Thread by @habibu_anga

𝗡𝗔𝗡𝗜 𝗔𝗟𝗜𝗠𝗧𝗘𝗞𝗔 𝗠𝗧𝗢𝗧𝗢 𝗪𝗔 𝗥𝗔𝗜𝗦, 𝗠𝗔𝗭𝗜𝗠𝗕𝗨, 𝗠𝗢𝗥𝗢𝗚𝗢𝗥𝗢.?

FINALE

Naam, niwamalizie sasa hiki kisa. Kama haujasoma sehemu ya kwanza, angalia kwenye profile yangu juu kabisa pinned tweet.

Sasa,

Wale wakimbizi waliorejea SA, tokea hapa Morogoro...

wakaeleza namna ambavyo waliishi kambini Mazimbu na kijana anayeitwa Louis Mathakoe ambaye sasa hivi wanaonyeshwa picha kwamba identity halisi kijana huyo ni mtoto wa Rais Mbeki.

Wajumbe wa Tume ya TRC walivyo endelea kuhoji kuhusu nyendo za kijana Kwanda akiwa hapo Mazimbu..

Ndipo wakaelezwa nini kilimpata kijana Kwanda pale Mazimbu.

Wakimbizi hawa walieleza kwamba kijana huyo aliishi kambini Mazimbu kuanzia mwaka 1983 mpaka mwaka 1989.
Wakaeleza kwamba kuna siku kambini hapo walifika watu ambao waliwahisi kuwa ni maafisa wa vyombo vya ulinzi vya...

Tanzania (sababu walikuwa wakizungumza kingereza chenye lafudhi ya kiswahili) walifika kambini hapo na kuomba kuonana na kijana Louis Mathakoe.
Wakimbizi hawa wakaeleza kwamba watu hao waliongea na Louis kwenye ofisi za viongozi wa kambi kwa takribani saa nzima na kisha baada...

maongezi hayo wakampandisha kwenye gari yenye namba za serikali na kisha kuondoka naye

Na hii ndio ilikuwa mara ya mwisho kwa kijana Louis (Kwanda) kuonekana mahala popote pale duniani
Yaani tangu siku hii haijawahi kupatikana taarifa yoyote ya kuonekana tena kwa Kwanda kwa muda

wa miaka 32 iliyopita.

Wale waswahili waliomchukua Louis walikuwa ni akina nani.? Walimpelenea wapi.? Kwa sababu gani.?

Haya ni maswali ambayo tume ya TRC walijiuliza na kuyachunguza kwa undani sana lakini hawakuambulia kufikia popote kupata jawabu.

Kwa hiyo maswali yakawa...

lukuki...

Kwanza; nini kilimpata kijana Kwanda alipokwenda nchini Swaziland.?
Kwa nini serikali ya SA ilijaribu kumuua.?

Pia; sasa hivi maswali mengine yakaongezeka.. wale waswahili waliomchukua pale ni akina nani? Walimpelea wapi.? Kwa sababu gani?

Haya ni maswali magumu sana

Na pengine kuna watu wachache sana wenye majibu ya maswali haya na kamwe kuna uwezekano hawatakuja kuongea ukweli huo.?
Kuna watu watatu tu ambao labda wanaujua ukweli (nasisitiza 'labda') kuhusu lilichompata Kwanda.
Watu hawa ni Thabo Mbeki, kaka yake Jama Mbeki na rafiki yake..

Phindile Mfeti.

Pale Afrika Kusini kwenye chama cha ANC kutokana na mkasa huu wa Kwanda, kumeibuka minong'ono mingi kuhusu ukweli wake

Maneno yanayosemwa sana kuhusu kilichompata Kwanda ni hiki;

Kwamba, kijana Kwanda alipokwenda nchini Swaziland kumtafuta baba yake alipokelewa

na viongozi fulani ambao walikuwa wamejificha huko.
Minong'ono hii inadai kwamba kwa muda wa miezi mitatu ambayo alikaa hapo Swaziland kijana huyu eidha ni kwa bahati mbaya au makusudi, kuna kitu cha hatari kijana huyu alikiona (nyaraka fulani au kikao fulani).
Kitu hili ambacho

alikuwa amekiona kilikuwa kinathibitisha juu ya uwepo wa maajenti mapandikizi wa serikali ya kibaguzi ndani ya chama cha ANC.
Na kwamba baadhi ya mapandikizi hao waliokuwa wanatumiwa na serikali ya kibaguzi ndani ya chama cha ANC wengine walikuwa na nyadhifa za juu ndani ya chama

Yaani kwamba ndani ya chama cha ANC kuna watu walikuwa wamepandikizwa kishushushu na serikali ya kibaguzi ili wawe wanawapa taarifa kuhusu mipango ya ANC na pia kusoma mienendo ya viongozi wa ANC ili wawakamate.

Nadharia hii inasema kwamba, kijana Kwanda Mbeki akiwa Swaziland...

kuna kitu aliona kuthibitisha watu hao (mapandikizi wanaovujisha taarifa za ANC) walikuwa ni akina nani hasa wenye nyadhifa kubwa ndani ya ANC.

