Thread by @swathikasarah

பண்டோரா (Pandora), கிரேக்க புராணத்தின் படி, பூமியின் முதல் பெண்.

கிரேக்க கடவுளான ஜீயஸ் ஒரு மாஸ்டர் பிளானோடு பண்டோராவை படைத்தார். ப்ரோமிதியஸ் (Prometheus) ஜீயஸ்க்கு தெரியாமல் மனிதகுலத்திற்கு நெருப்பைக் கொடுத்தார்.

இதற்காக ப்ரோமிதியஸ் ஐ தண்டித்த கடவுள் (அது தனி கதை அதை அப்புறமா சொல்றேன்!), மனிதர்களையும் தண்டிக்க விரும்பினார். அதற்காக உருவாக்கப்பட்டவள் தான் பண்டோரா.

ஹெஃபாஸ்டஸ் (Hephaestus) அவளை களிமண்ணிலிருந்து உருவாக்கினார், அவளைஅழகியாக வடிவமைத்தார்,

அப்ரோடைட் (Aphrodite) அவளுக்கு பெண்மையை வழங்கினார் மற்றும் அதீனா (Athena) தனது கைவினைகளைக் கற்றுக் கொடுத்தாள். ஜீயஸ், ஹெர்ம்ஸை (Hermes) அழைத்து பாண்டோராவிற்கு பிடிவாதம், ஏமாற்றுதல், ஆர்வம் போன்ற குணங்களை வழங்க உத்தரவிட்டார்.

ஒவ்வொரு கடவுளும் அவளுக்கு ஒரு பரிசை வழங்கினார்கள், எனவே, கிரேக்க மொழியில் அவளுடைய பெயர் "எல்லா பரிசுகளையும் தாங்கியவர்" என்று பொருள்.

பண்டோராவுக்கு ஒரு பெட்டி அல்லது ஜாடி வழங்கப்பட்டது, கிரேக்க மொழியில் "பித்தோஸ் (pithos)" என்று அழைக்கப்படுகிறது.

கடவுள்கள் அவளுக்கு வழங்கிய பரிசுகள் எல்லாம் அந்த பெட்டியில் இருப்பதாக கூறினார்கள். ஆனால் அந்தப் பெட்டியைத் எப்போதும் திறக்க கூடாது என்று எச்சரித்தார்கள். (திறக்காமலே இருக்கிறதுக்கு எதுக்கு பரிசு?!) பின்னர் ஹெர்ம்ஸ் அவளை ப்ரோமிதியஸின் சகோதரர் ஸிடம் அழைத்துச் சென்றார்.

கடவுளர்களிடமிருந்து எதையும் ஏற்க வேண்டாம் என்று ப்ரோமிதியஸ் (அனுபவம்!) எபிமீதியஸுக்கு அறிவுறுத்தியிருந்தார், ஆனால் எபிமீதியஸ் பண்டோராவைப் பார்த்ததும் அவளது அழகில் மயங்கி உடனே அவளை மணமுடித்தார்.

பண்டோரா கொஞ்ச நாள் அவளது ஆர்வத்தை அடக்க முயன்றாள்,

ஆனால் இறுதியில் அவளால் ஆர்வத்தை தாங்க முடியவில்லை; பெட்டியைத் திறந்தாள். பெட்டியில் பரிசு என்று சொல்லி கடவுள்கள் குடுத்தது எல்லாம் நோய்களும் கஷ்டங்களும் தான். கடவுள்கள்கள் பெட்டியில் மறைத்து வைத்திருந்த அனைத்து நோய்களும் கஷ்டங்களும் வெளியே வரத் தொடங்கின.

பண்டோரா பயந்துப்போனாள் , ஏனென்றால் பெட்டியில் இருந்து பொறாமை, குரோதம், பகை, வலி, நோய், பசி, வறுமை, போர், இறப்பு போன்றவை ஒவ்வொவன்றாக வெளியே வந்து மனிதர்களை அடைந்தது. எல்லா தீய சக்திகளும் வெளியே வருவதைக் கண்டு, முடிந்தவரை விரைவாக பெட்டியை மூட முயன்றாள் பண்டோரா,

இறுதியில் உள்ளே "நம்பிக்கை" மட்டும் இருக்கும்போது பெட்டியை மூடினாள்.
பண்டோரா புராணத்தின் முக்கிய நோக்கம் உலகில் ஏன் தீமை இருக்கிறது என்ற கேள்விக்கு விடை காண்பதுதான்.

இன்றைய நாளில் "பண்டோராவின் பெட்டியைத் திறப்பது (opening a Pandora's box)" என்ற idiom ஓர் சிறிய அல்லது களங்கமில்லாத செயல் மிகவும் தீங்கு விளைவிக்கின்ற, மிகுந்த தாக்கமேற்படுத்துகின்ற பின்விளைவுகளை ஏற்படுத்தும் வாய்ப்புள்ளவற்றிற்கு பயன்படுத்தப்படுகின்றது.

#மதங்கள்புராணங்கள்