Thread by @skpkaruna

#திமுகஇளைஞரணி
தாய்க் கழகத்துக்குப் பிறகு திமுகவின் மிக முக்கிய அணியாக இளைஞர் அணி இருப்பதின் காரணம் யாவரும் அறிந்ததுதான்! அந்த அணியைத் துவக்கி, 30 ஆண்டுகள் திறம்பட நடத்தி வந்தது திமுகவின் தலைவர், முதல்வர் மு.க.ஸ்டாலின். இதனாலேயே இயல்பாக கூடுதல் கவனம் பெற்ற இளைஞர் அணி உருவாக்கிய

தலைவர்களின் எண்ணிக்கை மிக அதிகம். பெரும் வெற்றிகளின் போதும், தொடர் தோல்விகளின் போதும் கட்சிக்கு அச்சாணியாக இருந்து செயல்பட்டது திமுக இளைஞர் அணிதான். அந்த இடத்தை இட்டு நிரப்ப மூன்றாண்டுகளுக்கு முன்னர் @Udhaystalin தேர்வு செய்யப்பட்ட போது அவர் எதிர்கொண்ட கடுமையான விமர்சனமும், இங்கே

நடந்த தொடர் விவாதங்களும் திமுக இளைஞர் அணிச் செயலாளர் பதவியை தமிழ்நாட்டு முதலமைச்சர் பதவியைப் போல பூதாகரமாக்கியது. அதனாலேயே, இளைஞர் அணிச் செயலாளரின் தேர்வு அனைவராலும் உற்று நோக்கப்பட்டது.
நான் கவனித்தவரை இளைஞர் அணியின் இந்த மூன்றாண்டு செயல்பாடுகளை தொகுத்து எழுதினால் அது ஒரு

துணை அமைப்புச் செயல்பாட்டின் case study ஆக கொள்ள முடியும்.
1. ஒரு தலைவரின் முக்கியக் கடமை கூட்டுப் பொறுப்பு ஏற்பது. அதை இளைஞர் அணிச் செயலாளர் மிகச் சிறப்பாக செய்தார்.
2. ஏற்கனவே சொந்த நிறுவனங்களை திறம்பட நடத்திய நிர்வாக அனுபவம் இருந்த காரணத்தால், தனது துணைச் செயலாளர்களுக்கு

பொறுப்பை மிகச் சரியாக delegate செய்தது அனைத்து மாவட்ட அணிச் செயலாளர்களையும் சிறப்பாக வழி நடத்த உதவியது.
2. உறுப்பினர் சேர்க்கையை ஒரு கடமைக்கோ, சாதனை நிகழ்த்தவோ செய்யாமல் உள்ளார்ந்து அதைச் செய்தது என்னை மிகவும் கவர்ந்தது. இளைஞர் அணி நிர்வாகத்தை தாய்க் கழகத்துக்கு இணையாக கிளை

அளவில் கொண்டு சென்றதே மிகப் பெரிய சாதனைதான். கடுமையான உழைப்பும், ஈடுபாடும் தேவைப்படும் செயல் அது. அதற்கும் மேலாக, உறுப்பினர் படிவத்தை வெறுமனே பெயர்களால் நிரப்பாமல், ஒவ்வொரு உறுப்பினருக்கும் ஆதார் எண், அடையாளக் குறியீடு என பல்வேறு அம்சங்களை கட்டாயமாக்கியதின் மூலம் அத்தனை

உறுப்பினர்களும் ஏட்டளவில் மட்டும் இல்லாமல், உண்மையில் களத்தில் அவர்கள் இருப்பை உறுதி செய்த அந்த யுத்தி மிகவும் அருமையானது. அப்படி சேர்க்கப்பட்ட அத்தனை லட்சம் புதிய உறுப்பினர்களின் பெயர்களையும் முரசொலி நாளிதழின் சிறப்புப் பிரதியாக அச்சிட்டு ஒவ்வொரு இளைஞருக்கும் ஆதாரமாக தந்த பாங்கு

இதுவரை கழகம் கண்டறியாதது.
3. தேர்தலில் இளைஞர் அணிக்கு அதிக வாய்ப்பளிக்க வேண்டும் என அவர் பொதுக்குழுவில் பேசியபோது லேசான சிரிப்பலையும், கைத்தட்டலும் எழுந்தது. வழக்கமான கோரிக்கைதான் அது எனவும் நினைத்தனர். ஆனால் தேர்தலில் வேட்பாளர் தேர்வின் போது இளைஞர் அணியினரின் தகுதியும், தரமும்

தலைமையை மிகவும் சிந்திக்க வைத்ததை யாவரும் அறிவோம். மூத்த நிர்வாகிகளே தங்களுக்கான இடத்தை உறுதி செய்து கொள்ளத் திணறிப் போகுமளவுக்கு மிகச் சிறப்பானதொரு தொகுப்பைத் தயார் செய்து அனுப்பி வைத்தப் பெருமையும் இளைஞர் அணிச் செயலாளரைச் சேரும்.
4. தேர்தலில், இளைஞர் அணிச்செயலாளரின் பிரச்சாரம்

