Thread by @chennaiviswa2

அந்தத் தொலைபேசி அழைப்பிற்குப் பின்னர்தான் தோன்றுகிறது அவருக்கு தான் அவசரப்பட்டு விட்டோமோ ‌என்று.

'வாழ்க்கையில் அவ்வளவு இலகுவாக யாருக்கும்‌ கிடைத்து விடாத பெரும்‌ வாய்ப்பு தங்கத்தட்டில் வைத்துத் தனக்குத் தரப்பட இருக்கையில் அதைத் தானே தட்டிப் பறித்துத் தள்ளி விட்டு விட்டோமோ?'

லேசாக உறுத்தத் தொடங்குகிறது அவருக்கு.

மீண்டும் தொலைபேசியில் அழைத்துத் தான் சொன்னதைத் திரும்பப் பெற்றுக் கொள்வதா வேண்டாமா என்றொரு குழப்பம்.

விசயம் வேறு ஒன்றுமில்லை. இதுதான்.

சட்டப்படிப்பை முறையாக முடித்து விட்ட அவருக்கு திங்கட்கிழமை காலையில் 'வைவா' தேர்வு நடைபெற இருக்கிறது.

அந்தத் தேர்வுக்குத் தயாராகிக் கொண்டு இருக்கும்போதுதான் ஞாயிறு காலையில் - அதாவது தேர்வுக்கு முந்தைய நாளில் - அந்தத் தொலைபேசி அழைப்பு வந்திருக்கிறது.

"நாளைக் காலை சென்னையில் இருக்கும்படி பார்த்துக் கொள்ளுங்கள்.முக்கியமான அறிவிப்பு வெளியாக இருக்கிறது" என்பதே அதன் சாரம்.

தொலைபேசியில் அழைத்துச் சொன்னவரிடம், "நாளைக் காலையில் எனக்கொரு தேர்வு இருக்கிறது. எப்படியாவது முன்னுரிமை பெற்றுக் காலையிலேயே என் தேர்வை நிறைவு செய்து விட்டு வந்து விடுகிறேன்.

அந்த அறிவிப்பை மதியத்திற்கு மாற்றி வைக்க முடியுமா?" என்று அந்தச் சூழலிலும் சொல்லியிருக்கிறார் அவர்.

சொல்லி முடித்துத் தொலைபேசியை வைத்த பின்னர்தான் உறைக்கிறது அவருக்கு.

என்னஒரு பைத்தியக்காரத் தனம் செய்து விட்டேன்?

அவரவர் தங்களுக்கு வாய்ப்புக் கிடைக்கும்போது அதைப் பற்றிக் கொள்ள என்னவெல்லாம் செய்கிறார்கள்.
இந்தத் தேர்வை அடுத்த வருடம் கூட அட்டண்ட் செய்ய முடியும்தான். இல்லையா.?

ஆனால் இது வாழ்நாளுக்கான வாய்ப்பல்லவா?

எத்தனை பேரின் கனவு இது?

இப்படி நேரம் காலம் தெரியாமல் முப்பதாண்டு கால உழைப்பை முப்பது நொடிகளில் சிதைத்து விட்டோமே என்ற கலக்கத்தில் என்ன செய்வதென்றறியாத திகைப்பில் இருந்திருக்கிறார் அவர். அந்தத் தொலைபேசி உரையாடலுக்குப் பிறகு.

அவர் இந்தத் திகைப்போடும் கலக்கத்தோடும் இருக்கையில் திங்கள் வெளியிடப்படுவதாக இருந்த அந்த முக்கிய அறிவிப்பு ஞாயிறு மதியமே வெளியாகிறது.

கலக்கம் மறைந்து‌ களிப்பு தோன்றிய அதே நேரத்தில் ஆனந்தக் கண்ணீர் தானாகப் பெருகுகிறது அவருக்கு.

இது எப்படி சாத்தியமானதென்று அவருக்கே புரியவில்லை.

நடந்தது இதுதான். புதுக்கோட்டை அப்துல்லாவுக்கு முதல்வரின் தனிச்செயலாளரிடமிருந்து திங்கள் சென்னையில் இருக்கும்படியும், மாநிலங்களவை உறுப்பினர் குறித்த அறிவிப்பு வெளியாகலாம் என்றும் தொலைபேசி வழியாகச் செய்தி சொல்லப்பட்டது.

