Thread by @wankhedeprafull

या लेखाचे फक्त वाचन न होता त्यावर चर्चा व्हावी, त्यातल्या सूचनांवर योग्य पातळीवर विचार व्हावा,त्यासाठी तुमची मदत झाली तर मनापासून आनंद असेल.

आपण दिलेल्या प्रेम आणि आदराबद्दल मनापासून आभार! #सकाळ परिवाराचे आज विशेष आभार हा लेख सर्वदूर पोहचविण्यासाठी!
१/२३
#SundayThread #शिवमोहर

महाराष्ट्र ही संतांची, विचारवंतांची समाज सुधारकांची, बुद्धीवंतांची तसेच फक्त भारतालाच काय पण जगाला नवी दिशा देणाऱ्या आणि आपल्या देशाची कित्येक आघाड्यांवर ओळख करून देणाऱ्या महामानवांची समृद्ध भूमी आहे.

त्यांच्या कर्तृत्वाची “शिवमोहर” लखलखीत पणे सर्वत्र चमकते आहे.
२/२३

बऱ्याचदा मराठी माणसं आपण औद्योगिक क्षेत्रात थोडे मागे आहोत असे सर्रास बोलतात पण मला ते अजिबात मान्य नाही.गेल्या 20/25 वर्षात खुप बदल झालाय आणि तो अत्यंत सकारात्मक आहे.

खरंतर महाराष्ट्र ही जागतिक औद्योगिक विकासाची गेल्या २५० वर्षाहून जास्त काळ परंपरा असलेली भूमी आहे.
३/२३

जर आपण औद्योगिकीकरणाचा अभ्यास केला तर लक्षात येईल की पहिली औद्योगिक क्रांती इंग्लंडमध्ये झाली. पुढे इंग्रज भारतात आल्यानंतर कापूस आणि इतर कच्चामाल ते लोक महाराष्ट्र आणि आजूबाजूच्या प्रदेशातूनच घेऊन जायचे.

जगाच्या इतिहासातील दुसऱ्या क्रांतीमधेही रेल्वे, बंदरं, दळणवळणाच्या
४/२३

इतर सुविधा, शहरीकरण, तार सेवा, तसेच विविध शैक्षणिक संस्था आणि चांगल्या आरोग्य सुविधा या सर्व प्रथम आपल्या महाराष्ट्रातच आल्या.

भारतातील इतर कोणत्याही राज्यापेक्षा तिसऱ्या औद्योगिक क्रांतीत महाराष्ट्राचा वाटा हा अत्यंत मोठा आणि विस्मयकारक आहे.आपल्या सर्वांना अभिमान वाटेल की
५/२३

याच तिसऱ्या क्रांतीतील महाराष्ट्राच्या कामगिरीमुळे मुंबई ही भारताची आर्थिक राजधानी बनली.

जगभरात मुंबईला स्वप्ननगरी आणि पैशांची खाण असलेले शहर ऊगीचच म्हणत नाहीत. आजमितीस भारतातील कोणताही मोठा ऊद्योगसमुह असो कि जागतिक दर्जाची महाकाय, नावाजलेली कंपनी त्यांना मुंबईत स्वत:चे
६/२३

कार्यालय ठेवावे लागते हिच आपणा सर्वांसाठी किती भूषणावह बाब आहे.

आता आपण संपुर्ण जगभरात होत असलेल्या चौथ्या औद्योगिक क्रांतीकडे पाहूया.आजमितीस जर चौफेर विचार केला तर औद्योगिक क्षेत्रात महाराष्ट्राचे वजन नक्कीच कमी होतेय. आपण आपल्या बलस्थानांपासून भरकटत चाललोय.अतिआत्मविश्वास
७/२३

तसेच जागतिक बदलांकडे पाहण्याचा व्यापक दृष्टीकोन सोडाच,देशातील इतर राज्य जे आपल्याशी स्पर्धा करताहेत, प्रगती करताहेत त्यांच्याकडेही आपले पुर्ण दुर्लक्ष स्पष्टपणे दिसतेय.विचार संकुचित आणि कृती आळसाकडे झुकत चालली आहे.

