 1990.

Intelijensia inaonyesha...

kwamba mwaka 1992 Odeh alifanya Bayat kwa Osama bin Laden (kiapo cha utii).
Baada ya hapo Osama bin Laden akampeleka Odeh kwenye kambi inaitwa Sadeek Camp kupata advanced training jinsi ya kuunda milipuko chini ya legend wa milipuko Abdel Rahmen Yasin.

Baada ya hapo bin Laden...

akawapeleka Odeh na mtu mwingine anaitwa Saif al-Adel kwenda nchini Somalia kuwafunza kijeshi vijana wa Mohammed Farah ambao walikuwa wanapambana na vikosi vya Marekani (soma makala yangu ya Oparesheni Gothic Serpent).

Baada ya hapo Odeh akiwa pamoja na Mustafa Fadhil (Mmisri)..

pamoja na Fadhili Ally (Mkenya) wakaondoka nchini Somalia na kwenda kuweka makazi ya kudumu nchini Kenya jiji la Nairobi
Huyu Odeh akaoa kabisa binti wa Kikenya na kuanzisha familia na akaishi hapo Nairobi na Tanzania kwa miaka kibao. Kiswahili akakijua vyema kama vile Mzaramo wa

Maneromango.

Lakini nimesema hii yote ilikuwa ni 'cover'. Alikuwa hapa Afrika Mashariki kwa sababu maalumu. Kuna vitu alikuwa anavichunguza.

Mwaka 1995 kipindi ambacho inaaminika bin Laden alikuwa akiishi nchini Sudan, alimwita Odeh na kumtaka ampe tathimini yake kuhusu Afrika

Mashariki na namna gani wanaweza kufanya oparesheni.

(Inaaminika kwamba tathimini hii ya Odeh ndio ambayo ilifanya bin Laden kuchagua kuzilipua Balozi za Marekani Nairobi na Dar)

Baada ya kuonana na Osama, Odeh akarejea tena Nairobi.

Mwaka mmoja baadae akatembelewa nyumbani...

kwake na mlinzi binafsi wa bin Laden ambaye alimpa maagizo ya kujiandaa na Oparesheni Kaaba (ambayo itafanyika Nairobi) na 'Oparesheni Al-Aqsa' (ambayo itafanyika Dar)

Kwa hiyo zile safari za Bwana somba Odeh kuja Dar kuleta samaki mara kwa mara, kimsingi alikuwa anasuka mtandao

wa watu

Kwenye safari za kuja Dar kuuza samaki, Odeh aliwarecrut vijana wa Kitanzania Hamis toka Mdimuni Zanzibar na Ahmed Ghailani kushiriki kulipua Ubalozi mwaka 1998

Huyu Odeh ndiye ambaye Asad muda huu alikuwa anawaambia CIA aligizwa awe anampa hela Cash toka kwenye shirika

Poleni sana nimechelewa kwa siku mbili kuwawekea hii PART 3.

Nitafidia kwa kuweka PART 4 leo leo baadae jioni.

Be here..

Habib B. Anga
To infitnity and Beyond