Thread by @ParameswaraRaoH

#PsychicDay #P‌sychic
పోతులూరి వీరబ్రహ్మేంద్రస్వామి, భవిష్యత్తులో జరగబోయే అనేక విషయాలు ముందుగానే దర్శించి తాళ పత్ర గ్రంథాలలో రచించి భద్రపరచారు. వీటినే కాలజ్ఞాన తత్వాలు అంటారు. ప్రస్తుత కాలంలో జరిగే అనేక విషయాలను ఆయన చెప్పిన కాలజ్ఞానానికి సమన్వయించుకుంటూ బ్రహ్మంగారు అప్పుడే

చెప్పారు అనడం వినడం మనకు పరిపాటే. ఇలా చెప్పినవారు ప్రపంచమంతా లేకపోలేదు పఠిష్టమైన కుటుంబ వ్యవస్థ ప్రాచీన నాగరికత సుదీర్ఘ చరిత్ర కలిగిన దక్షిణాసియా దేశాలలో అనేక పేర్లు వెలుగులో ఉన్నా ప్రపంచమంతా పరిచయమున్న పేరు మాత్రం నోస్ట్రడామస్. ఆయన చెప్పినవి అనేకం జరిగినట్లు

అంతర్జాతీయంగా ప్రజల విశ్వాసం. అతను భవిష్యత్తు గురించి చెప్పిన వివరాలు బ్రహ్మంగారిలానే మర్మంగా ఉంటాయి. అవి కూడా జరుగుతున్న వాటితో సమన్వయ పరచుకుంటారు.

బ్రహ్మంగారు ఆంధ్రుల ఇంట జన్మించిన కారణంగా ఆయన సరస్వతీ నదీ తీరప్రాంతంలో జన్మించారనిన చెప్పిన కాలజ్ఞానంలో ఆంధ్రదేశంలో పలు ప్రదేశాలు చోటు చేసుకున్నాయి. అనేక దేవతలు కూడా చోటు చేసుకున్నారు. గాంధి మహాత్ముని జననం ఆయన జాతిని కూడా వివరిస్తూ సూచింపబడింది.

ఆంగ్లేయ, మహమ్మదీయ పాలన విజయనగర పతనం లాంటి చారిత్రక, రాజకీయ పరిణామాలు సూచింప బడ్డాయి. ప్రకృతి ప్రకోపాలు వింతలూ చోద్యాలు బాబాల రాక అనేక విధాలుగా ప్రజలు వంచనకు గురికావడం లాంటి సామాజిక విషయాలు వీటిలో చోటు చేసుకున్నాయి. ఆయన కలియుగాంతాన తిరిగి వస్తానని పదేపదే పునరుద్ఘాటించాడు.

ఆయన వచ్చే ముందు కలిగే ఉత్పాదనలు సూచింప బడ్డాయి. ఒక సందర్భంలో ఆయన పూర్వజన్మల వాటి కాలం ఆయన వివరించిన తీరు నమ్మడం సామాన్యులకు కష్టమే.

వీర బ్రహ్మేంద్ర స్వామి కాల జ్ఞానాన్ని వివిధ శైలులను ఉపయోగించి కూర్చారు, అందులో శ్లోకాలు, పద్యాలు, వచనం మొదలైనవి.

1.చెప్పలేదంటనక పొయ్యేరు నరులార గురునుచేరి మ్రొక్కితె బ్రతక నేర్చేరు............... \\చె\\
చెప్పలేదంటనకపొయ్యేరు తప్పదిదిగో గురుని వాఖ్యము, తప్పు దోవను పోరు వారల చప్పరించె శక్తులు......\\చె\\
మొప్పె తనమున మోసపొయ్యేరు, అదియుగాక కొందరు గొప్పతనమున గోసు మీరేరు............\\చె\\

ఇప్పుడప్పుడనగ రాదు ఎప్పుడో ఏవేళనోమరి, గుప్పుగుప్పున దాటిరి యేడు గుఱ్ఱపడుగులు ఏరు పడును....\\చె\\

2'. ఏమి జన్మము ఏమి జీవనము, ఈ మాయ కాయము ఎణ్ణాళ్ళు బ్రతుకీది, మూన్నాళ్ళు ముచ్చట||
మూన్నాళ్ళముచ్చటగురుసేవ జేయని దేమి జన్మము ఏమి జీవనము, ఏమి జన్మంబేమిజీవనమేమిశాశ్వత మేమి సౌఖ్యము, ఏమి నాప్రారబ్దము స్వామి నన్నిటు జేసి మరచెను..............||ఏమి జన్మ||

3.జీవులెనుబది నాల్గు లక్షలు చావు పుట్టుక లిక్కడ...ఎవరు చేసిన కర్మముననుభవించేదక్కడా....||జీవు లెనుబది..||
తల్లిదండ్రులు, అన్నదమ్ములు, సతులు సుతులును ఇక్కడా, వెళ్ళిపొయ్యేటప్పుడెవ్వరు రారు మనతోడక్కడా....||జీవులెను...||

పంచభూతముల వలెనే ప్రపంచమైనది ఇక్కడా....., అంచితంబుగ నామరూపము లేనిస్థలముందక్కడా ||జీవులెనుబది...||
......................................................

