Thread by @VishwambharMule

#Thread
मर्यादापुरुषोत्तम श्रीरामचंद्र - सांप्रत तरुणांसाठी आदर्शद्योतक:-
रामाय रामभद्राय रामचन्द्राय वेधसे।
रघुनाथाय नाथाय सीतायाः पतये नमः।।
चैत्र शुद्ध नवमीची मध्यान्हाची वेळ होती.अयोध्येत अतीव आनंदाच वातावरण होत.कारण साक्षात जगद्धर्ता महाविष्णूंचं अवतरण अयोध्येत झालं होत.
१/

संपूर्ण रघुकुल आज धन्य झाल. श्रीरामांच्या आधी होऊन गेलेल्या सकळ प्रभृतींची भगवद्भक्ती आज फळली. श्रीरामांचा अवतार झाला आणि सकळ पृथ्वी आनंदून गेली. यापुढील रामायण आपणा सर्वांना माहितीच आहे. आज माझा तो विषय नाही ये. आजचा विषय आहे की श्रीरामांचं एकंदर अवतारकार्य आपल्याला अर्थात
२/

आजच्या युवकांना कशाप्रकारे आदर्श ठरू शकतं. यात सर्वात सुरुवातीचा मुद्दा येतो की श्रीराम का आदर्श म्हणून बघायचे? तर आदर्श पुत्र,आदर्श पती, आदर्श बंधू,आदर्श राजा,आदर्श मित्र आणि आदर्श पुरुष ह्या सर्वांच ऐक्याने प्राकट्य कुठे होत असेल तर ते श्रीरामांच्या अवतारात आपल्याला होते.
३/

त्यामुळे श्रीरामांचा आदर्श घ्यायचा. तसेच श्रीरामांच्या ठाई सकळ शक्ती असताना देखील त्यांनी त्याचा वापर न करता केवळ आणि केवळ पुरुष मर्यादेत राहून संपूर्ण कार्य केलं. नाहीतर त्यांना काय गरज होती कोणाची ते एकटे रावणाचा वध करून सीतेस परत आणण्यास सक्षम होते.पण त्यांनी तसे न करता
४/

एखाद्या योध्याप्रमाणे वानरसेनेच्या मदतीने रावणाचा वध केला. म्हणून आपल्याला रामांचा आदर्श घ्यायचा आहे.
श्रीरामांच्या आयुष्यातील सर्वात महत्वाची गोष्ट जी अनेकदा सांगितली तरी परत सांगावीच लागते ती म्हणजे त्यांची निस्सीम पितृभक्ती. केवळ पित्याच्या आज्ञेखातर त्यांनी १४ वर्षे वनवास
५/

स्वीकारला. ज्यावेळी कैकयीने श्रीरामांना आज्ञा पालनाविषयी विचारले त्यावेळी श्रीराम म्हणतात "पित्रर्थे जीवितं दास्ये पिबेयं विष्मुल्बणम्।" अर्थात मी माझ्या वडिलांसाठी विष पिऊन प्राणत्याग करण्यासाठी पण तयार आहे. केवढी ही पितृभक्ती. तेच आज वृद्धश्रमांची संख्या दिवसेंदिवस वाढताना
६/

दिसत आहे. मुलांची आई वडिलांना सांभाळण्याची जबाबदारी कमी होताना दिसत आहे. अशावेळी आपल्याला श्रीराम मार्ग दाखवत आहेत. सर्वांना आज त्या मार्गाने जाण्याची अत्यंत गरज आहे. त्यानंतर त्यांचे बंधुप्रेम. ज्यावेळी श्रीरामांना कळाले की माता कैकेयीची भरताला राजा करण्याची ईच्छा आहे, ते
७/

ऐकल्यावर रामांना जेवढा आनंद आपण राजा होणार हे कळल्यावर झाला नव्हता त्यापेक्षा जास्त आनंद भरत राजा होणार हे कळल्यावर झाला. लक्ष्मणावरचे प्रेम तर आपल्याला माहितीच आहे. असे बंधूप्रेम पाहून अगदी डोळे भरून येतात. सध्या दररोज भावाने भावाचा जमिनीसाठी किंवा नात्यातील कलहामुळे फडशा
८/

