Thread by @ParameswaraRaoH

#DollDay 🧚‍♀️🧸#Doll
ప్రాణం లేని బొమ్మలంటే పిల్లలకు భలే ఇష్టం. వాటిని చిన్నారులు అన్నీ తామై చూసుకుంటారు. స్నానం చేయిస్తారు, అన్నం తినిపిస్తారు, నిద్ర పుచ్చుతారు.బొమ్మలు పిల్లకి అపరిమితమైన ఆనందాన్ని, ఉత్సాహాన్ని అందిస్తాయి. అంతేకాక వారి మనస్సులలో చెరగని ముద్ర వేస్తాయి.

బొమ్మలతో పిల్లలు నిక్షిప్తం చేసుకునే జ్ఞా పకాలు వారికిజీవితమంతా ప్రేరణగా నిలుస్తాయి. భారత్ స్థానిక బొమ్మలకు ఎంతో ప్రసిద్ధిగాంచింది. కానీ భారతీయ మార్కెట్లోకి వచ్చిన విదేశీ బొమ్మలు ఈ పేరును చెదరగొట్టాయి. ప్రపంచంలో భారత్ అతిపెద్ద బొమ్మల వినియోగదారిగా ఉన్నప్పటికీ,

అంతర్జాతీయ బొమ్మల మార్కెట్లో మన దేశ వాటా మాత్రం కేవలం 0.5 శాతానికే పరిమితమైంది. ఇలాంటి ఈ సమయంలో, కేంద్ర ప్రభుత్వం బొమ్మల పరిశ్రమకు మళ్లీ
జీవం పోసేందుకు పలు రకాల చర్యలు చేపడుతోంది.
#Vocal4Local #vocalforlocal

బొమ్మల సాయంతో, భారతీయ సంస్కృతిని, నాగరికతను పిల్లకు పరిచయం చేసేందుకు ప్రభుత్వం ప్రయత్నిస్తోంది. అదేవిధంగా బొమ్మల పరిశ్రమలో విశ్వాసాన్ని నెలకొల్పి, రసాయన రహిత బొమ్మలను పిల్లకు అందించాలని కృషి చేస్తోంది. ఈ నిరయాలు కేవలం భారతీయ ఆర్థిక
వ్యవస్థకు ఆరోగ్యకరమైన

వాతావరణాన్ని అందించడమే కాకుండా, హానికరమైన బొమ్మల నుంచి
పిల్లల్ని కాపాడనున్నాయి. బొమ్మలు కొన్ని మార్కెట్​లో ప్రమాదకరంగా మారాయి. వాటి తయారీలో ఉపయోగించే భయంకరమైన రసాయనాల వల్ల పేలుడు స్వభావంతో పాటు.. క్యాన్సర్​ వంటి గుణాల్ని కలిగి ఉంటున్నాయి.

భారత్ దిగుమతి చేసుకుంటున్న బొమ్మలు దాదాపు 67 శాతం ప్రమాదకరమని.. భారతీయ నాణ్యత మండలి(క్యూసీఐ) తెలిపింది. దిల్లీ మార్కెట్​లో అందుబాటులో ఉన్న కొన్ని బొమ్మలను పరీక్షించగా.. అందులో 66.9శాతం నిర్దిష్ట ప్రమాణాలకు లోబడి లేవు. కేవలం 33.1శాతం మాత్రమే అన్ని పరీక్షల్లో నెగ్గాయి.

క్యూసీఐ ఏమంటోందంటే..?
భద్రత పేరుతో అధిక స్థాయిలో ఫ్తాలెట్​, భారీ మెటల్​ను ఉపయోగిస్తున్నందునే 30 శాతం ప్లాస్టిక్​ బొమ్మలు ప్రమాదకరంగా పరిణమిస్తున్నాయని క్యూసీఐ నివేదిక తెలిపింది. 80 శాతం వరకు ప్లాస్టిక్​ బొమ్మలు యాంత్రిక, భౌతిక లక్షణాల కారణంగా విరిగిపోతున్నాయని క్యూసీఐ పేర్కొంది

సరకు పరీక్ష తప్పనిసరి...85 శాతం చైనా ఉత్పత్తులను శ్రీలంక, మలేషియా, జర్మనీ, హాంగ్​కాంగ్​, అమెరికా దేశాలు దిగుమతి చేసుకుంటున్నాయి. విదేశీ వాణిజ్య సంచాలక ప్రధాన కార్యాలయం(డీజీఎఫ్​టీ) వీటి టెస్టింగ్ నివేదికలను పరీక్షిస్తూ... సరకు ఆధారిత పరీక్షను తప్పనిసరి చేసింది.

