Thread by @habibu_anga

ZIMWI TULIJUALO: USO KWA USO NA CIA NDANI YA AFRIKA MASHARIKI

PART 4

Ile taarifa ambayo Asad aliwapatia ilikuwa ya maana sana kwa CIA.

Mpaka muda huu ambapo Asad alikuwa anahojiwa (kumbuka hiyo ni mwaka Oct 2003) huyo "bwana somba" Odeh tayari alikuwa ameshakamatwa

na yuko gerezani Guatanamo Bay (alikamatwa tangu mwaka 1998).

Taarifa hii ya Asad iliwapa CIA kitu kimoja muhimu sana.. walithibitisha intelijensia yao kuhusu shirika la al-Haramain kutumiwa na al-Qaida kusambaza fedha ulimwenguni kwa watu wao.
Ushahidi huu ulitumiwa na Marekani

kushawishi Umoja wa Mataifa kulipiga marufuku shirika hilo na mpaka leo hii ninavyoandika shirika hilo ofisi zake zote ulimwenguni zimefungwa

Lakini hicho sicho ninachotaka kuandika
Ninachotaka kuandika ni namna ambavyo ile confirmation ya Asad iliwasaidia CIA kuanza kunusa kila

mtu binafsi ambaye aliwahi kupokea fedha toka al-Haramain.

Yaani kwamba, kama Odeh moja ya mastermind wa tukio la kulipua balozi mwa 1998 alikuwa anapokea fedha toka al-Haramain, maana yake ni kwamba wako pia watu wengine ambao nao wanapokea fedha toka shirika hilo.

Kwa hiyo...

walikuwa wanatakiwa kunusa na kufuatilia kila hatua mahala ambako misaada ya kifedha ya al-Haramain ilikuwa inakwenda hapa Afrika Mashariki.

Na walifanikiwa haswa kwenye ufuatiliaji huu. Wakang'amua watu wengi sana ambao walikuwa wanapokea hizo fedha.
Shida ikaja kwamba, sio tu

kwa sababu mtu alikuwa anapokea fedha toka al-Haramain basi alikuwa ni gaidi. Kuna wengine walikuwa wanapokea kama msaada tu.
Kwa hivyo walipaswa kuchambua kwa kina kujua nani alipokea fedha kwa nia ovu, na nani alipokea kama msaada

Kazi hiyo ilikuwa ni kubwa sana na walikuwa...

wanahitaji kufanya oparesheni mahususi na ya muda mrefu

Na sehemu ya kwanza ambako CIA walidhamiria kuanza nako kufanya oparesheni ilikuwa ni Kenya, kutokana na idadi kubwa zaidi ya watu wa kutiliwa mashaka waliopokea fedha za al-Haramain kuwa huko

Kwa hiyo serikali ya Marekani

wakakaa na serikali ya Kenya kuwapa pendekezo lao kwamba wanahitaji kufanya oparesheni kabambe kuusambaratisha huu mtandao. Kenya wakakataa katakata, sio kukataa mtandao huo kusambaratishwa, bali walikataa kuingiza Oparatives wa CIA nchini mwao.

Kwa muda wa karibia miezi sita..

Marekani na Kenya walikuwa wanavutana kuhusu namna gani ambavyo watatekeleza hilo suala la kusambaratisha huo mtandao.

Mwishowe wakafikia uamuzi. Kwamba, kiundwe kikosi maalumu toka vikosi vya ulinzi na Usalama wa Kenya, alafu kikosi kiwe chini ya mwambata wa CIA kwenye Ubalozi

wa Marekani jijini Nairobi.

Yaani kwamba, kikosi hiki kitakuwa na makomando wa Kenya lakini kitakuwa chini ya uongozi wa mwambata wa Kijeshi wa Marekani Ubalozi wa Kenya (afisa wa CIA).

Hiyo ilikuwa ni mwanzoni kabisa mwa mwaka 2004.
Kikosi kazi hicho kikaundwa na kupewa jina..

la "Rendition Operations Team".

Pale Kenya kwenye jeshi la Polisi kuna tawi la Kijeshi ndani yake laitwa General Service Unit. Ndani ya hili tawi kuna idara ya kumlinda Rais (inaitwa G Company), Recce Company na HQ Company

Sasa, CIA kwa kushirikiana na idara ya Ujasusi ya Kenya

NIS wakachagua makomando 18 toka kitengo cha Recce ndani ya GSU.

Makomando hawa 18 wakapelekwa nchini Marekani kwenye chuo cha kijeshi cha Annapolis Naval Academy jijini Maryland.
Mafunzo haya yalikuwa adavanced training juu ya rendition na disruption operations, surveillance..

buildings storming na weapons handling.

Vijana hao 18 wa Kenya walikaa nchini Marekani wakipatiwa haya mafunzo kwa muda wa miezi sita na kisha baadae kurejea nchini Kenya.

(Hii timu ya watu 18 toka 2004 mpaka sasa imekua toka maafisa 18 mpaka kufikia maafisa 60 leo hii).

Toka mwaka huo 2004 mpaka sasa timu hii imekuwa inafanya oparesheni za kukamata na mara nyingi kuua watu ambao wanashukiwa kujihusisha na ugaidi.

Kikosi hiki kwa muda wote huu kimekuwa chini ya Special Operator wa CIA anayeitwa Michael Goodboe (pichani).

Huyu jamaa kabla ya...

Kupewa jukumu hili alikuwa ni komando kwenye kikosi adhimu na weledi wa hali ya juu cha jeshi la Marekani cha Navy Seal Team 6.

Amepigana vita nyingi na oparesheni nyingi za siri kwa weledi wa hali ya juu ya kutunukiwa nishani lukuki.

Ndipo CIA wakamchukua kuwa kama Special...

Operator kwenye oparesheni zao za siri. Na huyu ndiye akakabishiwa kile kikosi cha makomando wa Kenya wa Renditions Operations Team

Ngoja nikupe mifano ya oparesheni kadhaa ambazo kikosi hiki chini ya Special Operator wa CIA wamezifanya hapa EA

Usiku huu twaendelea mpaka mwisho