पाडला याच्या अनेको बातम्या आपण पाहतो. म्हणजे पैसा जमीन किंवा स्वतःचा अहंकारासाठी माणूस स्वतःच्या सख्ख्या भावाच्या जीवावर उठत आहे केवढं हे क्रौर्य वाढलं आहे माणसाच.!त्यामुळे श्रीरामांसारख्या आदर्शाची गरज आपल्याला आहे.
त्यानंतरचा गुण म्हणजे एकवचनीपणा खरतर हा गुण केवळ श्रीरामांचा
९/

नव्हता तर हे जणू संपूर्ण रघुकुलाचे ब्रीदच होते. एकदा वचन दिले की दिले त्यातून परत माघार नाही. भले ही मग आपले हानी झाली तरी चालेल. 'प्राण जाये पर वचन न जाये' ही गोष्ट श्रीरामांनी प्रत्यक्ष जीवनात अनुसरून आपल्याला दाखवली आहे. आज आपण जर पाहायला गेलं तर लोक एकदा एक सांगतात
१०/

आणि लगेच परत आपल्या म्हणण्यावरून पलटतात. एखाद्याच्या समोर खूप त्याची स्तुती करतील पण त्याने पाठ फिरवली की लगेच त्याला शिव्या घालायला देखील कमी करत नाहीत. आपल्या फायदयानुसार वागतात. अशावेळी आपण श्रीरामांच व्यक्तित्व आपल्या जीवनात उतरवणं अत्यंत गरजेचं होऊन जात.! धर्म
११/

संस्थापनार्थाय सम्भवामि युगे युगे।। ह्या भगवतउक्तीनुसार श्रीरामांनी आपल्या पूर्ण अवतारकार्यात धर्माचं वहन केलं. तसेच त्यांनी पाखंडांचे खंडन देखील केले. त्यासाठी मग त्यांनी ते ज्यापद्धतीने अत्याचार करतात त्याच पद्धतीने त्यांना उत्तर देखील दिली. याच उदाहरण म्हणजे वाली वध.वालीने
१२/

छळाने सुग्रीवाच्या अधिकारावर व पत्नीवर कब्जा केला. हे कळाल्यावर श्रीरामांनी काही सुग्रीवाला लेचपेचं भाषण दिलं नाही की तो तसा वागला म्हणून आपण कशाला तस वागायचं आपण कायम शांतीने खऱ्याने वागायचं. छे छे अहो नाठाळाचे माथी हाणू काठी ह्या नुसार त्यांनी वालीने जसं कपटाने सुग्रीवाला
१३/

छळलं होत तसाच समाचार श्रीरामांनी त्याचा घेतला. ह्यातून सांगायचं काय तर जो ज्या पद्धतीने वागतो त्याला त्या पद्धतीने उत्तर द्यावे. नाहीतर तुम्ही आमचे माणसं मारून रेल्वे मध्ये भरून पाठवा आणि आम्ही तुम्हाला पैशाचे बलुते देऊ असली पुळचट शिकवण काही कामाची नाही.त्यामुळे पाखंड खंडणात
१४/

हा आदर्श अत्यंत महत्वाचा वाटतो मला श्रीरामांचा. ह्या गोष्टीत आपल्याला श्रीरामांच मित्रप्रेम ही दिसून येते.
त्यानंतर ज्यावेळी सीतेच्या शोधासाठी सगळी वानरसेना तयार झाली. सगळ्यांनी एकजूट होऊन सीताशोध करायचे वचन श्रीरामांना दिले त्यावेळी त्यांनी असा विचार केला नाही की हे सामान्य
१५/

वानर आहेत साधे वन्यप्राणी आहेत हे काय माझ्या सीतेला शोधून आणतील. तस न करता त्यांनी सकळ वानरसेनेसोबत मिळून रावणाचा वध केला व सीतेला सोडवून आणले. यातून आपल्याला काय दिसते तर कोणालाही कमी न लेखने. कुठल्या जीवात काय गुण असेल काही सांगता येत नाही. प्रत्येकाला देवाने काहीतरी वेगळपण
१६/

दिलेलं आहे याच भान आपण सतत ठेवायला हवं. नाहीतर आजकाल लोक थोड काही शिकलं की इतक्या फुशारक्या मारतात जणू त्यांना ब्रह्मज्ञान झाल आहे.दुसऱ्याला अजिबात किंमत देत नाहीत. पण असे न करता प्रत्येकाला देवाने काही ना काही गुण दिलेले आहेत ह्याची जाणीव ठेऊन माणसाने वागायला हवे. त्यानंतर
१७/