దీనికి సంబంధించిన ప్రపంచ వాణిజ్య సంస్థ(డబ్ల్యూటీఓ) ప్రకటన కోసం ముసాయిదాను క్వాలిటీ కంట్రోల్​ ఆర్డర్​(క్యూసీఓ)కు పంపించారు.
'యాంత్రికంగా విఫలమైన బొమ్మలు పిల్లలకు చర్మవ్యాధులను కలుగజేస్తాయి. అందులో వాడిన హానికరమైన రసాయనాలు క్యాన్సర్​కు కారణమవుతున్నాయి.

ఒక బాలుడు బొమ్మతో ఆడుకొంటుండగా... అందులో మంటలు ఏర్పడ్డాయి. భారత నౌకల్లో వచ్చే ప్రతి సరకు నుంచి నమూనాలను తీసుకొని పరీక్షిస్తారు. అవి విఫలమైతే నాశనమవుతాయి లేదా తయారీదారులకు తిరిగిపంపుతారు.

బొమ్మల ద్వారా దేశంలో పిల్లల ఆరోగ్యం, భద్రతకు హాని కలగకుండా ఉండటానికే నౌకాశ్రయాలు నిబంధనల్ని తప్పనిసరి చేశాయి' - ఆర్పీ సింగ్​, క్యూసీఐ ప్రధాన కార్యదర్శి

కొండపల్లి బొమ్మలు లేదా కొండపల్లి కొయ్యబొమ్మలు విజయవాడ సమీపంలోని కొండపల్లి గ్రామంలో తయారైన బొమ్మలు. మకర సంక్రాంతి, దసరా పండుగల సమయంలో సంప్రదాయికంగా వీటితో స్త్రీలు బొమ్మల కొలువు ఏర్పాటుచేస్తూంటారు.

ఏటికొప్పాక బొమ్మలకు 2017లో
జియోగ్రాఫికల్ ఇండికేషన్ రిజిస్ట్రీ(జీఐఆర్) నుంచి జియోగ్రాఫికల్ ఇండికేషన్(జీఐ) ట్యాగ్ కూడా వచ్చింది.

రాజస్థాన్ నుంచి తరతరాల క్రితం వలసవచ్చిన నిపుణులు ఈ బొమ్మలు రూపొందిస్తూంటారు. ఈ బొమ్మలు రూపొందించే నిపుణుల్ని ‘ఆర్యక్షత్రియులు’గా పిలుస్తూంటారు. వలస వస్తూ ఈ కళాకారులు 16వ శతాబ్దంలో తమతో పాటుగా బొమ్మలు తయారుచేసే కళను తీసుకువచ్చినట్టు చెప్తూంటారు.

ఈ నాలుగు వందల ఏళ్ళ సంప్రదాయం తరం నుంచి తరానికి అందుతూ వచ్చింది. ఆ క్రమమంలో కొండపల్లిలోని బొమ్మల కాలనీలో కుటుంబంలోని ప్రతివారూ బొమ్మల రూపొందించడంలో పాలుపంచుకుంటున్నారు.

ఈ సముదాయం గురించి బ్రహ్మాండ పురాణంలో ప్రస్తావన ఉంది. ఈ సముదాయం శివుడి నుంచి కళలు, నైపుణ్యం పొందిన ముక్తాఋషి తమకు ఆద్యుడని పేర్కొంటూంటారు. ఈ నిపుణులు ఆంధ్రప్రదేశ్ లోని అనేక ఆలయాల్లో గరుడుడు, నంది, సింహం, వాహనాలు వంటివాటి విగ్రహాలను తమ పూర్వీకులు చెక్కినట్టుగా చెప్తారు.

కాలక్రమేణా కొండపల్లి కొయ్యబొమ్మలు ఆటబొమ్మల నుంచి సేకరణ వస్తువులయ్యాయి.
విపణిలో మార్పుకు ఇది కారణమైంది, ఎందుకంటే పిల్లల బొమ్మలు పాడవగలిగేవి మళ్ళీ మళ్ళీ కొనేవి కాగా సేకరణ వస్తువులు ఒకసారి కొన్నాకా భర్తీ చేయాల్సిన అవసరం తక్కువ ఉంటుంది.

దసరా, సంక్రాంతి వేడుకల్లో బొమ్మల కొలువు, దానిలో ఈ కొయ్యబొమ్మలు అంతర్భాగం. వేడుకగా స్త్రీలు తాము సేకరించిన వివిధ కొయ్యబొమ్మల్ని ప్రదర్శిస్తారు. వేడుకలో స్త్రీలు, పిల్లలు ఆసక్తిగా పాల్గొంటూంటారు. ఈ పండుగల సమయంలో కొండపల్లి బొమ్మల నిపుణులు ప్రధానంగా తమ వ్యాపారం చేస్తున్నారు.

తెల్ల పొణికి అని పిలిచే స్థానిక చెక్క రకం వాడి చెక్కి, ఆపై కూరగాయల నుంచి లభించే రంగులను, సహజ రంగులను, ప్రస్తుతం కొంతవరకూ ఎనామిల్ రంగులను వాడి తయారుచేసే ఈ బొమ్మలు కళాత్మకమైన పనితనానికి ప్రాచుర్యం పొందాయి.

