Thread by @mechetandixit

हे भयंकर अस्वस्थ करणारं आहे.. 😢😢😢

पोलिसांनी संपूर्ण कुटूंबाला मारहाण केल्याचा अपमान सहन न झालेल्या भाजीविक्रेत्याने आत्महत्या केली.

त्याचा लहान मुलगा रडत रडत ही व्यथा कॅमेरॅपुढे सांगतोय. "लाॅकडाऊन मधे कशाला गाडी लावायची?" म्हणत ह्या पाशवी कृत्याचे समर्थन +

करणारे "घरकोंबडे" असतीलही पण प्रत्येक वेळी अशा कृत्यांचे समर्थन होऊ शकत नाही.

काही महिन्यांपूर्वी आंबेगावला एका दांपत्याने पोलिसांनी स्वतःच्या घरी जाण्यास अडवणूक केली म्हणून पोलिसांच्या समोरच विषप्राशन केले. दोघांपैकी एक दगावले त्यावेळी सुद्धा,"एवढ्यासाठी कोणी आत्महत्या +

करतो का?" म्हणून हिणवणारे कमी नव्हते पण पोलिसांनी कुठल्या पातळीवर जाऊन त्यांचा अपमान केला असेल याचा साधा विचारही कोणी करत नाही.

"पोलिसांनी काठ्यांना तेल लावून ठेवा" सांगणारे गृहमंत्र्यांनी त्याची मदत सुद्धा जाहिर करायला हवी होती. सामान्य जनतेच्या पाठी आणि ढुंगणं काय ह्या +

काठ्या खायला बनलेले आहेत काय? पोलिसांसारख्या प्रभावी यंत्रणेपुढे कोणाची शक्ती चालत नाही, तिथे संघर्षाला वाव नसतो शेवटी हताश आणि हतबल झालेला व्यक्ती आत्महत्ये सारखे पाऊल उचलतो.

आजवर अशा कित्येक लोकांनी या प्रकारच्या अपमानामुळे आत्महत्येसारखी पावले उचललेली आहेत.+

त्यात शेतकरी, व्यापारी, सामान्य नागरिक, फेरीवाले, उच्चभ्रू, प्रतिष्ठित सगळेच आलेत. काही अपमानामुळे आत्महत्या करतात तर काही पोलिसांच्या हातून मार खाऊन खाऊन मरतात. प्रत्येकाच्या नशिबात मनसुख हीरेन सारखी प्रसारमाध्यमांची दखल नसते. हे चित्र बदलायला हवं.+

पोलिसांचे अधिकार काय आणि त्यांनी कसे वापरायला हवेत याची आचारसंहीता सक्तीने लागू करायला हवी. वाहन धारकांच्या गाडीच्या चाव्या हिसकावून घेण्यापासून ते सामान्य नागरिकांना एकेरी आणि शिवराळ भाषेमध्ये संबोधने इथपर्यंत सर्वच गोष्टींवर नियंत्रण यायला हवे. एवढेच काय तर गुन्हेगारांचे +

बेकायदेशीर धींड सुद्धा बंद व्हायला हव्यात. एखाद-दुसरा अपराध केलेल्या किशोरवयीन मुलाची धिंड काढून त्याला अट्टल गुन्हेगार बनवणे हे कुठल्या कायद्यात लिहिलेला आहे? एकाची दादागिरी संपवण्यासाठी दुसर्या घटकाची दादागिरी वाढवावी हा कुठला न्याय?

काय तर म्हणे अशाने गुन्हेगारांवर जरब बसते+

जनतेला वेड्यात काढू नका गुन्हेगारांची दहशत कमी करून वर्दीधारकांची दहशत वाढवणे हेच खरे उद्देश्य अशा धींडींमागे असते. पण असा कुठला अधिकार पोलिसांना असतो का? उगाच नागरिकांनी सुद्धा भावनिक होऊन चित्रपट बघून पोलिसांच्या अशा प्रकारच्या गुंडगिरीचे समर्थन करता कामा नये.+

डोळ्याला रेबनचे गॉगल लावून कोणीही स्वतःला सिंघम समजता कामा नये. आपल्याकडे हवालदार डोक्यात टोपी सुद्धा घालत नाहीत, छातीत आणि दंडात फिटिंग चा गणवेश धारण करून स्टाईल मारत गरीब जनतेच्या अंगावर काठ्या तोडणे सुद्धा कायद्याने गुन्हा आहे याची जाणीव त्यांना व्हायला हवी.+

समाजमन खूप बोथट झाले आहे. अशा प्रकारच्या गोष्टींना कोणीही विरोध करत नाही.

"काय रे स्वतःला हिरो समजतोस का?" हा प्रश्न फक्त वर्दीधारी साहेबच सामान्यांना विचारतो सामान्यांना पण हाच प्रश्न त्याला विचारायचा अधिकार नाही.+

आम्ही दिलेल्या करामधून तुमचा पगार होतो तुम्ही जनतेचे सेवक आहात मालक नाही ही जाणीव त्यांना होणे गरजेचे आहे!

✍सचिन पाटील.