राजा म्हणून आपल्या जबाबदारीचं काटेकोर निर्वहन. ज्यावेळी राज्याभिषेक झाला रामांचे राज्य चालू झाले. त्यावेळी जनतेमध्ये होणारी सीतेच्या विषयीची कुजबुज रामांना कळाली. त्यावेळी त्यांनी एका राजाच्या कर्तव्यास जागून सीतेचा त्याग केला. अर्थात राजाच्या जबाबदारीस जास्त महत्व दिले.
१८/

आज आपण वावरताना पाहतो की काम करताना अनेक ठिकाणी लोक आपल्या घरच्या लोकांना कर्तव्यापेक्षा जास्त महत्व देतात. त्यांच्या फायद्यासाठी कुठलेही नियम तोडायला मोडायला तयार असतात. मग तिकडे बाकीच्या लोकांचं काही होऊ देत आमच्या नातेवाईकांचे कल्याण झाले पाहिजे याकडे जास्त कल देतात लोक.
१९/

त्याऐवजी आपण श्रीरामांचा आदर्श घेऊन आपल्या कर्तव्यास जागायला हवे.
प्रत्येक मनुष्यास क्रोध येतो. मग तो कोणीही असो त्यात मग श्रीराम पण चुकले नाहीत. पण त्या क्रोधाचा वापर योग्य कसा करायचा हे आपल्याला श्रीराम दाखवतात. इतर वेळी अत्यंत करुणामय असणारी रामांची मूर्ती युद्धात मात्र
२०/

श्रीराम राम राम रणकर्कश राम राम। अशी होत असे. क्रोध नियोजन ही गोष्ट नक्कीच घेण्यासारखी वाटते मला.
ज्यावेळी रावणाचा पराभव झाला लंकेवर विजय झाला. त्यावेळी लंकेच्या सिंहासनावर बसावे अशी बऱ्याच लोकांची इच्छा होती त्यावेळी श्रीराम लक्ष्मणाला उद्देशुन म्हणाले अपि स्वर्णमयी लङ्का न
२१/

मे लक्ष्मण रोचते। जननी जन्मभूमिश्च स्वर्गादपि गरीयसी।। म्हणजेच काय तर लंका जरी सोन्याची असली तरी मला त्याची काही किंमत नाही कारण जननी अर्थात आई आणि जन्मभूमी ह्या मला स्वर्गाहून पण प्रिय. आपल्या आई आणि जन्मभूमी विषयीची कृतज्ञता कशी असावी याचा आदर्श आपण ह्या उदाहरणावरून
२२/

घेऊ शकतो. आजकाल अनेक लोक आपली जन्मभूमी सोडून शिक्षणासाठी अथवा अर्थार्जन करण्यासाठी दुसरीकडे स्थायिक होतात आणि आपल्या जन्मभूमी विषयी अत्यंत कृतघ्न होतात त्यांनी ही वरची गोष्ट लक्षात घेणं अत्यंत गरजेचं आहे.ज्या मातृभूमीत आपण लहानाचे मोठे झालो जिने आपल्याला आतापर्यंत घडवले
२३/

त्याविषयी मनात कृतज्ञता असायलाच हवी.
तर आज ह्या रामनवमीच्या पवित्र दिनी प्रभू श्रीरामचंद्रांविषयी जे काय मला वाटतं ते ह्या त्रोटक बोलातून मांडण्याचा प्रयत्न केला. इच्छा एकच की अखंड हिंदुस्थानचे दैवत मर्यादा पुरुषोत्तम श्रीरामचंद्र हे आपल्या ऊर्जेचे केंद्र व्हावे व आपण
२४/

ह्या उर्जेद्वारे आपल्या कल्याणार्थ आणि राष्ट्राच्या प्रगतीत अग्रेसर व्हावे..!!
भजनरहित रामा सर्वही जन्म गेला ।
स्वजनजनधनाचा व्यर्थ म्यां स्वार्थ केला ॥
रघुपति मति माझी आपुलीशी करावी ।
सकळ त्यजुनि भावें कांस तूझी धरावी ॥
धन्यवाद..!! #रामनवमी2021 #Ramnavmi

@ShefVaidya @MatruBhakt @Dev_Fadnavis @malhar_pandey @HearMeRoar21 @angarajkarna @prempawar28 @Ram9699_ @Shona__RS @patilji_speaks

@mahantpt03 @ShaileshKshir20 @paramvaibhav