#RESPECTFORPARENTSDAY 🙏
తల్లిదండ్రులను గౌరవించడం నేర్చుకోవాలి
సినిమాలు, ప్రేమ పేరుతో పిల్లలు పాడవుతున్నారు. పెద్దలంటే పూర్తిగా గౌరవం లేకుండాపోయింది. ఆ రోజుల్లో చిన్నప్పటి నుంచే తల్లిదండ్రులంటే భయం, గౌరవం ఉండేవి. ప్రస్తుతం అందుకు పూర్తిగా భిన్నంగా ఉంది. #RespectforParents
తల్లిదండ్రులను గౌరవించడం నేర్చుకోవాలి
సినిమాలు, ప్రేమ పేరుతో పిల్లలు పాడవుతున్నారు. పెద్దలంటే పూర్తిగా గౌరవం లేకుండాపోయింది. ఆ రోజుల్లో చిన్నప్పటి నుంచే తల్లిదండ్రులంటే భయం, గౌరవం ఉండేవి. ప్రస్తుతం అందుకు పూర్తిగా భిన్నంగా ఉంది. #RespectforParents
పిల్లల ఉన్నతికి తల్లిదండ్రులు ఎన్నో కష్టనష్టాలను భరిస్తుంటారు. అటువంటిది పెద్దయిన తర్వాత పిల్లలు వారి మాట వినరు. విద్యా వ్యవస్థలో కూడా మార్పులు రావాల్సి ఉంది.
శ్రవణ కుమారా... మమ్మల్ని మన్నించు!
శ్రవణ కుమారుడు.. ఇతని తల్లిదండ్రులిద్దరూ అంధులు.. శ్రవణుడికి వూహ తెలిశాక అమ్మానాన్న కష్టాలను చూసి చలించిపోయాడు. కళ్లు లేవని.. పుణ్యక్షేత్రాలను చూసే భాగ్యం లేదని బాధ పడే తల్లిదండ్రుల కోరిక తీర్చటం కోసం కావడిలో ఇద్దరినీ కూర్చోబెట్టుకుని
శ్రవణ కుమారుడు.. ఇతని తల్లిదండ్రులిద్దరూ అంధులు.. శ్రవణుడికి వూహ తెలిశాక అమ్మానాన్న కష్టాలను చూసి చలించిపోయాడు. కళ్లు లేవని.. పుణ్యక్షేత్రాలను చూసే భాగ్యం లేదని బాధ పడే తల్లిదండ్రుల కోరిక తీర్చటం కోసం కావడిలో ఇద్దరినీ కూర్చోబెట్టుకుని
తీర్థయాత్రలకు బయల్దేరాడు. దురదృష్టవశాత్తు అడవిలో దశరథమహారాజు బాణం దెబ్బకు గురయ్యాడు. ప్రాణం పోతున్న సమయంలో కూడా ఆ మహారాజుతో తన తల్లిదండ్రుల గురించే చెబుతాడు. వారిని బాగా చూసుకోమని చెబుతూ ప్రాణాలు విడుస్తాడు....
ఇది పురాణగాథే కావచ్చు.. మన తల్లిదండ్రులపట్ల మనం ఎలా ప్రవర్తించాలో చెప్పిన కథ. మన బాధ్యతను గుర్తు చేసే కథ. మరి మనం ఏం చేస్తున్నాం? మనకు జన్మనిచ్చి.. నిలబడడానికి ఆసరా ఇచ్చి.. తలెత్తుకు తిరగడానికి మంచి జీవితాన్నిచ్చి.. ఓ స్థాయికి చేర్చిన అమ్మానాన్నలను మనం ఎలా చూస్తున్నాం..?
ఆసరాగా ఉండాల్సిన సమయంలో అన్నం పెడుతున్నామా..? కాస్తంత ఆప్యాయతానురాగాలను చూపుతున్నామా..?
సృష్టిలో ప్రతి జీవికీ అమ్మే ఆది గురువు! విద్యాబుద్ధులు నేర్చేటప్పుడు, జీవిత పాఠశాలలో అడుగిడినప్పుడు అనుభవ సారాన్ని పాఠంగా బోధించే తొలి ఉపాధ్యాయుడు నాన్నే! తొలి నమస్సుల్ని అమ్మా నాన్నలకే సమర్పించాలని నేర్పే సంస్కృతి మనది.
