Thread by @HabariTech

📡Part 2: Sim Cards zinaiwezesha vipi simu kufanya kazi?

Simu yako haina maana kama utashindwa kupiga/kupokea simu za kawaida au kutuma SMS.

Unapokuwa na simu utahitaji kuunganishwa na mtandao flani ili kupata huduma ya za simu.

#HabariTech

https://twitter.com/HabariTech/status/1450721848744890370

📡Unapochagua kusajili sim card ya mtandao uupendao unakuwa umesajili akaunti ambayo utakuwa unailipia bando ili kuweza pata huduma zao.

Huwa tunasema SIM Card bila kujua maana yake ni nini.

📡SIM ni kifupi cha Subscriber Identity Module. Ni card ambayo inatunza IMSI (International Mobile Subscriber Identity) na funguo za kumtambulisha na kumthibitisha mtumiaji katika mfumo wa mawasiliano.

📡IMSI ni namba ambayo inamtumbulisha mtumiaji yeyote wa cellular networks katika mtandao wa mawasiliano.

IMSI ni kama namba za NIDA ambazo kila mtanzania anayo yakwake. Kwenye mawasiliano kila SIM Card ina IMSI yake.

📡Sim cards zinatunza taarifa kama PIN, PUK, IMSI, taarifa za usalama na taarifa kuhusu mtandao.

Pia Sim Cards zinatunza application data ambazo zinatumika kufanya mawasiliano kati ya simu yako na server za mtandao unaotumia.

📡Hapa naongelea kitu kama SMS service number, jina la mtoaji huduma wako, namba za mtoaji huduma na vitu vingine vingi.

Sim Card yako ndicho kiunganishi kati ya simu na akaunti yako kwa mtoa huduma wako. Kiufupi ni kwamba sim card ndiyo inakuunganisha na mitandao.

📡Ninapoongelea akaunti yako kwa mtoa huduma inajumuisha kiasi gani unatumia mtandao wao, mahali ulipo, kiasi cha SMS unazotuma, muda wa maongezi na ni aina gani ya vifurushi/huduma zao unatumia.

📡Hizi ni taarifa ambazo hazipo kwenye simu yako wala Sim Card. Zinatunzwa katika database ya mtoa huduma wako kwenye server zao.

📡Kwa kumaliza niseme kwamba Sim Card ndiyo mlango wa wewe kutumia mtandao kwa namna yoyote ile. Bila Sim Card antenna za simu yako zitadaka radio waves za cellular network na hazitajua zifanye nini na mawimbi hayo.

📡Ni sawa na kuwa mtu mweusi usiyekuwa na utaifa. Utazurula sana bila kukubalika kihalali katika Nchi yoyote ya Afrika.

Unapowasha simu yako Sim card yako inaanza kutafuta mtandao wa kutumia. Hapo ndipo inachambua katika zile radio waves ni mtandao upi unatumika kwako.

📡Bila sim cards Simu yako haiwezi elewa ni radio wave ipi itumike kwako, unapokuwa na sim card sasa ndipo zile taarifa zote ndani ya sim card zinatumika.

Taarifa za jina la mtandao, SMSC na taarifa nyingine za mtoa huduma zinatumika kukuunganisha wewe na mtandao wako.

📡Nilipoongelea base station nilisema kila mtandao unabase station (mnara) yake.

Tufanye unatumia Tigo. Utakapokuwa eneo ambalo hakuna mnara wa tigo unafikisha mawimbi eneo hilo sim card yako itashindwa kutambua ijiunge na mtandao upi.

📡Hapa huwa tunasema, “Sipati mtandao, bars zipo chini kabisa.”. Ndo inakuwa kwamba Sim card imeshindwa kupata mtandao wake husika.

Kulingana na taarifa ilizotunza hakuna mtandao unaendana nazo.

📡Mnara unapopokea ombi la sim card yako kutumia mtandao wake unatumia IMSI yako kuhakikisha kama upo kwenye mnara sahihi na Sim Card yako imethibitishwa kutumia mtandao huo kwa kutumia ule ufunguo wa uthibitisho.

📡Ili kuhakikisha mawasiliano yako yanakuwa salama kuna mfumo wa usalama hapa huwa unatumika.

Mnara utakapo ikuta IMSI yako kwenye rekodi za mtandao itakuthibisha kwa kukutumia funguo. Tuite hii funguo A. Hizi funguo ni copy ya maneno flani ambayo sio rahisi kuyaelewa kibinadam.

📡Baada ya kukuthibitisha kwa funguo A, itatengenezwa funguo nyingine kwa ajili ya mnara tuite Funguo B.

Funguo B itatumwa kuja kwenye simu yako pamoja na funguo A ya uthibitisho. Simu yako itahakikisha funguo A na kutengeneza funguo nyingie C.

📡Funguo C itatumwa kurudi kwenye mtandao pamoja na ile funguo A. Mtandao utaziangalia funguo B & C, kisha kwa kutumia funguo A itahakikisha kwamba funguo B & C zinaendana.

Zikifanana hizo funguo simu yako itapata ruhusa ya kutumia mtandao ambao sim card yako iliomba kutumia.

📡Huu mfumo wa usalama ni ili kuhakikisha hakuna mtu mwingine atatumia namba yako kutumia mtandao, na hizi funguo huwa hazijirudii kwa mtu yeyote. Zikiwa tofauti utakuwa na Sim Card isiyoweza kupata mtandao.

Kwa maelekezo mepesi hivyo ndivyo Sim Card inafanya kazi.