Thread by @habibu_anga

𝗡𝗔𝗡𝗜 𝗔𝗟𝗜𝗠𝗧𝗘𝗞𝗔 𝗠𝗧𝗢𝗧𝗢 𝗪𝗔 𝗥𝗔𝗜𝗦, 𝗠𝗔𝗭𝗜𝗠𝗕𝗨, 𝗠𝗢𝗥𝗢𝗚𝗢𝗥𝗢.?

Kuna masuala huwa yanakuwa salama yakiachwa bila kuzungumzwa. Sababu ukianza kuhoji kuhusu ukweli na undani wake, unajikuta unafungua mlango wa hatari ambazo pengine hauko tayari kuzikabili...

Mojawapo ya masuala haya ni madhira ambayo yanafanywa na watu tuliowapa madaraka. Nyendo zao, na siri zao ni kana kwamba haupaswi kutamani kuzifahamu.

Lakini binadamu tumeumbwa na kiu ya kutaka kujua, na kiu hii ni kama upele, hauachi kuwasha mpaka uukune
Na pia historia ya nchi

zetu haiweze kukamilika kwa vizazi vinavyo kunufaika, kama kuna mawe tutayaacha yakiwa yamefunikwa.

Sasa,

Mojawapo ya skandali mbaya sana kwenye bara hili la Afrika, ni tukio la mtoto wa Rais ambaye alidhaniwa amefia mjini Lusaka, Zambia lakini baadae ikaja kuthibitika kwamba..

alikuwa akiishi hapa nchini kwetu Mkoani Morogoro tena akilindwa na vyombo vyetu.

Namna gani.?

Wajua,ni nadra sana kuwa na Rais ambaye hana familia. Si jambo la kawaida. Ndio maana enzi za utawala wake, Rais Thabo Mbeki alikuwa anashangaza sana kwa kutokuwa na familia. Nasema..

hakuwa na familia sababu, huyu muheshimiwa yeye na mkewe Zanele Mbeki hawakujaliwa kupata mtoto. Na si hivyo tu, bali pia kwa miaka mingi sana, japokuwa hawajatalikiana lakini wawili huwa hawaishi nyumba moja.
Kwa hiyo Mbeki alikuwa ni kama Rais asiye na familia.

Lakini japokuwa

Mbeki na mkewe hawana mtoto, lakini Thabo Mbeki yeye binafsi amewahi kupata mtoto. Na mtoto wake huyu ndiye ambaye amezua kizaa zaa cha aina yake na kuleta moja ya skandali mbaya zaidi hapa Afrika.

Kipindi Mbeki ni bwana mdogo kabisa anasoma shule ya upili, alikuwa na mpenzi wa

kike anayeitwa Olive Mpahlwa.
Kutoka na mahusiano yao haya ya kimapenzi, Olive akashika mimba.
Hapo wote walikuwa na miaka 16 tu.
Sasa, sio tu kisheria bali pia hata kwenye tamaduni za jamii ya watu wa kabila Xhosa ambalo Mbeki anatokea ni kosa kumpa mimba msichana mwenye umri...

mdogo.

Kwa hiyo wazee wa Mbeki na Binti Olive wakakutana kwa mujibu wa Tamaduni, na familia ya Mbeki ikapigwa faini ya ng'ombe watano kwa kijana wao kumtia mimba mtoto mdogo.

Baada ya hapo binti akalea mimba na kuzaa mtoto wa kiume ambaye walimuita jina Monwabisi Kwanda...

Kipindi huyu mtoto anazaliwa Thabo Mbeki alikuwa yuko Johannesburg akichukua masomo ya A-Level kwa hiyo hakuwahi kumuona mtoto wake akiwa mchanga.
Wakati pekee ambao Mbeki alimuona mtoto wake kwanda(ambayo ndiyo ilikuwa mara ya kwanza na ya mwisho) ni kipindi mtoto wake ana miaka

miwili aliporejea nyumbani kwao kujificha baada ya kuwa anatafutwa na vyombo vya ulinzi vya serikali ya Kibaguzi ya Afrika Kusini baada ya kuhamasisha migomo ya kuipinga serikali akiwa kama Katibu Mkuu wa Umoja wa Wanafunzi.

Baadae yeye na wenzake wakivalia jezi kama timu ya...

mpira wa miguu wakakodi basi na kuvuka mpaka kwenda Botwasa na hatimaye Thabo Mbeki akakimbilia hapa Tanzania amapo kwa maelezo ya Oliver Tambo ambaye alikuwa kiongozi wa ANC, alimuomba Mzee Kenneth Kaunda asafiri na Mbeki kwenda London. Hii tutaongea zaidi siku nyingine.

Kule nyumbani SA, mtoto wake alipofikisha miaka 10 akapelekwa akaishi na mama yake Mbeki, ambapo aliishi naye kwa muda wa karibia miaka sita.

Mtoto huyu inaelezwa kwamba alikuwa na kiu kubwa sana ya kutaka kuonana tena na baba yake lakini kwa kipindi hicho watu 'high ranking' wa

ANC mahala ambako walikuwa wanaishi ilikuwa ni siri kubwa.

