Thread by @Singamonfire

#கல்வி - 29
#தனித்துவம்_வாய்ந்த_படிப்புகள்

கிரிமினாலஜி (Criminology)

மருத்துவம், பொறியியல் எனக் குறிப்பிட்ட சில படிப்புகளையே நம் மாணவர்கள் துரத்திக் கொண்டிருக்கிறார்கள். ஆனால், வளமான வாழ்வையும் நல்ல வேலைவாய்ப்பையும் அளிக்கும் எவ்வளவோ
#ஒன்றியஉயிரினங்கள்

படிப்புகள் படிக்க ஆளில்லாமல் காத்திருக்கின்றன. அந்த வரிசையில் மிக முக்கியமானவை குற்றவியல் (Criminology) மற்றும் தடயவியல் (Forensic Science) பட்டப்படிப்புகள்.

‘‘கிரிமினாலஜி என்பது சமுதாயத்தில் நடக்கும் குற்றங்கள், அவற்றைத் தடுப்பதற்கான வழிமுறைகளை ஆராய்வது, அது பற்றிய

சமூக நிலைப்பாடு, தவறு செய்பவர்களை சீர்திருத்துவது போன்ற விஷயங்களை போதிக்கும் பாடப்பிரிவு’’ என்கிறார் முன்னாள் காவல்துறை இயக்குனரும் தமிழ்நாடு அரசுப் பணியாளர் தேர்வாணையத்தின் முன்னாள் தலைவருமான ஆர். நட்ராஜ்.

‘‘கிரிமினாலஜி படிக்கும் பட்டதாரிகள் தனியார் செக்யூரிட்டி நிறுவனங்கள்,

சி.பி.ஐ., சி.ஐ.டி., மத்திய - மாநில காவல் அமைப்புகள், ரயில்வே பாதுகாப்புப் படை, மத்திய தொழில் பாதுகாப்புப் படை மற்றும் தன்னார்வத் தொண்டு நிறுவனங்கள் போன்றவற்றில் சேர்ந்து பணியாற்றலாம். மேலும் இதில் சரித்திரம், சமூகவியல், உளவியல் பாடங்களை உள்ளடக்கிய சிலபஸ் இருப்பதால்,

சிவில் சர்வீஸ் உள்ளிட்ட போட்டித் தேர்வுகள் எழுதவும் மிகவும் உபயோகமாக இருக்கும்’’ என்கிற நட்ராஜ், தடயவியல் படிப்பும் இதற்கு சமமாக முக்கியத்துவம் வாய்ந்தது என்கிறார்.

‘‘இன்றைய காலகட்டத்துக்கு மிக அவசியமான பாடப்பிரிவு தடயவியல். குற்றம் நடக்கும் இடத்தில் கிடைக்கும் பொருட்கள்,

கைரேகைகள், சிறு சிறு தடயங்களை சேகரித்து... அதன்மூலம் குற்ற சம்பவத்தின் முடிச்சுகளை அவிழ்ப்பதில் தடயவியலின் பங்கு மகத்தானது. பேரிடர் மேலாண்மையில்கூட தடயவியல் இன்றியமையாததாக ஆகிவிட்டது. இந்திய அளவில் தடயவியல் படித்தவர்களின் எண்ணிக்கை குறைவாகவே உள்ளதால்,

இந்தப் பட்டம் முடிப்பவர்களின் தேவை ராணுவம், புலனாய்வுத் துறைகளில் அதிகம்.

தமிழக அளவில் மாவட்டம்தோறும் ஃபாரன்ஸிக் லேபரட்டரிகள் உள்ளன. அவை எட்டு ஸோன்களாகப் பிரிக்கப்பட்டு செயல்பட்டு வருகின்றன. தடயவியல் படிப்பின் மூலம் இங்கெல்லாம் நல்ல பணி வாய்ப்புகள் உண்டு. பிரைவேட் டிடெக்டிவ்

