Thread by @teguando1

1. My Delta people,una remember the Nana Olumo ,Jaja of Okpobo and Kosoko of Lagos?
Those ogbonge big men of yesterday, na because say them dey near river na him make dem business sweet,attract oyinbo and come make them get plenty money reach way we read about them for school

2. I hope una remember African Timber and Plywood (AT&P) for Sapele?
UAC form that company 25 years before our Independence in 1960 to process for Nigeria and for outside market ,bring forex and create job,but which people kill am? Na @OfficialPDPNig .
Una remember that company

3. For Oghara way dem dey discharge Salt too those days ?
The company employ a lot of our mama and papa ,na who kill the company ? @OfficialPDPNig .
Who sell Delta Steel Company for Aladja and kill am way thousands of people no come get work for Warri? No be @OfficialPDPNig ?

4. The only state for Nigeria way God bless and government built three sea ports for Nigeria ,na Delta State,abi?
But for 16yrs ,after @OfficialPDPNig don kill all our companies way employ our people by selling them to them friends through @atiku ,he come kill our ports patapata

5. Sapele port way dey bubble before and make our brothers be good sailors ,na Navy dey use am now as them base.
@atiku kill Warri ports because him kolorbi every port operations in Nigeria to him company,INTEL .
Una see how person greedy and wicked?
Now he say him wan become

6. Our presido for 2019,him chop witch ?
Abi him just look us for Delta State say we be uruwe?
As Second in Command to OBJ for 8yrs e sell everything way make us dey fit meet up as hardworking people.
My people we hear of freedom fighters b4 way work plenty for Warri,Sapele etc?

7. Una remember say oyinbo talk am say na person way no get work dey follow devil play ludo,abi ( idle mind is the devil's workshop)?
As @atiku kill all our jobs for Delta and Boyz no come get work,na so them begin play ludo with devil and militancy come become work till today.

8. Now @MBuhari don complete Ajaokuta - Itakpe - Warri Rail,dredge Warri and Escravos River and don give Warri Port to SIFAX Group to manage for business and commercial activities to boom for Warri .
Ship don land Udu River after how many years because of dredging.

9. My brothers and Sisters work go soon boku for our Delta State if we follow this our Presido enter him @TheNextLevelNG motor .
The man mean well for us and don show am.
@atiku don say him go sell NNPC as him sell ALSCORN ,Delta Steel etc if him enter as our Presido

10. I hope una remember how him sell a whole ALSCORN (Elephant) of $3.8b for Rat money of $250m.
Make una shine una eyes as @atiku fit sell @NNPCgroup for ant money.
E no go reach am do.
Make una talk to people about @MBuhari vision today and vote @MBuhari come 23rd of February.

God Bless Delta State!
God Bless Nigeria!!
I hail una o!!!