Kwenye kumtafuta baba yake, kijana huyu Kwanda akakutanishwa na rafiki wa zamani wa Thabo Mbeki anayeitwa Phindile Mfeti.
Mfeti alimueleza Kwanda kwamba baba yake amejificha nchini Swaziland.
Wote wawili, Kwanda na Mfeti

Wakasafiri kwenda nchini Swaziland.

Lakini miezi mitatu baadae wakarejea bila mafanikio yoyote ya kumpata Mbeki.

Sasa, waliporejea ndipo vitu vya ajabu vikaanza kutokea ambapo mama yake Mbeki ambaye alikuwa akiishi na Kwanda kipindi hicho hakuweza kuelewa.

Kulitokea majaribio

matatu ya kutaka kumteka au kumuua kijana kwanda.
Majaribio haya yalitokea mara tu aliporejea toka Swaziland.

Kutokana na hatari hii, bibi yake akamtorasha kwake na kumpela kwa mjomba ake (kaka yake Thabo Mbeki) anayeitwa Jama Mbeki.

Jama hakutaka kufanya mchezo na maisha yao..

Kwa hiyo, yeye pamona na Kwanda wakafungasha virago na kuanza safari ya kukimbilia nchini Zambia.
Lengo lake lilikuwa ni kwenda kumkabidhi Kwanda kwenye kambi ya ANC iliyoko Lusaka ambako aliamini huko Kwanda atakuwa salama.
Wakavuka mpaka na Jama akamwelekeza Kwanda aelekee wapi

na kisha yeye akarejea Afrika kusini.
Na hii ndio ilikuwa mara ya mwisho mtu yeyote kumuona Kwanda.
Yaani alipoachana tu na mjomba wake, Kwanda hakuwahi kuonekana tena, au kuwasiliana tena na mtu yeyote.

Kwa miaka mingi sana familia ya Thabo Mbeki iliishi kwenye jinamizi...

wakijiuliza nini kilimpata kwanda.?
Ni nini kilitokea nchini Swaziland ambacho kilisababisha aliporejea Afrika Kusini, serikali ya Kibaguzi itake kumuua.?
Alipoingia Zambia nini kilimpata mpaka hakuwahi kuonekana tena.

Baada ya miaka kadhaa wakakata tamaa na kuamini kwamba...

Kwanda alikuwa ameuawa na maajenti wa serijali ya SA, mara tu baada ya kuingia Zambia.

Lakini swali bado lilikuwa linawatesa kwa miaka mingi.. kwa nini?

Haueni ilikuja kupatikana baada ya ANC kushika nchi mwaka 1994 ambapo Thabo Mbeki alichaguliwa kuwa Makamu wa Rais kwenye...

serikali ya Nelson Mandela.

Lile kovu bado lilikuwa moyoni mwa Thabo Mbeki ukizingatia Kwanda ndiye alikuwa mtoto wake pekee.

Mbeki akasimamia kuundwa kwa tume iliyoitwa TRC (Truth and Reconciliantion Commission).
Mojawapo ya kazi ta Tume hii ilikuwa ni kuchunguza kesi za watu

ambao waliuwawa au kupotea kwenye mazingira ya kutatanisha kipindi cha serikali Baguzi.
Moja wapo ya kesi ambayo ilipewa uzito mkubwa ilikuwa ni kesi ya kupotea kwa Monwabisi Kwanda Mbeki.

Kwenye uchunguzi wa tume wakaja kuvumbua jambo la ajabu mno ambalo halikutegemewa kabisa..

Wakati wajumbe wa Tume wanafanya mahojiano na Wanachama wa ANC waliorejea South Africa kutokea uhamishoni hapa Tanzania, wengi wa watu hao walipoonyeshwa picha ya Kwanda walisema kwamba wanamfahamu na ameishi kwenye kambi ya Mazimbu, Morogoro kwa muda wa miaka mitatu. Na kwamba..

kipindi akiishi hapo Mzimbu, hakuwa hakitumia jina hilo la Kwanda Mbeki bali alikuwa anafahamika kama Louis Mathakoe.

Yani sio mtu mmoja au wawili, bali asilimia kubwa ya walowezi wa ANC kutoka Tanzania waliokuwa wamerejea SA walikiri kumfahamu Kwanda kwa jina la Louis Mathakoe

Watu hawa walidai kwamba, huyo kijana aliwasili kambini Morogoro mwaka 1983 na akaishi hapo kwa miaka sita mpaka mwaka 1989.

Kumbuka kwamba, Kwanda alikuwa amepotea toka 1978 na familia yake walikuwa wanaamini kwamba aliuwawa huko Zambia, lakini leo hii zaidi ya miaka 15 baadae

wanaambiwa kwamba, Kwanda alikuwa ameingia Tanzania na alikuwa akiishi kwa kutumia identity bandia akijulikana kama Louis Mathakoe.

- - -

Naimaliza hii usiku huu huu.. usiende mbali.

Retweet tumfikie kila mtu.

Habibu B. Anga
To Infinity and Beyond