ஏஜென்ஸிகளில் சேர்ந்து பணிபுரியவும் தடயவியல் உபயோகமாக இருக்கும்’’ என்கிறார் நட்ராஜ்
‘‘கிரிமினாலஜி பட்டப்படிப்பு சமூகத்தை மாற்றுவதற்கான பாடத்திட்டங்களை உள்ளடக்கியது. மற்ற பட்டப்படிப்புகளுக்கும் இதற்கும் நிறைய வித்தியாசங்கள் உண்டு. இன்று, புதுப்புது விதமான

நவீன குற்றங்களின் எண்ணிக்கை பெருகிவருவதால், வரும் காலங்களில் கிரிமினாலஜி மற்றும் தடயவியல் படிப்புகளுக்கான மதிப்பும் தேவையும் கூடும் வாய்ப்பு உள்ளது’’ என்கிறார் அமெரிக்கன் கல்லூரியின் பேராசிரியரும் தேசிய அளவிலான குற்றவியல் கழகத்தின் செயற்குழு உறுப்பினருமான சி.முத்துராஜா.

‘‘இந்தியாவில் பெருகிவரும் பன்னாட்டு நிறுவனங்கள் சைபர் க்ரைம் போன்ற தொழில்நுட்ப ரீதியிலான குற்றங்களில் இருந்து தங்கள் நிறுவனங்களைப் பாதுகாக்க நினைக்கின்றன. இதனாலும் கிரிமினாலஜி பட்டதாரிகளுக்கான வேலைவாய்ப்பு அதிகரித்து வருகிறது. இந்திய அளவில் கிரிமினாலஜி படிக்க மிகச் சிறந்த இடம்

என்றால், சென்னைப் பல்கலைக்கழகம், லக்னோ பல்கலைக்கழகம், மும்பையில் உள்ள டாடா இன்ஸ்டிடியூட் ஆஃப் சோஷியல் சயின்ஸஸ் போன்றவற்றைக் குறிப்பிடலாம். கிரிமினாலஜி படிக்க, ஒரு செமஸ்டருக்கு சுமார் 5,000 ரூபாய் முதல் 6,000 ரூபாய் வரைதான் செலவு ஆகும்

‘‘கிரிமினாலஜி மற்றும் தடயவியல் படிப்பு முடிப்பவர்களுக்கு உடல் தகுதியும் இருந்து விட்டால் ராணுவம், சிறப்பு காவல்படை, புலனாய்வுத் துறை, ஊழல் தடுப்புப் பிரிவு போன்றவற்றில் சேர்ந்து பணியாற்றவும் உயர் பதவிகளை வகிக்கவும் வாய்ப்புகள் அதிகம். எங்கள் கல்லூரியைப் பொறுத்தவரை உயரம், எடை,

மார்பளவு என்ற உடல் தகுதிகளோடு தான் மாணவர்களைத் தேர்ந்தெடுக்கிறோம்’’ என்கிறார், சென்னை அகர்சன் கல்லூரியின் உதவி பேராசிரியர் ஜெ.சசிகுமார்.‘பெண்களும் இந்தப் பாடப்பிரிவை எடுத்து படிக்கிறார்கள். எங்கள் கல்லூரி யில் இருந்து இதுவரை இரண்டு பேட்ச் பெண்கள் பட்டம் பெற்றிருக்கிறார்கள்.

படிப்பு முடித்து ஒரு கிரிமினாலஜிஸ்ட் ஆன பிறகு, ஒரு குற்றத்தின் பின்னணி காரணங்களை ஆராய்வதோடு புலனாய்வு, தண்டனை, மறுவாழ்வு மற்றும் சீர்திருத்தம் போன்ற பலவிதமான நிலைகளிலும் பணியாற்ற முடியும். பி.ஏ., எம்.ஏ. படிப்பதைவிட பி.எஸ்சி., எம்.எஸ்சி படிக்கும்போது பாடத்துடன் கூடிய

பயிற்சிகளும் அளிக்கப்படும். அதனால் வேலைவாய்ப்புகளில் முன்னுரிமை அளிக்கப்படும். பி.எஸ்சி தடயவியல் எடுத்துப் படிக்க வேண்டுமானால், பிளஸ் 2வில் அறிவியல் பாடம் எடுத்துப் படித்திருக்க வேண்டும். குறைந்தது 60% மதிப்பெண்கள் பெற்றிருக்க வேண்டும்’’ என்கிறார் அவர்.

