Thread by @daitha12

Just for FUN!

ప్రియమైన నా భారత ప్రజలారా..

మరి మీ అందరికోసం 8వేల మైళ్ళు ప్రయాణం చేసొచ్చేనని మీ అందరికీ తెల్సు..!!!

మధ్యలో డీజిల్ కొట్టించుకోడానికి దుబాయ్ బంకులో ఆగినప్పుడు మోడీ బావగారికి గిఫ్టిద్దాం కదాని 'సరుకు' కోసం వాకబు చెయ్యబోతే మా ఆవిడ మెలానియా అంది.. 'మా అన్నయ్యగారు

అరుకు తప్ప సరుకు పుచ్చుకోరు.. మీలాగా పాడు అలవాట్లేమీ లేవని..' తెగ ఆశ్చర్యపోయేను నేను..

ఎనీవే బాగారూ.. వెల్డన్.. కీపీటప్.. 👏👏🙌

యే మాటకామాట చెప్పుకోద్దూ..

ఇండియాలో దిగాకా మటుకు మీరు వెల్కం చెప్పిన విధానం పద్ధతులూ చూసి నిజంగా చాలా సిగ్గేసిందండీ.. మీరు మా వైపొచ్చినప్పుడు మేము

ఇంతలా చూసేమేంటండీ అసలూ.. !! ఆ వస్తే రానీయ్ అని ఏదో మొక్కుబడి పలకరింపులూ, మా తెల్లింటికొచ్చారు కదాని తప్పనిసరి జాకిట్టు ముక్క వాయినాలు తప్ప ఈ మర్యాదరామన్న సంప్రదాయాలవీ మాకేం తెల్సని..??

అందుకే మా ఇవాంకా ఎప్పుడూ అంటాది.. "ఏదేవన్నా ఆళ్ల మర్యాదలే వేరు డాడీ" అని..

రోడ్డు పొడుగునా, స్టేడియంలోనూ ఆ జనమేంది సామీ అసలు.. ఆళ్లలా ట్రంపూ ట్రంపూ అనరుస్తా ఉంటే.. మా అల్లుడికింకోలా ఇనబడి "దీని మమ్మీ భడవా ఏందిరా ఇది.. మాంగార్ని పిలిచి ఇట్టా ర్యాగింగ్ సేస్తా ఉండారు.." అని ముందు తుళ్ళిపడినా గానీ తర్వాత అది నా పేరే అని తెలివొచ్చి వాని మొకముమీదకి

చిరునవ్వొచ్చి చేరినాది..

ఇవి చాలక మధ్య మధ్యలో ఆర్కెస్ట్రాలూ డ్యాన్సింగులూ కూడానూ.. యేమాటకామాట.. మా ఇవాంకా పెళ్ళికి పెట్టించిన ఫుల్ బ్యాండ్ పార్టీ కంటే ఇదే బాగుందబ్బా.. ముఖ్యంగా 'ఆకాశంలో ఒక తారా' రికార్డుకి డ్రమ్స్ ఎవరో కానీ బాగా కొట్టేడు కుర్రోడు.. కారు ఆపి కాసేపు విందామకున్నా.

అయితే సడెన్గా బ్రేకేస్తే వెనకాలే వస్తన్న ఇన్నోవా కారోడు ఎక్కడ కొట్టేస్తాడోనని ఆపడం కుదర్లేదు.. అందుకే నా తరఫున ఓ వంద చదివించమని మోడీ బావగారికి చెప్పేను..!!

ఇక భోజనాలు.. అబ్బబ్బబ్బా.. మా పెద్దన్నియ్యలు క్లింటనూ, బుష్షూ ఎప్పుడూ ఓ మాట చెప్తా ఉండీవోరు.. తమ్ముడూ నువ్ ఇండియా గనక

వెళ్తే ఓ అయిదుకేజీలు బరువు పెరక్కుండా ఇంకో పదికేజీలు లగేజీ తెచ్చుకోకుండా వెనక్కి రాడం కష్టంరా అని.. అదిప్పుడు తెలిసొచ్చింది..

ఏం టేష్టూ.. ఏం టేష్టూ.. కాకినాడ కోటయ్య కాజాలో పాకం కోటు మీదకి ఒంపుకోకుండా తినడం ఎంత కష్టమో ముక్క కొరికాకాగానీ అర్ధం కాలేదు..

ఇన్నాళ్లూ చిన్నచూపు చూసేనుగానీ.. కోడిగుడ్లూ చేమదుంపల పులుసు అద్భుతః అసలు.. మసాలా కూరిన వంకాయజీడిపప్పు రుచి తక్కువా.. అబ్బే.. సమస్యే లేదు..!! అంటారుగానీ.. ఎంతైనా ఆవు పెరుగుకంటే గేదె పెరుగే కమ్మగా ఉంటాదని మరోమారు తెలిసొచ్చింది మా యమ్మికి.. మీటింగులో అప్పటికప్పుడు కుంపటి

మీద కాల్చి ఇచ్చిన మొక్కజొన్నపొత్తులు, అల్లం వేసిన టీ.. దేనికవే సాటి అనుకోండి.. మాటల్లేవంతే.. !!

అన్నట్టు వెళ్లేప్పుడు ఓ రెండుజాడీల ఆవకాయ పెట్టిస్తాన్నారు నిర్మలా వదినగారు.. ఫ్లయిటులో నూనె కారకుండా జార్తగా సర్దించమని చెప్పాలి అమిత్ బావగార్ని..

మరేదయితేనేం..

వచ్చిన పన్లన్నీ ఐపోవచ్చాయ్ గనక..

ఇంకా రాస్తే లెంగ్తెక్కువవ్వుద్ది గనక..

మరింత బాగా చూస్కుంటున్న మీ మైత్రిబంధం మాతో చిరకాలం ఇలాగే డైలీ సీరియల్స్ లాగా నిలిచిపోవాలని కోరుకుంటూ.. ఇక దిగడతామండి మరి..