Thread by @Singamonfire

#தினம்_ஒரு_தகவல் -63

#தமிழ்நாடு -5

தமிழ்நாட்டின் மாநகராட்சிகள்

தமிழக மாநகராட்சிகள் இந்தியாவின் மாநிலமான தமிழகத்தில் உள்ளாட்சி அமைப்புகளாக மாநகராட்சிகள் செயல்படுகின்றன. மாவட்டத் தலைநகரங்கள் மற்றும் முக்கிய நகரங்களில் மக்கள் தொகைக்கேற்ப

#ஒன்றியஉயிரினங்கள்

மாநகராட்சிகள் அமைக்கப்பெற்றுள்ளன. தமிழகத்தில் உள்ள இருபத்தி ஒன்று மாநகராட்சிகளில், முதலாவது மிகப்பெரிய மாநகராட்சி சென்னை ஆகும். இரண்டாவது கோயம்புத்தூர் மாநகராட்சியும், மூன்றாவது திருச்சிராப்பள்ளி மாநகராட்சியும் முறையே நான்கு மற்றும் ஐந்தாம் இடத்தில் மதுரை மாநகராட்சியும் சேலம்

மாநகராட்சியும் உள்ளது . இந்த ஐந்து மாநகராட்சிகள் மட்டுமே தமிழகத்தின் மிக முக்கியமான மாநகராட்சிகள் ஆகும். பிற மாநகராட்சிகள் , திருப்பூர்,திருநெல்வேலி உட்பட சில மாநகராட்சிகள் அதற்கு அடுத்த நிலையில் காணப்படுகிறது. இந்த மாநகராட்சிகளின் தரவரிசை என்பது மக்கள் தொகை அடிப்படையிலும்,

மாநகராட்சி வருவாய் அடிப்படையிலும், மாநகராட்சி மண்டலங்கள் மற்றும் வார்டுகள் அடிப்படையிலும் வரிசைப்படுத்தப்படுகிறது.

தமிழ்நாட்டில் அதிகமான மக்கள் தொகையுடன் மிக அதிக வருவாயுடைய ஊர்களை மாநகராட்சிகளாகப் பிரித்துள்ளனர். தமிழ்நாட்டில் மொத்தம் 21 மாநகராட்சிகள் இருக்கின்றன.

இம்மாநகராட்சிகளுக்கு அதன் மக்கள் தொகைக்கு ஏற்ப வார்டுகள் பிரிக்கப்படுகின்றன. வார்டுகளில் வாக்காளர்களாக உள்ள மக்களால் மாநகராட்சி மன்றத்திற்கு உறுப்பினர்கள் தேர்வு செய்யப்படுகின்றனர். இந்த மாநகராட்சி மன்ற உறுப்பினர்களின் பதவிக்காலம் ஐந்து ஆண்டுகளாக இருக்கிறது.

இந்த மாமன்ற உறுப்பினர்களில் இருந்து ஒருவர் மாமன்றத் தலைவராகவும், ஒருவர் மாமன்றத் துணைத் தலைவராகவும் தேர்வு செய்யப்படுகின்றார். மாநகராட்சியின் உறுப்பினர்களைக் கொண்டு நடத்தப்படும் மாநகராட்சி மன்றக் கூட்டங்களில் பெரும்பான்மையான உறுப்பினர்களைக் கொண்டு நிறைவேற்றப்படும்

தீர்மானங்களின்படி மாநகராட்சி ஆணையாளர் அந்தப் பணிகளை தனக்கு கீழுள்ள அலுவலர் மற்றும் ஊழியர்களைக் கொண்டு செயல்படுத்துகிறார். இந்த உறுப்பினர் பதவிகளுக்கு அரசியல் கட்சி சார்பாக போட்டியிட அனுமதி அளிக்கப்பட்டுள்ளது.

தமிழக மாநகராட்சிகளின் ஆண்டு வரி வருவாய்

பெருநகர சென்னை மாநகராட்சி - 1875 கோடி
கோயம்புத்தூர் பெருநகர மாநகராட்சி - 754 கோடி
திருச்சிராப்பள்ளி மாநகராட்சி - 615 கோடி
மதுரை மாநகராட்சி - 387 கோடி
சேலம் மாநகராட்சி- 312 கோடி
திருப்பூர் மாநகராட்சி - 288 கோடி

திருநெல்வேலி மாநகராட்சி - 212 கோடி
ஈரோடு மாநகராட்சி - 161 கோடி
கரூர் மாநகராட்சி - 155 கோடி
ஓசூர் மாநகராட்சி - 144 கோடி
தூத்துக்குடி மாநகராட்சி - 100 கோடி
வேலூர் மாநகராட்சி - 100 கோடி
நாகர்கோயில் மாநகராட்சி - 81 கோடி
கடலூர் மாநகராட்சி - 74 கோடி
சிவகாசி மாநகராட்சி - 60 கோடி

தஞ்சாவூர் மாநகராட்சி - 54 கோடி
கும்பகோணம் மாநகராட்சி - 50.7 கோடி
திண்டுக்கல் மாநகராட்சி - 44 கோடி
இதில் முதல் மூன்று இடங்களை சென்னை , கோயம்புத்தூர் , திருச்சி மாநகராட்சிகள் கொண்டுள்ளது. இதில் மிகக்குறைந்த வரி வருவாயைக் கொண்ட மாநகராட்சி திண்டுக்கல் ஆகும்.

@threadreaderapp please unroll