‘மருத்துவத் துறையிலும் தடயவியலுக்கு மிக முக்கியப் பங்கு உண்டு. எம்.பி.பி.எஸ் மாணவர்களுக்கு இரண்டாம் ஆண்டில் தடய அறிவியல் பாடம் உண்டு. முதுகலை மருத்துவப் படிப்பாகவும் எம்.டி தடய அறிவியல் பிரிவை எடுத்துப் படிக்கலாம். இதை முடிப்பவர்களே பிரேத பரிசோதனை செய்யத் தகுதியுடையவர்கள்.

மேலும் கொலை, தற்கொலை போன்ற சம்பவங்களின் பின்னணியாக உள்ள ஐ.பி.சி. 302, 320 போன்ற சட்டப்பிரிவுகளையும் தெரிந்துகொள்ள முடியும்’’ என்கிறார் மருத்துவர் ஹரிசங்கர்.

மொத்தத்தில், ‘என் வழி தனி வழி’ என ஆர்வத்தோடு துணிந்து வரும் மாணவர்களுக்காகக் காத்திருக்கின்றன

குற்றவியல் மற்றும் தடயவியல் படிப்புகள்!

குற்றவியல் மற்றும் தடயவியல் படிக்க

தமிழக கல்வி நிறுவனங்கள்:
சென்னைப் பல்கலைக்கழகத்தில் M.A.Criminology and Criminal Justice மற்றும் MSc., Cyber Forensics and Information
Security முதுகலைப் பட்டப் படிப்புகள் உள்ளன. மேலும்

விபரங்களுக்கு,unom.ac.in தொலைபேசி: 044-25361074, 25399401

திருநெல்வேலி மனோன்மணியம் சுந்தரனார் பல்கலைக்கழகத்தில் M.A. Criminology Police Science முதுகலைப் பட்டப்படிப்பு உள்ளது. மேலும் விபரங்களுக்கு, msuniv.ac.in

மதுரை காமராஜர் பல்கலைக்கழகத்தில் தொலைதூரக் கல்வி திட்டத்தில் ஓராண்டு முதுகலைப் பட்டப்படிப்பு (PGDCPA) வழங்கப் படுகிறது. மேலும் விபரங்களுக்கு, mkudde.org தொலைபேசி: 0452-2458471

மாதவரத்தில் உள்ள ஜே.எச்.ஏ.அகர்சன் கல்லூரியில் ரெகுலரில் இளங்கலைப்

பட்டப்படிப்பு (B.A.Police Administration) வழங்கப்படுகிறது. மேலும் விபரங்களுக்கு, agarsencollege.com

இந்திய அளவிலான பிற பல்கலைக் கழகங்கள்:
டெல்லியில் உள்ள குற்றவியல் மற்றும் தடயவியல் துறை நிறுவனத்தில் சென்னைப் பல்கலைக்கழகத்தில் உள்ளதைப் போன்றே எம்.ஏ மற்றும்

எம்.எஸ்சி முதுகலைப் பட்டப்படிப்புகள் உள்ளன. மேலும் விபரங்களுக்கு, nicfs.nic.in

உத்தரப்பிரதேசத்தில் உள்ள புந்தேல்கண்ட் பல்கலைக்கழகத்தில் முதுகலைப் ( MSc., Forensic Science and Criminology) பட்டப்படிப்பு மற்றும் ஓராண்டு முதுகலைப்

(Post Graduate Diploma in Forensic Science) பட்டயப்படிப்பும் உள்ளன. மேலும் விபரங்களுக்கு, bujhansi.org ஐதராபாத்தில் உள்ள உஸ்மானியா பல்கலைக்கழகத்தில், முதுகலைப் பட்டப்படிப்பு (MSc., Forensic Science) உள்ளது . மேலும் விபரங்களுக்கு, osmania.ac.in

குஜராத் பல்கலைக்கழகத்தில் முதுகலை பட்டப்படிப்பு (MSc., Forensic Science) உள்ளது. மேலும் விபரங்களுக்கு, gujaratuniversity.org.in

@threadreaderapp UNROLL