वर नमुद केल्याप्रमाणे महाराष्ट्र औद्योगिकदृष्ट्या निश्चितच
८/२३

प्रगत अन प्रगल्भ आहे परंतू आपल्याकडे बऱ्याच मोठ्या प्रमाणात विकेंद्रीकरणाला वाव आहे आणि त्यात सुधारणा करण्याची खुप गरज आहे. मुंबई,पुणे आणि इतर शहरांमधे जागेच्या किंमती अमाप वाढल्यामुळे बरेच उद्योग महाराष्ट्राबाहेर गेले अन जाताहेत.

त्या उद्योगांशी बोलून त्यांना महाराष्ट्रातच
९/२३

विविध भागात,माफक दरात जागा तसेच सुरक्षा उपलब्ध करून देणे गरजेचे आहे. तसेच ज्या अतिरिक्त सवलती इतर राज्य देत आहेत त्या दिल्या तरी होत असलेली गळतीही रोखता येईल शिवाय बरेच नवे उद्योग राज्यात येतील.

पुणे मुंबई सारख्या शहरात फक्त कॅार्पोरेट ॲाफीसेस राहिली आणि इतर राज्यात कारखाने१०/२३

गेले तर पुढील दहाच वर्षात आपला बंगाल व्हायला वेळ लागणार नाही.

आजही आपण भारतातील इतर औद्योगिक ठिकाणी मग ते तामिळनाडू, कर्नाटक,आंध्रप्रदेश,राजस्थान, गोवा, हरियाणा,पंजाब तसेच पुर्वेकडील राज्यातील अनेक कंपन्यात गेलात तर मराठी सुशिक्षित लोक मोठ्या प्रमाणात उच्च पदांवर दिसतील.
११/२३

त्यांना पाहून नक्कीच आनंद होतो पण याची दुसरी बाजू म्हणजे यांना हल्ली बाहेर का पडावे लागतेय यावरही विचार व्हावा.माझ्या मते हा पण एक “ब्रेन ड्रेनचाच प्रकार” आहे.

कोविडनंतर जगभरात चौथ्या औद्योगिक क्रांतीची मोठी लाट येणार आहे.पुढील ५ वर्षात जगात प्रत्येक क्षेत्रात अमुलाग्र बदल
१२/२३

होणार आहेत.आपण एक राज्य म्हणून त्यावर खुप दूरदर्शीपणे काम करणे आवश्यक आहे.

पहिल्या तीन औद्योगिक क्रांत्यांमधे तसे आपण Receiving End लाच होतो. पण या चौथ्या क्रांतीमधे आपल्याला औद्योगिक क्षेत्रात जगात नाव कमवायची “न भूतो ना भविष्याती” अशी संधी आहे.आपल्याला पुढे यायचे असेल तर १३/२३

अजूनही वेळ गेली नाही,त्यासाठी आपल्या सरकारची,प्रशासनाची Priority ही Presentation च्या पलिकडे जायला हवी. प्रशासकीय पातळीवरील दिरंगाई आणि प्रत्येक उद्योजकाकडे चोराप्रमाणे पाहणे हा आजमितीस मोठा दुर्गुण आपल्या यंत्रणेला लागला आहे.

महाराष्ट्र हा नक्कीच या आंतरराष्ट्रीय घडामोडीत
१४/२३

जगात महत्वाची, निर्णायक भूमिका निभावू शकतो. जी “कल्पनाशक्ती, कौशल्याची अमाप संपदा असलेलं मनुष्यबळ आणि पायाभूत सुविधा असलेले मोठमोठे कारखाने या क्रांतीसाठी हवेत, ते सर्व महाराष्ट्रात असल्याने ही क्रांती आपल्या कवेत घेणे फार कठीण नाही.

