Thread by @YussufMwinyi

#NenoTokaMwambao Baada Asili na Chimbuko la Kiswahili , nitaeleza kwa muhtasari matatizo ya lugha, katika tahajia, matamshi, maana na matumizi yake

@TilasMusa @EugeneOngeri @franckluyz_2012 @ishaqearly @ayogo_do @LucyM50876035 @mlimakenya @yosefu_jk @DaudiMuya1 @OmwanaOmageto

Nitatoa mifano ya mikanganyiko kilugha na kupendekeza njia bora ya kukitumia Kiswahili na kwa ufasaha.

Fikiri, dhani:
Ijapokuwa maneno haya yanafanana, hayatumiki kama visawe, yana Tofauti. kufikiri ni kutumia akili ili kutatua jambo pia kutafakari au kuwaza. Kudhani ni kufikiri bila kuwa na uhakiki.

Gharamia, Gharimia:
Maneno haya yanatokana na neno gharama (nomino). Kitenzi chake ni ghar-I mia sio ghar-A-mia.

Hoteli, mahoteli:
Haya ni maneno yaliyokopwa kutoka neno ‘hotel’ la Kiingereza. Kwa misingi sahihi ya kisarufi hatuna wingi wa hoteli. Kwa hiyo kiambishi ma hakitakiwi. Hivyo sahihi ni hoteli kwa umoja na kwa wingi na wala si ‘mahoteli

Hovyo, ovyo:
Wanaotumia neno hovyo, hasa wapwani, kwa muktadha wa Kiswahili sanifu(sio kilahaja) wanakosea. Neno sahihi ni ovyo.

Hauhusiki; hautaki
Maneno hayo sio kiswahili, Sahihi ni kuandika au kutamka huhusiki; hutaki

Digiti na Dijitali
Haya maneno mawili yanatokana na neno la Kiingereza ‘digit’. Neno hili ni nomino na kwa kawaida tunatohoa nomino badala ya kitenzi, kivumishi au kielezi. Kwa msingi huo neno sahihi ni ‘digiti’ badala ya digitali ambalo linatokana na ‘digital’ ambalo ni kisifa

Baadaye na baadae
Neno sahihi hapa ni baadaye

Aidha sio Either /or ama, au ;
neno aidha lina maana ya tena, basi, zaidi ya hayo, vilevile, n.k.
Wanaokosea kulitumia ni wale wenye misingi ya Kiingereza wanaofuata mtindo wa kutumia ‘either … or ’

Mtaona kuwa baadhi ya maneno yanakwenda kinyume na mazoea na mafunzo ulio nayo. Shika haya ndio sahihi