அவரிடம், தனக்குத் தேர்வு இருக்கும் ‌விசயத்தைச் சொல்லிவிட்டார்

அப்படிச் சொல்லி அறிவிப்பைத் தள்ளி வைக்கச் சொன்னதன் மூலம் அவசரப்பட்டு தவறு செய்து விட்டோமோ என்ற கலக்கத்துடன் இருந்திருக்கிறார் அப்துல்லா.

ஆனால் திங்கள் வெளிவர வேண்டிய அறிவிப்பு எப்படி ஞாயிறு மதியமே வந்தது.?

இங்குதான் ஒரு தலைவரின்‌ உன்னதமான தலைமைப்பண்பு வெளிப்பட்டிருக்கிறது.

முதல்வரின் தனிச் செயலர் விசயத்தை முதல்வர் ஸ்டாலினிடம் சொல்லியிருக்கிறார்.

"தேர்வா முக்கியம்.?
எவ்வளவு பொறுப்பான பதவியைக் கொடுக்க இருக்கிறோம்.?

எத்தனை பேர் காத்திருக்கிறார்கள் கட்சிக்குள்ளேயே.?

அப்படி இருக்கும்போது இவர் தேர்வெழுத வசதியாக நாம் காத்திருக்க வேண்டுமா.?

இவரது தேர்வுதான் மாநிலங்களவை உறுப்பினர் பதவியை விட முக்கியமா.?" என்றெல்லாம் கேள்வி எழுப்பியிருக்கலாம்‌ அவர்.

ஆனால், மாறாக, "நாளைக்குத் தேர்வா? அடடா!

மாநிலங்களவை குறித்த படபடப்புடன் எப்படி நிம்மதியாகத் தேர்வை எதிர்கொள்ள முடியும்?

நாம் இன்றே அறிவிப்பை வெளியிடுவோம்.

அவர் நிம்மதியாகத் தேர்வை எதிர்கொள்ளட்டும்" என்றிருக்கிறார் முதல்வர்.

இப்படித்தான் பொதுச்செயலாளர் பெயரில் அறிவிப்பு வரும் வரையிலும் கூடக் காத்திருக்காமல் தலைவர் பெயரிலேயே அந்த அறிவிப்பு வெளியாகியிருக்கிறது.

கேட்டுக் கொண்டிருந்த எனக்கே மயிர்க்கால்கள் சிலிர்த்து விட்டன.

அப்துல்லாவின் நிலையை கொஞ்சம் நினைத்துப் பாருங்கள்.

ஆனால் என்னால் ஒன்றைப் புரிந்து கொள்ள முடிகிறது.

மாநிலங்களவை உறுப்பினராகப் போகிறவருக்கும் சரி,
அந்தக் கட்சியின் தலைமைக்கும் சரி கல்வியின் அருமை புரிந்ததானேலேயே இது சாத்தியமாகியிருக்கிறது என்றால் அது நிச்சயம் மிகையாகாது.

ஒட்டு மொத்தமாகவே ஓர் இயக்கம் கல்வியின் அருமையைத்‌ தொடர்ந்து வலியுறுத்தி அதனைச் சமூகநீதி கொண்டு நடைமுறைப்படுத்த முனைவதால், தொடர்ந்து அதற்குப் பாடுபடுவதால்,

தலைமையும், தொண்டனும் ஒரே நேர்கோட்டில் இங்கு செயல்பட்டிருப்பதில் வியப்பேதுமில்லை.

இதுவே நிதர்சனமான உண்மை.

சிறந்த மாநிலங்களவை உறுப்பினரைத் தேர்வு செய்த முதல்வர் #ஸ்டாலின் க்கும்,
தமிழக நலனுக்காகக் குரல் கொடுக்கவிருக்கும் மாநிலங்களவை உறுப்பினர் #அப்துல்லா விற்கும் நல்வாழ்த்துகள்!

#படித்ததில்_பிடித்தது

"எத்தனை உயர்வான ஒரு முதல்வரை தமிழகம் பெற்றிருக்கிறது!
நன்றி முதல்வரே!" @mkstalin 💐