महाराष्ट्र हे नेहमीच चांगल्या बदलांना
१५/२३

स्विकारत पुढे जाणारे राज्य आहे. या काळात Automation, Instrumentation, IOT, Blockchains, Robotics आणि Energy Conservation या प्रत्येक क्षेत्रात आपण प्रभुत्व गाजवू शकतो.

यासाठी आपल्याकडे अजून IIT सारख्या चांगल्या, आणि आंतरराष्ट्रीय उच्चशिक्षण देणाऱ्या संस्था, तसेच
१६/२३

Skill Development वर खुप जोर द्यायला हवा. ITI आणि इतर नवे व्यावसायीक अभ्यासक्रम नव्याने सुरू व्हायला हवेत.

श्रेष्ठ आणि ऊत्कृष्ट कौशल्यांचे, उपजत बुद्धीमत्तेचे आणि सोबत प्रामाणिकपणे काम करण्याचे लेणं ही आपल्या मराठी मातीची ओळख आणि दागिना आहे. महाराष्ट्राने विविध औद्योगिक
१७/२३

तंत्रज्ञानाच्या विकासासाठी, विज्ञानातील नव्या शोधांसाठी अनोख्या अशा जागतिक पातळीवरील स्पर्धा भरावायला हव्या असे मला मनोमन वाटते. त्यातून जगभरातील बुद्धीमान लोक इकडे यावेत त्यांना ऐकून, पाहून आपल्या बऱ्याच मराठी तरुणांनाच्याही नवकल्पनांना धुमारे फुटतील आणि ती खरी एका नव्या
१८/२३

जागतिक महाराष्ट्राची नांदी ठरेल.

या माझ्या, तुमच्या, आपल्या महाराष्ट्राच्या मातृभूमीला जगातल्या सर्व बुद्धीवंतानी कर्मभूमी बनवावी. बुद्धीचे अभिसरण व्हावे. यात मी मुद्दामहून मराठी, अमराठी उद्योग असा भेदाभेद करणार नाही. आपले स्वप्न जेंव्हा जागतिक स्तरावर जायचे असते तेंव्हा
१९/२३

सर्वसमावेशक विचार घेऊनच पुढे जायला हवे.

महाराष्ट्र सरकारने भूमिपुत्रांसाठी काही विशेष सवलती दिल्या तर याचा अत्यानंदच होईल यामुळे मराठी ऊद्योजकही जगाच्या पटलावर जातील. दुसरे अत्यंत महत्वाचे म्हणजे इथल्या मुजोर अधिकाऱ्यांना सौजन्याचे प्रशिक्षण मात्र अग्रक्रमाने देण्यात यावे,
२०/२३

वेळोवेळी त्यांच्या कामाचे आंतरराष्ट्रीय संस्थेकडून मुल्यमापन केले जावे.

यापुर्वी या महाराष्ट्रात जन्मल्याचा, इथल्या मातीत वाढल्याचा, शिकल्याचा अभिमान होताच पण आता हीच “कर्मभूमी” म्हणून निवडल्याचा सार्थ “अभिमान” आयुष्यभर राहिल.

आपल्याला औद्योगिक क्षेत्रात खुप पुढे जायचेय
२१/२३

जग जिंकायचेय.

महाराष्ट्र एक दिवस औद्योगिक क्षेत्रात जगात अग्रेसर असेल असा घडवू आणि सर्व मिळून प्रगती करू.

भविष्यात येणाऱ्या संधी, विज्ञान आणि तंत्रज्ञानाचा आपल्याकडील प्रत्येक इंडस्ट्रीवर होणारे परिणाम याविषयी येणाऱ्या काळात लेखन आणि विचारमंथन करणे क्रमप्राप्तच आहे.
२२/२३

स्वप्न पाहणे आणि त्या स्वप्नांच्या मागे झपाटल्या सारखे लागणे हा या मातीने आपल्याला दिलेला मोठा आशिर्वाद आहे.

लढूया आणि जिंकूया!

जय महाराष्ट्र!

२३/२३

#औद्योगिकमहाराष्ट्र #SundayThread #मराठी