సంప్రదాయకమైన కొండపల్లి శైలిలోని తాడిచెట్టు బొమ్మలు, ఎడ్లబండి బొమ్మలు, అంబారీ ఏనుగు బొమ్మలు, గ్రామ నేపథ్యంలోని బొమ్మలు, బృందావన బొమ్మలు వంటివి చేస్తూంటారు.

అత్యంత ప్రాచుర్యం పొందిన బొమ్మల్లో దశావతారాలు, ఏనుగు అంబారీ, ఒంటెద్దు బండి, గీతోపదేశం, పెళ్ళికూతురు-పెళ్ళికొడుకులను మోస్తూ వెళ్తున్న పల్లకీ-బోయీలు, గ్రామాల్లోని చేతివృత్తుల వాళ్ళ సెట్, జంతువులు వంటివి ఉన్నాయి. తల ఊపుతూండే అమ్మాయి, అబ్బాయి, బ్రాహ్మణుడు వంటివి చాలామందికి ఇష్టమైన

బొమ్మలు.

ఐతే ఈ సంప్రదాయాలు క్రమంగా కళ తప్పుతూండడంతో నిపుణులు గిట్టుబాటు కోసం సహజమైన రంగులను వదిలి ఎనామెల్ రంగులు వంటివాటిని వినియోగిస్తున్నారు. బొమ్మల వ్యాపారంలో యంత్రాల వినియోగం వంటివి వచ్చి చేరి కొండపల్లి నిపుణుల వ్యాపారం దెబ్బతీస్తున్నా ప్రస్తుతం ప్రభుత్వ సహకారం,

ప్రభుత్వ సంస్థలు దృష్టిపెడుతున్న కారణంగా వీరికి సహకారంగా ఉంది. చారిత్రక ప్రాంతమైన కొండపల్లిలో ఎంతో విలువైన అటవీ సంపద ఉంది. 1891లో కొండపల్లి, ఇబ్రహీంపట్నం మండలాల పరిధిలోని అడవిని నోటిఫై చేశారు.

1933లో అప్పటి వరకూ సర్వే జరగని ప్రాంతాలను కూడా రిజర్వుఫారెస్ట్ పరిధిలోకి తీసుకొచ్చారు.అక్కడి అడవుల నుంచి లభించే కలప ప్రసిద్ధి చెందిన కొండపల్లి బొమ్మల తయారీకి ఉపయోగపడుతోంది.కానీ,కొండపల్లి బొమ్మల తయారీకి ప్రధాన ముడిసరకైన పునికి చెట్లు ప్రస్తుతం కనుమరుగవుతుండడంతో ఆందోళన కనిపిస్తోంది

కలప కొరత వల్ల బొమ్మల తయారీకి ఆటంకం ఏర్పడుతోందని, ఇప్పటికే కొండపల్లి పరిసరాల్లో పునికి చెట్లు దాదాపు కనిపించకుండా పోయాయని, దూర ప్రాంతాల నుంచి కలప తీసుకురావాల్సి వస్తుండంతో పెట్టుబడి వ్యయం పెరిగిందని బొమ్మల తయారీదారులు చెబుతున్నారు.

ఒకప్పుడు కొండపల్లి బొమ్మల తయారీ చాలా జోరుగా సాగేది. ఎక్కువ మంది తయారీదారులు కూడా ఉండేవారు. అయినా, అందరికీ అవసరమైన మేరకు కలప అందుబాటులో ఉండేది.

ఇప్పుడు దానికి భిన్నంగా ఉంది. కొండపల్లి బొమ్మలకు మార్కెట్లో ఆదరణ ఉన్నా, వాటి తయారీకి పునికి కలప అవసరం. కానీ అది లభించడం గగనం అవుతోంది.

"చుట్టుపక్కల రిజర్వు ఫారెస్టు ప్రాంతాల్లో కూడా మైనింగ్ జరుగుతోంది. క్వారీల్లో బ్లాస్టింగ్ పుణ్యమా అని పునికి చెట్లు కోల్పోతున్నాం. పైగా అవి సహజంగా పెరిగే చెట్లు. వాటిని పెంచాలని, కొన్ని మొక్కలు కూడా నాటాం. అయితే, ఆ ప్రయత్నాలు ఫలించలేదు.

ఇప్పటికే కలప కొరత పెరుగుతుండడంతో భవిష్యత్తులో ఇంకా ఎన్ని సమస్యలొస్తాయో అని అంతా ఆందోళనతో ఉన్నారు" అని బాలబ్రహ్మ బొమ్మల తయారీ కంపెనీ యజమాని కె. శ్రీనివాస్ బీబీసీతో అన్నారు.