Thread by @Ehix07

POLITICAL-CIANS TRANSFER SEASON 3

THREAD

SARAKI: finally Sarakihino don finally dump e Mancity club(APC) & e quickly sign for Man-U(PDP). e talk say dem nor give am "juice appointment" for e former club,na e make am fashell dem. e new club (PDP) don quickly make am their captain & e na pilot now.We go soon know e skills

AHMED: Ahmed waka follow e oga dump e Mancity club(APC) & sign for Man-U(PDP).e 2 talk say e not like as dem take mention e name for one katakata wen happen for e club,say d thing touch am badly.But people wen get brain know say the man na anywhere in Oga Belle face,e go follow 2

ABDULLAHI: dis one na one of the Saraki kids. So long e Oga dump e club,dis Abdullahi too go follow am.not b today e start d follow follow and e not go still stop tomorrow.
Our prayer now b say make e not follow am go grave too.But we go hail am as e sabi e boy boy work well😭😭

TAMBUWAL: Tambuwal don follow dump e Mancity(APC) & sign 4 Man-U (PDP)
e talk say e not like as e former club take abandon e advice & request. But dt excuse nor sell at all because everyone know say e too get eye to play UCL(2019) next season.
We hear say e go wear no.9 4 e club

LADOJA: Nicolas Anelka LADOJA don dump e Man-U(PDP) again & e don sign for Liverpool(ADC).e talk say e not like as e former club dey run things,e b think say den don change but den still be goat wen go still shit black shit even if you carry am go Oyinbo
So e don move go new club

MAKARFI: D tory wen we dey hear say b like say Makarfi don dey get Belle pain,e complain say d way e club (PDP) Ogas dey run things now get as e b oo.Say make dem watch their back because dem wen build d club wen wahala dey not go open eyes see new comers put sand 4 dem garri o😭

PDP : PDP talk say na d club fans(NIGERIANS) go help dem select thier first 11 and go also choose who go be their top striker. Say na anybody d fans want go b their number 9😆😆.if you believe dis their tory,na e b say u too join those people wen use salt baff during ebola time😂

KWANKWASO: dis man wen den say e sabi d game well 4 e side don dey use style tel e club how 2 win(2019).e tell e club say if dey really wan win,say make dem pick their top striker from any player wen come from South America(K-States) say if dem pick another striker,e go hard oo😆

ATIKU: Nicolas Anelka ATIKU,tory wen our aproko ear dey hear say e club(PDP) don drop am go fielders team.den talk say e not go fit b thier top striker as e na injury player,though e club don deny dt tory.but d hand writing dey wall.if na true,dem nor do our E-PRESSIDENT well😭😭

SHEHU SANI: dis man don NEYMER all e SE and Saraki fans. After d guy don pass medical for e new club,d bro refuse to sign deal. E don come out talk say e not dey dump e club ooo say anybody wen not like am like dt,make e go treat himself.For now no more jackals & hyenas message😆

DOGARA: tory wen dey come talk say dis bros transfer matter don get K-leg even though e pass medical,but 2 get work permit from e home country(Bauchi) not easy for am oo
So 4 now,a bird wen dey hand better pass 10 wen dey bush ooo. So e transfer dey pending but we go soon know😆

OYEDEPO:Na dis guy but dey supervise e home team for e club (PDP) for Kwara. But as soon as e club sign Saraki, e quickly dump e club say e and Saraki not fit play for d same club because Saraki na Snake and ready to bite both e friends and enemies😭😭😭

WAMMAKO: dis bros just tell e club(APC) say make dem not worry say one of their top striker(Tambuwal) dump d club.e talk say d boy na up coming artist wen not no anything. E talk say waiting elders dey see for ground,a child not fit see am even if e climb iroko tree.
eyes on him

AKPABIO: Skysport dey report say dis guy wan dump Man-U(PDP) club & sign 4 Mancity(APC).den even say e don do medical,but na only personal terms come remain. Once personal terms agree on e fit sign.but dis info na still rumour because dis bros na top striker & 2 sign am go high

Till we come una way again,make God continue to butter una bread

END OF MISSIONARY JOURNEY ✌

@threadreaderapp unroll