Thread by @DabeerHijazi

صفاتِ ذاتی جن کی ﷲ تبارک و تعالیٰ کی ذات مقدسہ سے جدائی محال و ناممکن ہے، ان میں سے علم، قدرت، بصارت جبکہ صفات فعلیہ میں سے تخلیق کی طرف قرآن مجید میں کل شیء (ہر شے) کی نسبت کی گئی ہے. بظاہر ہر صفت کو ہر ہر شے سے متعلِّق بتایا جا رہا ہے لیکن درحقیقت ان میں سے ہر صفت کا دائرہ کار

الگ ہے، ہر ہر شے ان میں سے ہر صفت کی متعلَّق نہیں ہے، متکلم اسلام احمد رضا خان بریلوی اپنی تصنیف "سبحان السبوح عن عیب کذب مقبوح" میں لکھتے ہیں:
"1: خلاق کبیر جل و علا فرماتا ہے: خالق کل شیء فاعبدوہ وہ ہر چیز کا بنانے والا ہے تو اسے پوجو. یہاں صرف حوادث مراد ہیں کہ قدیم

یعنی ذات و صفاتِ باری عزمجدہ مخلوقیت سے پاک (ہیں).
2: سمیع و بصیر جل مجدہ فرماتا ہے انہ بکل شیء بصیر وہ ہر چیز کو دیکھتا ہے. یہ تمام موجودات قدیمہ و حادثہ سب کو شامل مگر معدومات خارج یعنی مطلقاً یا جس چیز نے ازل سے اب تک کسوتِ وجود نہ پہنی نہ ابد تک پہنے.

کہ ابصار کی صلاحیت موجود ہی میں ہے، جو اصلا ہے ہی نہیں وہ نظر کیا آئے گا؟
3: قوی قدیر تبارک و تعالیٰ فرماتا ہے وھو علی کل شیء قدیر وہ ہر چیز پر قدرت والا ہے. یہ موجود و معدوم سب کو شامل بشرطِ حدوث و امکان کہ واجب و محال اصلاً لائقِ مقدوریت نہیں.

: علیم خبیر عز شانہ فرماتا ہے وھو بکل شیء علیم وہ ہر چیز کو جانتا ہے. یہ کلیہ واجب و ممکن و قدیم و حادث و معدوم و مفروض و موہوم، غرض ہر شے و مفہوم کو قطعاً محیط جس کے دائرے سے اصلاً کچھ خارج نہیں، یہ ان عمومات میں سے ہے جو عمومِ قضیۂ ما من عام إلا وقد خص منہ البعض" سے مخصوص ہیں."

پھر مزید وضاحت فرمائی:
" اب دیکھیے لفظ چاروں جگہ ایک ہے یعنی کل شیء مگر ہر صفت نے اپنے ہی دائرے کی چیزوں کو احاطہ فرمایا، جو اس کے قابل اور اس کے احاطہ میں داخل تھیں."

ﷲ پاک محقق بریلوی کے فہمِ قرآنی میں سے ہمیں بھی حصہ عطا فرمائے.

#محقق_بریلوی
#عرس_امام_احمدرضاخان