Kuthibitisha hili, huwa unatolewa mfano wa moja ya 'memo' iliyovujishwa kipindi cha serikali ya kibaguzi kutoka kwa Waziri wa Mambo ya

Ndani kwenda kwa Mkuu wa Polisi na Kamanda wa Kikosi cha Kazi Maalumu ambapo kwenye memo hiyo anawasisitiza kuhakikisha wanamkamata mtu ambaye anatishia uendelevu wa serikali kupata taarifa za ndani za chama cha ANC.
Inaaminika kwamba mtu ambaye Waziri wa Mambo Ndani alikuwa...

akimuongelea kwenye memo hiyo alikuwa ni kijana Kwanda.

Hili suala la kuwepo kwa mapandikizi ndani ya chama cha ANC kipindi wanapigania ukombozi wa watu weusi pale SA ni suala ambalo liliitafuna sana ANC miaka hiyo.

Kwa mfano, mojawapo ya watu ambao wamekuwa wanashutumiwa sana

kwamba walikuwa ni maajenti wa serikali ya kibaguzi ndani ya ANC ni mke wa Thabo Mbeki (sio mama wa Kwanda. Huyu ni Mke aliyemuoa kipindi yuko mafichoni ambao bado wangali wanandoa mpaka leo.. neé Dlamini (Zanele Mbeki)).
Jambo moja ambalo wengi hawalifahamu ni kwamba Thabo Mbeki

alipokwenda kwa Oliver Tambo kuomba ruhusa ya kumuoa Zanele.. Oliver Tambo alikataa au kwa usahihi zaidi alimkataa Zanele

Kwa miezi kadhaa Mbeki alikuwa anamsisitiza Tambo kiasi kwamba mpaka akafikia hatua ya kumwambia kama hatompa ruhusa ya kumuoa Zanele basi hatooa tena maisha

yake yote. Baada ya Mbeki kuweka presha kiasi hiki ndipo Tambo akamruhusu Mbeki kumuoa Zanele.

Baadae Thabo Mbeki alipelekwa Lusaka, Zambia kuwa Katibu Mkuu wa Baraza la Mapinduzi la ANC (ANC's Revolutionary Council).
Wakiwa hapo Lusaka, Zanele akapata kazi kwenye taasisi yaitwa

International University Education Fund.

Baadae taasisi hii ilifungwa, baada ya kugundulika kwamba, Mkurugenzi wa Taasisi hii aliyeitwa Craig Williamson alikuwa ni 'spy' wa serikali ya kibaguzi ya Afrika Kusini.

Hii ilikuwa ni mwaka 1981. Na kipindi hiki ambacho watu kama akina

Joe Gqabi walikuwa assasinated na jeshi la South Africa baada ya anuani ya makazi yake mjini Harare kuvujishwa kwa Jeshi la Afrika Kusini.

Kwa hiyo maswali mengi yakaibuka kwamba je, ni Craig Williamson bosi wa Zanelee pekee alikuwa ni 'spy' wa serikali ya Africa Kusini, au hata

Zanele na yeye alikuwa ni 'spy'.

Nadhani unanielewa sasa ninavyosema kwamba kulikuwa na watu mpaka kwenye nafasi nyeti ndani ya ANC walikuwa wanatumika kuvujisha taarifa.

Pia hii nadharia ya kwamba Kwanda aliona jambo akiwa kule Swaziland inaleta mashiko sababu, kipindi akiwa..

huko mwaka 1976 ni muda huo huo pia ambao Jacob Zuma (ambaye kipindi hicho alikuwa ni Boss wa Idara ya Ujasusi ya ANC) pamoja na Albert Dhlomo (mshauri wa masuala ya ulinzi wa ANC) walikamatwa wakiwa huko hapo Swaziland.

Kuna uwezekano Kwanda ambaye alikuwa anaishi na viongozi..

wa ANC nchini Swaziland kwa namna fulani alishuhudia mtu wa ndani ya ANC aliyevujisha 'location' ya Zuma na Dhlomo.

Unanielewa.?

Ndio maana kaka yake Mbeki pamoja na rafika yake Mbeki Phindile Mfeti wakamtorosha Kwanda kwenda Zambia na kumtengenezea identity ya uongo ili sio tu

kumlinda dhidi ya serikali ya SA bali pia dhidi ya wasaliti ndani ya ANC.

Inaaminika kwamba kuna watu/mtu aliyekaribu na Mbeki alikuja kugundua kwamba, Kwanda alikuwa anaishi Morogoro, Tz kwa identity mpya.

Sasa swali linabakia, wale waswahili waliomchukua Kwanda pale Mazimbu..

Walikwenda kumficha au walimteka kwenda kumdhuru?

Hatujui,

Lakini uwezekano mkubwa ni kwamba walimchukua ili kumficha na kumlinda asidhuriwe.. na yawezekana mpaka leo hii, Monabwisi Kwanda Mbeki bado anaishi hapa Tanzania kwa identiy mpya.

MWISHO

Habib
To infinity and Beyond