Thread by @Singamonfire

#கல்வி - 27
#தனித்துவம்_வாய்ந்த_படிப்புகள்

சர்வேயர் மற்றும் ஜியோ இன்பர்மேசன் படிப்புகள்
Surveyor and Geo Information courses

அரசுத் துறையிலும், தனியார் நிறுவனங்களிலும் எளிதில் வேலைவாய்ப்பை பெற்றுத் தரக் கூடிய டிப்ளமோ படிப்புகளில் சர்வேயர் மற்றும்

#ஒன்றியஉயிரினங்கள்

ஜியோ இன்பர்மேசன் படிப்புகள் குறிப்பிடத்தக்கவையாகும். இவை சராசரி மாணவர்களுக்கு ஏற்ற டிப்ளமோ படிப்புகளாகும். பட்டப்படிப்பாக படிக்கும் வாய்ப்பும் உள்ளது.10-ம் வகுப்பு , 12-ம் வகுப்பு படித்து முடித்ததும் சராசரி மாணவர்கள் குறுகிய காலத்தில் படித்து

நல்ல வேலைக்குச் செல்ல விரும்புபவார்கள். அவர்களின் சிந்தனையில் முதலில் தோன்றுவது ஐ.டி.ஐ. மற்றும் பாலிடெக்னிக் படிப்புகளாகும். பாலிடெக்னிக் முடித்ததும் பணியில் இருந்துகொண்டு பி.இ. என்ஜினீயரிங் படிப்பை பகுதி நேரமாக படித்து பணியில் இருக்கும் துறையில் பதவி உயர்வு பெறுபவர்கள் ஏராளம்.

பிட்டர், டர்னர், எலக்ட்ரீசியன், மெக்கானிக் ஏராளமான பிரிவில் ஐ.டி.ஐ. படிப்புகளும், சிவில், மெக்கானிக்கல், எலெக்ட்ரிக்கல், எலெக்ட்ரானிக்ஸ் கம்யூனிகேஷன், டெக்ஸ்டைல், பிரிண்டிங், லெதர் டெக்னாலஜி என ஏராளமான டிப்ளமோ என்ஜினீயரிங் படிப்புகளும் வேலைவாய்ப்பு தரும் முன்னணி படிப்பு களாக

விளங்குகின்றன.வழக்கமான இந்த அடிப்படை தொழில்-பொறியியல் பாடப்பிரிவு அல்லாமல், மாறிவரும் இன்றைய வேலைவாய்ப்புச் சூழலுக்கு ஏற்ப அதிக வாய்ப்புகளை கொண்ட படிப்பை தேர்வு செய்ய விரும்பும் சராசரி மாணவர்களுக்கான படிப்புகளில் குறிப்பிடத்தக்கவை நில அளவையியல் (லேண்ட் சர்வே), மற்றும்

புவி தகவலியல் (ஜியோ இன்பர்மேடிக்ஸ்) டிப்ளமோ படிப்புகள். அரசாங்கத்தில் உள்ள நில அளவையர் (சர்வேயர்), வரைவாளர் பணியில் சேர இந்த படிப்புகள் கட்டாய கல்வித் தகுதியாக நிர்ணயிக்கப்பட்டு உள்ளன. 10-ம் வகுப்பு தேர்ச்சி பெற்றவர்கள் இந்த படிப்பில் சேரலாம்.

கட்டுமானத் துறை, கட்டுமானத்தை ஆய்வு செய்யும் அரசுத்துறைகளில் இவர்களின் பணி முக்கியத்துவம் வாய்ந்தது. பல்வேறு அரசுத் திட்டங்களை செயல்படுத்தவும் அளவையர் மற்றும் வரைவாளரின் பணி அடிப்படைத் தேவையாகும்.

2 ஆண்டுகளுக்கு முன்பு, அமெரிக்காவில் நடத்தப்பட்ட புள்ளியியல் ஆய்வில், நில

அளவைத் துறையில் தொழில்நுட்பனர்களுக்கு பற்றாக்குறை ஏற்பட்டிருப்பது கண்டறியப்பட்டது. இந்தியாவிலும் ரியல்எஸ்டேட் மற்றும் அரசுத்துறை திட்டப்பணிகளில் இந்த பணிகளுக்கான வாய்ப்புகள் பிரகாசமாகவே உள்ளது. எனவே இந்த படிப்புகளை படிப்பவர்களுக்கு வேலைவாய்ப்புகள் எளிதில் வசமாகும்.

தமிழகத்தில் சில அரசு பாலிடெக்னிக் கல்லூரிகளிலும், பல்வேறு தனியார் கல்வி அமைப்புகளிலும் இது தொடர்பான டிப்ளமோ படிப்புகள் வழங்கப்படுகின்றன. கேரளாவில் ஏராளமான ஐ.டி.ஐ. மையங்களில் இந்த படிப்பு வழங்கப்படுகிறது. மேலும் அரசின் டி.என்.பி.எஸ்.சி. குரூப்-4 தேர்வில் நில அளவையர்,

வரைவாளர் பணிகள் அறிவிக்கப்படும்போது இந்த படிப்புகளை படித்தவர்கள் மட்டுமே இதற்கு விண்ணப்பிக்க முடியும் என்பது குறிப்பிடத்தக்கது. எனவே சர்வே தொழில்நுட்ப டிப்ளமோ படிப்பில் சேருவோருக்கு அரசு வேலைவாய்ப்பு பிரகாசமாக இருக்கும்.