काही महिने पुण्यात राहण्याचा योग आला. खरंच पदरी थोडंतरी 'पुण्य' असल्याशिवाय 'पुण्यनगरीत' प्रवेश मिळत नाही. हे वाक्य म्हणजे पुणेकरांबद्दल पुढं जे काही बोलणार आहे त्याआधी त्यांना खुश करण्याचा 'असफल' प्रयत्न आहे.
असफल एवढ्यासाठीच की पुणेकरांना तुमच्या स्तुती किंवा टीकेनं फरक पडत नाही. म्हणजे शुद्ध मराठीत चाटु लोकांना पुणेकर भाव देत नाहीत. उर्वरीत महाराष्ट्रातल्या लोकांनी पुणेकरांवर कितीही विनोद करावेत पण पुणेकरांना राग येत नाही. कारण ते बाजारातून जाणाऱ्या त्या निर्विकार हत्तीप्रमाणे आहेत
ज्याला भुंकणाऱ्या कुत्र्यांकडं लक्ष देण्यात रस नाही. याचा अर्थ त्यांना अजिबात राग येत नाही असं नाही. कारण एकदा एका पुणेकरानं 'तुम्ही सांगली, सातारा, कोल्हापूरचे लोक! तुम्हाला जर एवढाच प्रॉब्लेम आहे पुण्याचा तर इथं नोकरीसाठी का येता?' असा चारचौघात माझा उद्धार केला होता.
मग मला सुद्धा पुण्याची हवा लागली असल्यानं 'सहकार नगर मध्ये राहणारा तू! तू कसला पुणेकर?' असा मी सुद्धा पलटवार केला. त्याचं काय आहे की 'माज हा पुण्याच्या हवेतच आहे'. फक्त एक श्वास घ्या पुणेरी attitute काय असतो ते समजेल. असो पण पेठेत न राहणारे, तसेच 'ण' आणि 'न' मध्ये गल्लत करणारे
लोक म्हणजे पुणेकर नव्हेच.
माझ्या मते खरे पुणेकर हे फक्त निर्विकारच नाहीत तर ते कर्मयोगी सुद्धा आहेत. हो जसं एखादा मुंबईकर रोज निष्काम कर्मयोग्यासारखा लोकल पकडतो अगदी तसंच पुणेकर दुपारी १ ते ४ दुकानाची दारं न चुकता बंद करतात. एवढी consistency तर चंद्र-सुर्यांपाशी सुद्धा नाही.
माझ्या मते खरे पुणेकर हे फक्त निर्विकारच नाहीत तर ते कर्मयोगी सुद्धा आहेत. हो जसं एखादा मुंबईकर रोज निष्काम कर्मयोग्यासारखा लोकल पकडतो अगदी तसंच पुणेकर दुपारी १ ते ४ दुकानाची दारं न चुकता बंद करतात. एवढी consistency तर चंद्र-सुर्यांपाशी सुद्धा नाही.
पुणेकरांच्या या कृतीचे संदर्भ अगदी थेट शिवकालीन इतिहासात सापडतात.त्या हिरकणी बुरुजाच्या गोष्टीतल्या हिरकणीनं एका द्वारपाळाला रायगडाचे दरवाजे उघडायला सांगितल्यावर त्यानं तिला स्पष्ट शब्दात सांगितलं होतं की गडाचे दरवाजे एकदा बंद झाले की प्रत्यक्ष महाराजांनी सांगितलं तरी उघडणं शक्य
नाही. तो बहुतेक पुण्याचाच असावा.
गेली १५ वर्षं मी दुचाकी चालवतोय, पण पुण्यात पहिल्या दिवशी जेव्हा गाडी ठोकली तेव्हा समजलं की १५ वर्षं आपण वाया घालवली. खरंच जर तुम्ही पुण्यात आणि कोकणात गाडी चालवू शकला तर तुम्ही दुचाकीनं अगदी मंगळवारीला सुद्धा जाऊ शकता.
गेली १५ वर्षं मी दुचाकी चालवतोय, पण पुण्यात पहिल्या दिवशी जेव्हा गाडी ठोकली तेव्हा समजलं की १५ वर्षं आपण वाया घालवली. खरंच जर तुम्ही पुण्यात आणि कोकणात गाडी चालवू शकला तर तुम्ही दुचाकीनं अगदी मंगळवारीला सुद्धा जाऊ शकता.
अहो माझा अमेरिकेत राहणारा एक मराठी मित्र तर बोलला होता की जर आपल्या Driving Licence चा नंबर MH12 नं सुरू होत असेल तर अमेरिकेत पोलीस अडवत नाहीत म्हणे. वेगळा International Driving Licence काढत बसायची गरज नाही.