పురాణ పురుషులైన పరశురాముడు, శ్రీరాముడు మొదలు శ్రవణుడి వంటి ముని బాలకులు, ప్రవరుడు, పుండరీకుడు వంటి కావ్య నాయకులు ప్రతి ఒక్కరూ తల్లిదండ్రులను దైవంగా భావించి సేవించినవారే.
తండ్రి కోసం ఆజన్మ బ్రహ్మచర్య దీక్ష పాటిస్తానని 'భీష్మ' ప్రతిజ్ఞ చేసిన దేవవ్రతుడు, స్వచ్ఛంద మరణాన్ని వరంగా పొందాడు. సంస్కృతాంధ్రల్లో మహాకవి భారవి... తండ్రి తనను చిన్నచూపు చూస్తున్నాడన్న భావనతో విపరీతమైన ద్వేషం పెంచుకుని, ఒక దశలో తండ్రినే హతమార్చేందుకు సిద్ధమయ్యాడు.
చివరి నిమిషంలో తండ్రి ఎందుకు తన పట్ల అలా ప్రవర్తిస్తున్నాడో తెలిసి, పశ్చాతాపంతో దహించుకుపోయాడు. అది మొదలు తల్లిదండ్రులే పరమ దైవంగా పూజించి, వారి సేవలో తరించాడు.
'తల్లిదండ్రులందు దయలేని పుత్రుండు - పుట్టనేమి వాడు గిట్టనేమి - పుట్టలోని చెదలు పుట్టవా.. గిట్టవా..' అంటూ అమ్మా నాన్నల్ని దయతో, ప్రేమతో ఆదరించలేని బిడ్డలు.. ఎవరికీ ప్రయోజనం లేకుండా పుట్టల్లో పుట్టి చనిపోయే చెద పురుగులతో సమానమని ఈసడించాడు మన వేమన.
బిడ్డల కోసం తపించి, పుణ్యక్షేత్రాలెన్నో తిరిగి, పూజలు, వ్రతాలు చేసే తల్లిదండ్రులు, ఆపై ఆ బిడ్డల ఆలనాపాలనా, అభివృద్ధి కోసం రెక్కలు ముక్కలు చేసుకొంటారు. పుస్తెలు తాకట్టుపెట్టి బిడ్డల ఫీజులు కట్టిన తల్లులు, రక్తాన్ని స్వేదంగా మార్చి వారిని పెద్దవారిగా చేసిన నాన్నలు ఎందరో!
మరి ఆ పిల్లలే పెద్దవాళ్త్లె.. పెళ్లాం మోజులోనో, ఇంకే కారణంతోనో.. 'ఛీ ఈ ముసలి పీడ ఎప్పుడొదులుతుందో..?నని విసుక్కొంటూ, చివరకు ఇళ్ల నుంచి గెంటేసినా, 'పోన్లే బాబూ.. వాళ్లనేమీ అనకండి'.. అంటూ విశ్వమంత ప్రేమను పంచుతూనే ఉన్నారు! పంచుతూనే ఉంటారు!!
'పున్నామ నరకం నుంచి తప్పిస్తారో లేదో కానీ, బతికుండగానే అమ్మానాన్నలకు నరకం చూపకుండా వుంటే అంతే చాలు' అనే స్థాయిలో నేటి తరం ఉంది. అందుకే.. ఇకపై ఏ అమ్మా నాన్నా నిరాశ్రయులుగా, అనాథలుగా బతికే దుస్థితి కలగనీయమని నేటి 'తల్లిదండ్రులను గౌరవించు దినోత్సవం' సందర్భంగా ప్రతిన బూనుదాం రండి.
రోజూ పంచభక్ష్య పరమాన్నాలు పెట్టకపోయినా.. సకల సౌఖ్యాలు ఇవ్వలేకపోయినా.. ఫరవాలేదు. కొద్దిసేపు వాళ్ల దగ్గర కూర్చొని, అప్యాయంగా మాట్లాడేందుకైనా వీలవదా? 'నేటి తాత స్థితే.. రేపటి కొడుకు గతి' అన్న సత్యాన్ని గుర్తెరిగి, పెద్దల్ని ప్రేమగా గౌరవించేలా
యువతను చైతన్యపరుద్దాం.. కదలండి..!
యువతను చైతన్యపరుద్దాం.. కదలండి..!
• • •
Missing some Tweet in this thread? You can try to
force a refresh
