Thread by @swathikasarah

பெண்கள் குழந்தை பெறவே பிறந்தவர்கள் என்று சமூகம் திரும்ப திரும்ப சொல்லும் காரணம் இதுதான். கூட்டத்திற்கு ஆள் சேர்க்க வேண்டும். அதனால் தான் தன்னுடைய சாதியிலயே, மதத்திலேயே, தன்னுடைய சொந்ததிலயே திருமணம் செய்ய வேண்டி வற்புறுத்துவது. அப்போதுதான் தான் சார்ந்த இனத்திற்கு ஆள் பலம் கூடும்

ஆள் பலம் இருப்பதாலேயே அதிகாரம் வருகிறது.

https://twitter.com/swathikasarah/status/1416811311225204737?s=19

தாயான பின்பு தான் நீ பெண்மணி, பெண் என்றால் தாய், வம்சத்தை விருத்தி செய்ய வந்த மஹாலக்ஷ்மி, பெண்ணுக்கு குழந்தை பேரு தான் முக்கியம் அதனால் கனமான வேலைகள் செய்ய கூடாது, பெண் குழந்தை பெற விட்டால் உலகமே அழிந்து விடும் என்பது போன்ற கூற்றுக்கள் பெண்ணை வெறும் இனபெருக்கதிற்கு மட்டுமே தயார்

செய்வதற்காக உண்டான கூற்றுகள்.

கருக்கலைப்பு பாவம், கருத்தடை சாதனங்கள் பயன்படுத்துவது பாவம் என்று எல்லாம் மதங்கள் சொல்லுவதின் பின்னணியும் இதே. நம்ம கூட்டத்திற்கு ஆள் வேண்டும். பல தார திருமணம், விதவைகள் பலரை திருமணம் செய்ய வேண்டும் என்று patriarchy சமூகம் முன்மொழியும்

எல்லாவற்றிலும் இந்த காரணமும் அடங்கி இருக்கிறது.

அந்த காலத்தில் வேண்டுமானால் ஆள் பலம் தேவை என்பது அவசியமானதாக இருந்து இருக்கலாம். எங்கோ நடு காட்டில் ஒரு 10 குடும்பங்கள் வாழும் போது அவர்களை அவர்கள் தற்காத்து கொள்ள தேவையாக இருந்தது இருக்கலாம். விவசாயம் பரவிய ஆரம்ப காலத்தில்

நிலத்தை, கால்நடைகளை பார்க்க பாதுகாக்க குடும்பத்தில் ஆள் பலம் தேவையாக இருந்து இருக்கலாம். அரசனுக்கு அவனது அதிகாரத்திற்கு கீழ் வரும் நாடுகளை அரசாள நிறைய மகன்கள் தேவை பட்டு இருக்கலாம்.

மக்கள் தொகை அதிகரித்து கொண்டு இருக்கும் இந்த காலத்தில், ஆண்களுக்கு நிகராக பெண்களும் எல்லா வேலைகளும் செய்யும் இந்த காலத்தில், பல குடும்பங்களில் பெண்ணும் வேலைக்கு போக வேண்டிய அவசியம் இருக்கும் இந்நாளில் ஒரு குழந்தையே போதுமானது. எத்தனை நாளைக்கு தான் பெண்கள் பிள்ளைகளை பெற்று அவர்களை

வளர்ப்பதில் மட்டுமே கவனம் செலுத்துவது.

பிள்ளை வளர்ப்பு என்பதுலயே பெண்கள் முடங்கிவிடுவதால் திறமைகள் வெளிப்படுவது இல்லை. இந்தியாவில் ஆண்களுடன் ஒப்பிடுகையில் ஒலிம்பிக்கில் பெண்கள் எண்ணிக்கை குறைவு. அந்த குறைந்த எண்ணிக்கை பெண்கள் அதிக எண்ணிக்கையில் பதக்கம் வெல்லுகிரார்கள்.

தடுப்பூசி கண்டுபிடிக்கப்பட்ட போது அது பெண்களுக்கு மிக பெரிய விடுதலையாக இருந்தது. தடுப்பூசி கண்டுபிடிக்கும் முன்னர் வரை ஒரு குழந்தை 10 வயதை தாண்டுவதே கடினமாக இருந்தது. எங்க பாட்டிக்கு 10 பிள்ளைங்க அதுல 6 தான் தங்குச்சு என்பது போன்ற பேச்சுக்களை கேட்டு இருப்பீர்கள்.

ஒரு பத்து பிள்ளை பெற்றால் தான் அதில் 5 வது தங்கும் என்ற நிலை தடுப்பூசிகள் வந்த பின் மாறியது. இப்போது 10 பிள்ளை பெற்று கொள்ள வேண்டிய கட்டாயம் இல்லை. ஆனாலும் ஆசைக்கு ஒன்று ஆஸ்திக்கு ஒன்று, இரண்டு பிள்ளைகள் இருந்தால் தான் ஒன்றுக்கு ஒன்று துணையாக இருக்கும், ரெண்டும் பையனா

அப்போ ஒரு பொண்ணு பெத்துக்கோ ரெண்டு பொண்ணா ஒரு பையனா பெத்துக்கோ என்று எல்லாம் சொல்வது மடத்தனம் என்று படுகிறது. ஒரு பக்கம் ஆதரவற்ற குழந்தைகள் எண்ணிக்கை அதிகரிக்க இன்னொரு பக்கம் உன்னை போல் ஒரு ஆண் குழந்தை என்னை போல ஒரு பெண் குழந்தை என்று ஆசைக்காக குழந்தைகள் பெற்று போட...

https://twitter.com/ividhyac/status/1381863611396591617?s=19

அதிகமான பெண்கள் வேலை செய்யும் போது, ​​பொருளாதாரங்கள் வளரும். பெண்கள் மற்றும் பெண்கள் கல்வியை அதிகரிப்பது பொருளாதார வளர்ச்சிக்கு பங்களிக்கிறது. ஆனால் இன்று, பெண்கள் இன்னும் ஆண்களை விட கணிசமாக குறைவாகவே சம்பாதிக்கிறார்கள் அதற்கான காரணமாக சொல்லப்படுவது

பெண்களுக்கு மகப்பேறு விடுமுறை குடுத்தாக வேண்டும் அவர்கள் விடுமுறையில் செல்லும்போது அந்த வேலை பாதிக்கப்படுகிறது. கல்வி, வேலை, அரசியல், விளையாட்டு மற்றும் சுய கவனிப்பு ஆகியவற்றிற்கு குறைந்த நேரமே பெண்கள் செலவிடுகிறார்கள் . இது அவர்களின் நீண்டகால பொருளாதார பாதுகாப்பை பாதிக்கிறது.

"உலகத்தில் மக்கள் கஷ்டப்பட்டு தன் தன் ஜீவனத்திற்கு பொருள் தேடுவதற்கே சுதந்திரத்தை விற்று அடிமையாக வேண்டிய நிலையில் இருக்கும்போது பிள்ளைகளையும் குட்டிகளையும் காப்பாற்ற வேண்டிய அவசியமும் தலை மேல் இருக்குமானால் அந்த இடத்தில் எப்படி சுயேச்சை இருக்க முடியும்?

ஆகையால் ஆண் பெண் இருவர்களின் சுயேச்சைக்குமே கற்பமாவதும் பிள்ளைகளைப் பெறுவதும் இடையூறான காரியமாகிறது."

- பெரியார்
குடி அரசு - தலையங்கம் - 06.04.1930