Todas, ou case, gostamos das luces do nadal. O debate en #Vigo non é ese. A cousa é que o destello do aparente non nos cegue. ABRO FÍO ⬇️
En Vigo sempre houbo luces. Até a crise de 2007-2008, eran financiadas maiormente polos comercios. Daquela o Concello decidiu asumir un maior investimento para estimular as compras nun momento no que eran moitos os estabelecementos en risco de feche.
A cuestión polo tanto, como en todo o que ten a ver co diñeiro público, é CANTO gastarmos en luces e adornos. Caballero destinará entre 1,5 e 2 millóns, porque ao orzamentado (case 1 millón 400 mil), engádense outros gastos a costa doutras partidas e contratos menores...
Para medir o que supón: Só o orzamentado supón gastar un 20% máis en luces e adornos do que se inviste no 👩🔧Plan de Emprego Municipal en todo 2019 (nunha cidade con 25 MIL paradas/os). E equivale case ao gasto de manter abertas 8 escolas infantís 👶 municipais todo o ano!!
Para 2020 o orzamento 💶que fixou é PSOE é inda maior. Por iso o BNG presentamos emendas para reducir as partidas e destinar máis recursos a políticas sociais. Se en algo é fundamental PRIORIZAR é no gasto público. Hai quen prefire dilapidar en fanfarria, nós non.
Sobre o presunto retorno económico para a cidade primeiro dicir que o Goberno municipal non deu un só 📈dato oficial. A realidade é que unha cidade con 4500 prazas hoteleiras dificilmente pode recibir 2 millóns de visitas nun mes e pouco. Menos inda 3 millóns!
Iso sería tanto como que toda a poboación galega viñese ver as luces de #Vigo e máis visitantes que os que recibiu o Museo do Prado en Madrid durante todo 2018. É claro que é todo propaganda esaxerada para maior autobombo. 
Que sabemos en realidade do impacto económico? Pois que o ano pasado os comercios dos barrios (p.ex. Teis, Travesas ou Calvario) facturaron entre o 20 e un 30% menos. Normal, se concentras as visitas no centro... 🤔
E en emprego? Pois as cifras do paro rexistrado de decembro de 2018 recollen que se crearon en Vigo... Tachán tachán: só 483 empregos. Pero en xaneiro destruíronse 593 😮. Eses son os datos oficiais.
En resumo: quen cuestionamos o gasto desmesurado no nadal vigués, que só responde ao afán propagandístico de Caballero, non somos grinchs. Simplemente cremos que o diñeiro das viguesas e vigueses debera usarse para atender as necesidades REAIS da cidade. Que tolería, non?
FIN
FIN
P.S.: A irracionalidade da tolemia nadalenca ten tamén un claro impacto ambiental. Non só polo consumo eléctrico senón tamén pola contaminación lumínica e o seu impacto no medio natural, a principiar polas Cíes, como alertan desde hai tempo as expertas.