पुण्यात दुचाकी चालवताना आपण पेशवेकालीन वातावरणात असल्यासारखं वाटतं ते पुणे हे ऐतिहासिक शहर आहे म्हणून नव्हे तर इथल्या रस्त्यातल्या खड्ड्यांमुळं तुम्ही दुचाकीची नाही तर घोड्याची सवारी करत आहात असं वाटतं म्हणून.
असो मी आपला पुण्याच्या बालवाडीत कूर्मगतीनं गाडी चालवायचे धडे गिरवत होतो आणि पुण्यात असल्यामुळं आपोआपच काहीतरी चिंतन व्हायचं.
मघाशी मी शिवकालीन इतिहासातील पुणेकरांचा संदर्भ दिला. अगदी त्रेतायुगाचा विचार केल्यास आपल्याला समजेल की हनुमान हा पुण्याचाच होता. कारण...
मघाशी मी शिवकालीन इतिहासातील पुणेकरांचा संदर्भ दिला. अगदी त्रेतायुगाचा विचार केल्यास आपल्याला समजेल की हनुमान हा पुण्याचाच होता. कारण...
'मनासी टाकिलें मागे गतीसी तुळणा नसे।
अणुपासोनी ब्राह्मण्डा एवढा होत जातं असे।'
असं समर्थांनी त्याचं वर्णन केलेलं आहे. आणि पुण्याच्या भरगच्च ट्राफिक मध्ये गाडी चालवणाऱ्यांच्या गतीची तुळणा आम्ही पामरांनी काय करावी ? आमच्या 'मनासी टाकिलें मागेच'!आणि 'ब्रह्माण्ड रुपापासून अणुएवढं'
अणुपासोनी ब्राह्मण्डा एवढा होत जातं असे।'
असं समर्थांनी त्याचं वर्णन केलेलं आहे. आणि पुण्याच्या भरगच्च ट्राफिक मध्ये गाडी चालवणाऱ्यांच्या गतीची तुळणा आम्ही पामरांनी काय करावी ? आमच्या 'मनासी टाकिलें मागेच'!आणि 'ब्रह्माण्ड रुपापासून अणुएवढं'
होऊन काही मायक्रो सेंटीमीटर मधून bike काढणे हे पुणेकरांनाच जमतं हो.
म्हणूनच तुकाराम महाराज म्हणतात 'येथे पाहिजे जातीचे। येरा गबाळाचे काय काम।'
ते जातिवंत लोक म्हणजे पुणेकरच हे एक येरा गबाळा तुम्हाला सांगतोय.
म्हणूनच तुकाराम महाराज म्हणतात 'येथे पाहिजे जातीचे। येरा गबाळाचे काय काम।'
ते जातिवंत लोक म्हणजे पुणेकरच हे एक येरा गबाळा तुम्हाला सांगतोय.
असो तेव्हा सांगायचा मुद्दा हा की सूक्ष्म रूप धारण करून सांद्री (किंवा खोपचा) मधून पसार होणे हे केवळ पुणेकरच करू शकतात. आणि म्हणूनच मारुती हा पुण्याचाच आहे. राम नाम घेऊन असलं काही होत नसतं.
'उत्तुंग आमुची उत्तर सीमा इंच इंच लढवू' या गाण्यातील इंच इंच लढवू या शब्दांचा अर्थ पुणेकरांशिवाय दुसऱ्या कुणालाही समजत नाही अजून. कारण गाडी चालवताना आजूबाजूला एक इंचभर सुद्धा जागा सोडणे हे पुणेरी बाण्यात नाहीच मुळी! पुण्यात असा एखादा फूटभर जागा सोडलेला गाडीस्वार दिसलाच एखादा तर
तो पुण्याचा नाहीच आहे. अश्या लोकांना पुण्यात 'इंचभर' पण किंमत नाही. तेव्हा पुण्यात तुम्हाला किंमत मागून मिळणार नाही, त्यासाठी तुम्हाला इंच इंच लढावं लागेल.
-©प्रणव देशपांडे
टीप:हा विनोदी विचार आहे तरी यावर वाद घालू नये.जर घातलात तर चवीनुसार पुणेरी/कोल्हापुरी भाषेत उद्धार होईल
-©प्रणव देशपांडे
टीप:हा विनोदी विचार आहे तरी यावर वाद घालू नये.जर घातलात तर चवीनुसार पुणेरी/कोल्हापुरी भाषेत उद्धार होईल
#पुणे #पुणेकर #मारुती #हनुमान #Pune #Punekar #PuneNews #fun #Commedy #Traffic #मराठी #Marathi #Mumbai #Nagpur
unroll @threadreaderapp
• • •
Missing some Tweet in this thread? You can try to
force a refresh