அளித்தத் தாக்கத்தை நாடே அறியும். ஆனால் இதிலும் என்னைக் கவர்ந்தது, அவரே ஒரு வேட்பாளராக இருந்தும் தனது தொகுதிக்கு என எந்த முக்கியத்துவமும் தராமல் கூட்டணிக் கட்சிகளின் வேட்பாளர் தொகுதிகளைக் கூட விடாமல் பம்பரமாகச் சுழன்றதுதான்! இந்தச் சுயநலமற்ற தலைமைப் பண்பை கூட்டணித் தலைவர்கள்

அனைவரும் பாராட்டியபோது எங்களுக்கே பெருமையாக இருந்தது எனில், தலைவர் நிச்சயம் மனம் நெகிழ்ந்து போயிருப்பார்.
பிரச்சாரத்தின் இறுதி நாளில் கூட தனது தொகுதிக்கு தலைவர் வரும்போது மட்டும் உடன் இருந்து விட்டு அதன்பிறகு எழும்பூர், பெரம்பூர் என சுற்றியதோடு, ராயபுரம் தொகுதியில் போட்டி கடுமை

என கேள்விப்பட்டு திட்டமிடப்படாதப் பயணமாக அங்கும் சென்று சுற்றிச் சுழன்று பிரச்சாரம் செய்ததின் விளைவுதான் தலைவர் சொன்னபடி முன்னாள் அமைச்சர் ஜெயக்குமாரை வீழ்த்தியது. ஒரு பெரும் புயலின் போது தனதருகே இருக்கும் சிறு செடியையும் சேர்த்தே தாங்கும் விருட்சத்தின் தலைமைப் பண்பு அது.

5. பெரும் தேர்தல் வெற்றிக்குப் பிறகு அதிகாரத்தில் பங்கு பெறாமல், மக்கள் பணியில் தன்னை முழுமையாக ஈடுபடுத்திக் கொண்ட @Udhaystalin ஐ நீங்கள் காண்கிறீர்கள். ஆனால், பேரிடரின் போது கரோனா நோய் தாக்குதலில் உயிருக்குப் போராடி பல நூறு பேர்களின் உயிரை தனது அயராத முயற்சியினால் காப்பாற்றிய

செயலாளரை நான் அறிவேன். அவரால் காப்பாற்றப்பட்ட அந்த உயிர்களின் உறவினர்கள் அறிவார்கள். இரவு 2 மணிக்குக் கூட உரிமையோடு அவரை எழுப்பி இருக்கிறோம். உடனடி உதவிகளைப் பெற்று பல உயிர்களைக் காத்து இருக்கிறோம். தலைவரின் உத்தரவின்படி களத்தில் உழைத்த எங்களுக்கெல்லாம் பேருதவியாக, பெரும் பலமாக

இருந்தது இளைஞர் அணிச் செயலாளர்தான் என்பதை இந்த நேரத்தில் நன்றியோடு பதிவு செய்கிறேன்.
இன்றுடன் அவர் இளைஞர் அணிச் செயலாளர் பொறுப்பேற்று மூன்று ஆண்டுகள் நிறைவு பெறுகிறது எனும் செய்தியைப் பார்த்தவுடன் எனக்குள் எழுந்து வரும் எண்ணங்கள் இவை. என்னைக் காட்டிலும் அருகில் இருந்து அவருடன்

பணியாற்றும் பல ஆயிரம் இளைஞர் அணித் தம்பிகளுக்கு இதைவிட அதிகம் தெரிந்திருக்கும்.
காலம் அனைத்தையும் கவனித்துக் கொண்டிருக்கிறது. கலைஞரின் பேரனுக்கான bench mark எப்போதுமே சராசரிக்கும் மிக உயரமானதாகத்தான் இருக்கும். அதுதான் இயற்கை. எந்த உயரம் என்றாலும் அதை அநாயசமாகத் தொட்டு விட்டு

தாண்டிச் செல்லும் அந்த இயல்பையும் கலைஞரின் கணக்கில்தான் எழுதியாக வேண்டும்.
"உழைப்பு! உழைப்பு! உழைப்பு! அதுதான் ஸ்டாலின்" என்றார் தலைவர் கலைஞர்.
"ஓயாமல் உழைத்தவன் இங்கே ஓய்வெடுத்துக் கொண்டிருக்கிறான்" என்றது கலைஞரின் கல்லறை வாசகம்.
உழைப்பினால் உயரம் தொடும் ஒவ்வொருவருமே கலைஞரின்

வாரிசுகள்தான். "அறிவாலயம் பக்கமே வராமல் எங்கோ கிராமத்தில் இருந்தபடி உழைத்துக் கொண்டிருக்கிறானே! அந்தத் தொண்டனுக்கானதுதான் இந்தக் கட்சி" என்றார் தலைவர் @mkstalin .
அப்படியான தொண்டர்களை அரவணைக்கும் இளைஞர் அணிச் செயலாளருக்கு அன்பான வாழ்த்துகள்.
உழைப்பினால் உயரம் தொடுங்கள்.🙏💐