4. కోటిలాటికోటా, జగతిలోయేకోటలేదు, వెయ్యిబురుజుల కోటైయున్నది, వెళ్ళిపొయ్యేదిబాటై యున్నది ||కోటలాటి...||

కొండలనడుమ కొంగయున్నది, కొంగముక్కులోలోకమున్నది, కోటిదీపములు వెలుగుచున్నది, కోరినవారికి ఫలమౌచున్నది||కో.]]
ఆరుకొమ్ముల ఏనుగున్నది, ఐదుకోతులను మేపుతున్నది, అవల ఈవల జూచుచున్నది అతిశయమైన ఆటాడుచున్నది..||కోటి..||

5.ఈశ్వరి నిన్నె నమ్మితి భూలోకమాత ఈశ్వరీ నిన్నె నమ్మితి......................||ఈశ్వరీ.....||
ఈశ్వరమ్మవు నీవుగాక మోక్షమివ్వ నెవరి తరమూ సాక్షిపెట్టినిన్నునేనొక దీక్షచే సాదింతునమ్మా...||ఈశ్వరీ...||
చూప్లో రూపమాయె, రూపుచూపులేకమాయె పాపలానడుమను వెలిగే పరంజ్యోతి ఈశ్వరమ్మా...||ఈశ్వరీ..||

ఇప్పటి వరకు జరిగినవిగా భావిస్తున్నవి
*నీళ్ళతో దీపాలు వెలిగిస్తారు (విద్యుత్ శక్తి) (నీటీతొ జనరేటరు)
*ఎద్దులు లేకుండానే బళ్ళు నడుస్తాయి. (యంత్ర వాహనాలు)
*కాశీ పట్నం 40 రోజుల పాటు పాడుబడుతుంది.
ఒక అంబ (వితంతువు) 16 సంవత్సరాలు రాజ్యమేలుతుంది. (ఇందిరా గాంథి)

*తెరమీది బొమ్మలు గద్దెలెక్కుతారు. రంగులు చూసి ప్రజలు మోసపోతారు. (ఎన్.టి.ఆర్, జయలలిత, తదితరులు. చలన చిత్రాలు)
*రాచరికాలు, రాజుల పాలనా నశిస్తాయి. (ప్రజా ప్రభుత్వాలు)
*ఆకాశాన పక్షివాహనాలు కూలి అనేకమంది మరణిస్తారు. (విమాన ప్రమాదాలు)
*జనసంఖ్య విపరీతంగా పెరుగుతుంది.

*బ్రాహ్మణుల అగ్రహారాలు నశించిపోతాయి.
*హైదరాబాదులో తురకలు హిందువులు ఒకరిని ఒకరు నరుక్కుని చనిపోతారు. (మత కలహాలు)
*దేవస్థానాలు పాపాత్ముల వలన నాశనమౌతాయి. దేవతా విగ్రహాలు దొంగిలించబడతాయి. (దొంగతనం)
*చిత్రవిచిత్రమైన యంత్రాలు వస్తాయి. కానీ చావుపుట్టుకలు మాత్రం కనిపెట్టలేరు.

సృష్టిని మార్చటానికి అనేక ప్రయత్నాలు చేస్తారు.
*రావణ కాష్టాన కల్లోలములు రేగి దేశాన్ని అల్లకల్లోల పరుస్తాయి. (శ్రీలంకలోని తీవ్రవాద పరిణామాలు)
*గట్టివాడైన పొట్టివాడొకడు దేశాన్ని పాలిస్తాడు. (లాల్ బహుద్దూర్ శాస్త్రి)
*కపట యోగులు విపరీతంగా పెరిగి పోతారు. వీరివలన ప్రజలంతా మోసపోతారు.

*అడవి మృగాలు గ్రామాలు పట్టణాలలో ప్రవేశించి మానవులను చంపుతాయి
*నది గండకి ఒడ్డున రాళ్ళు నృత్యం చేస్తాయి (నేపాల్ భూకంపము)