Thread by @anbezhil12

15/3/2022 பங்குனி செவ்வாய்.
பிலவ வருடத்தின் கடைசி மாதமான பங்குனி மாதம் தொடக்கம் செவ்வாய்க் கிழமையில் அமைந்திருக்கிறது. இந்நாள் குறிப்பாக முருகனை வழிபடுபவர்களுக்கு வேண்டிய வரமெல்லாம் அளிக்கும் நாளாக அமைகிறது. பங்குனி செவ்வாயில் முருகனுக்கு அபிஷேகம் செய்து வழிபட்டு வருபவர்களுக்கு

நீண்ட நாள் வேண்டுதல் கூட விரைவாக நிறைவேறி விடும் என்பது நம்பிக்கை. பல வருடங்களாக குழந்தை பேறுக்காக வேண்டி காத்திருப்பவர்கள், எப்படியாவது சொந்த வீடு கட்டி குடியேற வேண்டும் என்று தவம் இருப்பவர்கள், விரும்பிய வேலை கிடைக்க, விரும்பிய தொழிலை செய்ய இப்படி நீங்கள் நீண்ட நாட்களாக

நினைக்கும் விஷயங்கள் கூட இந்நாளில் பிணை செய்தால் நிறைவேறும். அதிகாலையில் எழுந்து நீராடி விபூதி பூசிக் கொண்டு, பூஜை அறையை சுத்தம் செய்து மாக்கோலம் இடுவது போன்ற அலங்காரங்களை செய்து முடித்த பின் முருகன் படம் மற்றும் முருகனுடைய வேல் வைத்து வழிபாடு செய்ய வேண்டும். முருகனுடைய விக்ரஹம்

சிறிய அளவில் எப்பொழுதும் வைத்திருப்பது விசேஷமானது. முருகனுடைய சிலைக்கும், முருகனுடைய வேலுக்கும் முதலில் சாதாரண தண்ணீரால் அபிஷேகம் செய்து கொள்ள வேண்டும். அதன் பிறகு விபூதி, தயிர், பால், பன்னீர், இளநீர், குங்குமம், சந்தனம், பஞ்சாமிர்தம் போன்றவற்றால் அபிஷேகம் செய்யலாம். முக்கியமாக

பால் அபிஷேகம் செய்து முருகனை வழிபடுபவர்களுக்கு கட்டாயம் வயிற்றில் பால் வார்க்கும் நல்ல செய்திகளை வாரி வழங்குவார் முருகன் என்பது ஐதீகம். மேலும் இந்நாளில் உணவேதும் உண்ணாமல் உப்பில்லாத உணவை பிரசாதமாகப் படைத்து வழிபடுவார்கள். வெண்பொங்கல், கலவை சாதங்கள் போன்றவற்றை நைவேத்தியமாக படைத்து

வழிபட வேண்டும். நாள் முழுவதும் சாப்பாட்டில் உப்பு இல்லாமல் மற்றும் முழு நேர விரதம் இருக்க முடியாதோர் பால், பழச்சாறு போன்ற திரவ பொருட்கள் மற்றும் பழங்கள் போன்றவற்றை மட்டும் எடுத்துக் கொள்ளலாம். முருகன் கவசம் படிப்பது, முருக மந்திரங்களை உச்சரிப்பது இன்றைய நாளில் ரொம்ப விசேஷமானதாக

கருதப்படுகிறது. மேலும் சிவனை இக்காலத்தில் வேண்டி வணங்குபவர்களுக்கு நல்லாசி அருள்வார். முருகனுக்கு மணமிக்க வாசனை மலர்களால் அர்ச்சனை செய்வதும் ரொம்பவே சிறப்பானதாக கருதப்படுகிறது. இந்நாளில் வீட்டிலிருந்து விரதம் செய்தாலும், முருகன் கோவிலுக்கு சென்று அங்குள்ள முருகனை தரிசனம் செய்து

வழிபட்டு வருபவர்களுக்கு முழு பலன்களும் கிடைக்கும். முருகனுக்கு அகல் விளக்குகளில் தீபம் ஏற்றுவது ரொம்பவே சிறப்பு எனவே சுத்தமான புதிய அகல் விளக்குகளில் தீபம் ஏற்றி வையுங்கள். பின்னர் உங்களுடைய பிரார்த்தனைகளை வைத்தால் நிச்சயம் முருகன் அதனை விரைவாக தீர்த்து வைப்பார்.
ஓம் சரவணபவாய🙏🏻

முருகா🙏🏻