Thread by @DabeerHijazi

تصوف جو حدیثی اصطلاح "احسان" کا ہی دوسرا نام ہے ہمیشہ سے علمائے اسلام کا موضوعِ بحث رہا ہے، اس کی تائید میں دلائل، معترضین کے اعتراضات کا شافی جواب دینے کے علاوہ بطورِ خود ہی اس پر تنقید کا عمل بھی جاری رکھا، تصوف کے پردے میں اپنی خواہشات نفسانی کو پھیلانے اوکے جعلی صوفیا کو سب

سے پہلے خود اہلِ تصوف ہی مردود و نامقبول ٹھہراتے ہیں.
چودھویں صدی کی عظیم روحانی و علمی شخصیت مولانا احمد رضا خان بریلوی نے بھی اپنی تصانیف میں جا بجا بناوٹی صوفیوں کے نظریات کی خبر کی ہے، ایک رسالہ خاص اسی موضوع پر بنام "مقال عرفاء باعزاز شرع و علماء" لکھا.

اپنی تصنیف "اعتقاد الأحباب" میں شریعت و طریقت کی وضاحت اور ان کے مابین تعلق کو واضح کرنے کے علاوہ جعلی صوفیوں کی خبر لیتے ہوئے فرماتے ہیں:
"شریعت غذا ہے اور طریقت قوت، جب غذا ترک کی جائے گی قوت آپ زوال پائے گی. شریعت آنکھ ہے اور طریقت نظر، آنکھ پھوٹ کر نظر غیرمتصور."

بعض جاہل کو خود کو اہلِ طریقت بولتے ہوئے شرعی ذمہ داریوں سے خود کو آزاد سمجھتے ہیں انہیں سمجھاتے ہیں:
"شریعت و طریقت دو راہیں متبائن نہیں، بلکہ بے اتباعِ شریعت خدا تک وصول محال.
شریعت تمام احکامِ جسم و جان و روح و قلب و جملہ علومِ الہیہ و معارفِ نامتناہیہ کو جامع ہے جن میں سے ایک

ایک ٹکڑے کا نام طریقت و معرفت ہے و لہذا باجماعِ قطعی جملہ اولیائے کرام کے تمام حقائق کو شریعت مطہرہ پر عرض کرنا فرض ہے، اگر شریعت کے مطابق ہوں حق و مقبول ہیں ورنہ مردود و مخذول. "

بعض جاہل کہتے ہیں کہ شرعی احکام خدا تک رسائی کا راستہ و ذریعہ ہیں اور راستے کی حاجت راہی کو نہ کہ اسے کو منزل تک پہنچ چکا ہے، ایسوں کے زعم باطل کی تردید کرتے ہوئے محقق بریلوی فرماتے ہیں:
"بعد از وصول اگر اتباعِ شریعت سے بے پروائی ہوتی تو سید العالمین ﷺ اور إمام الواصلين علی

کرم اللہ وجہہ الکریم اس کے ساتھ أحق ہوتے.
نہیں! بلکہ جس قدر قرب زیادہ ہوتا ہے شرع کی باگیں اور زیادہ سخت ہوتی جاتی ہیں."
اسی بات کو ایک مثال کے ذریعے اپنی تصنیف مقال عرفاء میں بیان کرتے ہیں کہ" آخر نہ دیکھا کہ سید المعصومين رات رات بھر عبادات و نوافل میں مشغول رہتے اور کارِ امت

کا لیے گریاں و ملول رہتے، نماز پنجگانہ تو حضور پر فرض تھی ہی، نماز تہجد کا ادا کرنا بھی حضور ﷺ پر لازم بلکہ فرض قرار دیا گیا، جب کہ امت کے لیے وہی سنت کی سنت ہے."
پھر آخر میں وصول الی اللہ کا صحیح راستہ بتاتے ہیں کہ" خلق پر تمام راستے بند ہیں مگر وہ جو رسول ﷲ ﷺ کی نشانِ قدم کی

پیروی کرے (جیسا کہ شیخ سعدی فرماتے ہیں)
خلافِ پیمبر کسے رہ گزید
کہ ہر گز بمنزل نہ خواھد رسید
(جس کسی نے پیمبر ﷺ کے خلاف راستہ اختیار کیا ہرگز منزلِ مقصود پر نہ پہنچے گا)."

موجودہ دور میں بقیہ سبھی شعبوں کی طرح' خود کو حاملینِ تصوف و وارثینِ صوفیا کہلانے والوں میں بھی بہت سی

نظریاتی اور عملی خرابیاں در آئی ہیں تو اس کا حل بھی تعلیماتِ نبویہ اور حقیقی اہلِ تصوف مثلِ امام غزالی، قشیری، ہجویری، شعرانی و بریلوی وغیرہم کے فرمودات کی روشنی میں ہی تلاش کیا جائے گا نہ یہ کہ تصوف کا ہی انکار کر دیا جائے.

#محقق_بریلوی
#اعتقاد_الاحباب
#مقال_عرفاء