#தேசப்பற்று என்பதை தேசத்தின் எல்லையில் கிடைக்கும் பொருள் அல்ல. அது மக்களின் உணர்வுகளில் கிளர்ந்தெழக் கூடிய உணர்வு. தேசத்தைக் காப்பது என்பது தேசத்தின் எல்லையைக் காப்பது மட்டும் அல்ல. தேசத்தில் வாழும் மக்களின் உரிமைகளைக் காப்பதும்தான். தேச சேவை என்பது எல்லையில் பணிபுரிவது
மட்டும் அல்ல. தேசத்தில் வாழும் அடிதட்டு மக்களை மேலுயர்த்தும் பணியும்தான்.
எப்போதெல்லாம் தங்களின் போலி முகமுடிகள் கிழிந்து தொங்குகிறதோ, அப்போது மட்டும் "எல்லையில் ராணுவ வீரர்கள்" என கூச்சலிட்டு உருவாக்கும் போலி எழுச்சிக்கு ஆயுள் ஓரிரு நிமிடங்கள் கூட இருக்காது. உதாரணமாக, எல்லையில்
எப்போதெல்லாம் தங்களின் போலி முகமுடிகள் கிழிந்து தொங்குகிறதோ, அப்போது மட்டும் "எல்லையில் ராணுவ வீரர்கள்" என கூச்சலிட்டு உருவாக்கும் போலி எழுச்சிக்கு ஆயுள் ஓரிரு நிமிடங்கள் கூட இருக்காது. உதாரணமாக, எல்லையில்
ஒரு ரெஜிமெண்டில் பணிபுரியும் 1000 ராணுவ வீரர்களை எடுத்துக் கொள்ளலாம். அவர்களை மாநிலம் வாரியாக பிரிப்போம். பிறகு பொருளாதார வாரியாக, மதம் வாரியாக, சாதி வாரியாக பிரிப்போம். இவர்கள் அனைவருமே தேசத்தின் பாதுகாவலர்கள்தானே! இவர்கள் அனைவருக்குமே தேசத்தின் வளங்கள் சமமாக பிரித்துத்
தரப்பட்டுள்ளதா என பாருங்கள். உங்களின் தேசப்பற்று உண்மையாக இருப்பின் அது எந்தத் திசை நோக்கிப் பயணிக்க வேண்டும் என்பது புரியும். நாட்டின் வளங்களை தங்களது தகுதிக்கு மீறி அனுபவிப்பவர்களின் குற்ற உணர்வின் வடிகாலே தேசப்பற்றை எல்லையில் கொண்டு வைக்கும் யுத்தி. தேசத்தின் எல்லை மாறக்
கூடியது. அண்மையில் கூட லடாக்கில், டோக்லாமில் மாற்றப்பட்டுள்ளன. அருணாச்சலப் பிரதேசத்தில், காஷ்மீரில் நமது இல்லாத எல்லைக் கோட்டுக்கு போராட்டம் நடக்கிறது. தேசத்தின் எல்லை காக்கும் போர் வரும்போது இந்த நாட்டுமக்கள் ஒருபோதும் பிரிந்து நின்றதில்லை. நிற்கவும் போவதில்லை. அதே நேரத்தில்
பூச்சாண்டி வருவான் என மிரட்டி குழந்தைக்கு சோறு ஊட்டும் அணுகுமுறையை தேசப்பற்றாக ஏற்க முடியாது. எல்லையில் ராணுவவீரர்களின் பணி மகத்தானதுதான். அதேபோல, காடு,மரம்,இயற்கை வளம் காக்கும் சுற்றுச்சூழல் ஆர்வலர்கள், சமூகநீதி காக்க போராடும் போராளிகள், தாய்மொழிக் காவலர்கள், ஆசிரியர்கள்,
மருத்துவர்கள், தூய்மைப்பணியார்கள் என தன்னலமின்றி முழு ஈடுபாட்டுடன் பணிபுரியும் எவருமே ராணுவ வீரர்களுக்கு சற்றும் குறைந்தவர்கள் அல்ல. இவர்களின் தேசப்பற்றின் மீது கேள்விகள் எழுப்ப யாருக்கும் உரிமை இல்லை. நித்தமும் தங்களது கற்பை நிருபித்துக் கொண்டிருக்க வேண்டிய அவசியம் எந்த நாட்டின்
குடிமகனுக்கும் இல்லை. தேசப்பற்று என்பது "ஜெய்ஹிந்த்" எனும் வாய்ச் சொல்லில் மட்டும் இல்லை. அது தேசத்து மக்களின் உரிமை காக்கும் ஒவ்வொரு செயலிலும் உள்ளது. எங்களுக்கு அதுதான் இப்போதைய முன்னுரிமை. முக்கியத் தேவை.
"வாழிய செந்தமிழ்!
வாழிய நற்றமிழர்!
வாழிய பாரத மணித் திருநாடு". 🙏
"வாழிய செந்தமிழ்!
வாழிய நற்றமிழர்!
வாழிய பாரத மணித் திருநாடு". 🙏
• • •
Missing some Tweet in this thread? You can try to
force a refresh
