#स्थलांतर
#आत्महत्या
#विकास
#मराठवाडा_खान्देश_विदर्भ
#नक्षलवाद
शाळेत असताना आपल्याला 'कोलंबसाचे गर्वगीत' हि कुसुमाग्रजांची कविता कधीतरी अभ्यासाला होती. त्या कवितेतील खवळलेल्या महासागराला आव्हान देणाऱ्या शेवटच्या दोन ओळी माझ्या अंतर्मनाला नेहमीच स्पर्श करतात;👇
#आत्महत्या
#विकास
#मराठवाडा_खान्देश_विदर्भ
#नक्षलवाद
शाळेत असताना आपल्याला 'कोलंबसाचे गर्वगीत' हि कुसुमाग्रजांची कविता कधीतरी अभ्यासाला होती. त्या कवितेतील खवळलेल्या महासागराला आव्हान देणाऱ्या शेवटच्या दोन ओळी माझ्या अंतर्मनाला नेहमीच स्पर्श करतात;👇
अनंत आमुची ध्येयासक्ती,अनंत अन आशा, किनारा तुला पामराला! निसर्गावर मात करण्याची जिद्द मनात चेतवणाऱ्या या ओळी दुष्काळासमोर हाय खाणाऱ्या मराठवाड्यातील पोरांच्या डोळ्यातले अश्रू बघितले कि या कोलंबसाच्या गर्वगीताकडून ८०-९० सालच्या दुःखद गीतांकडे मोर्चा न्यावासा वाटतो.👇 
आणि मग "पराधीन आहे जगती पुत्र मानवाचा" हे अवतरण अधिकच पटायला लागते. मराठवाडा,खान्देश,विदर्भ या भागातील दुष्काळी प्रदेशातील हजारो मुलं-मुली पुण्या-मुंबईसारख्या शहरात जीवाचं रान करताना दिसतात.पण आम्ही पुण्या-मुंबईची पोरं कधी हा विचार करतो का कि;👇
आपलं गाव-गणगोत सोडून शहरात येऊन टाचणीच्या टोकावरच टोचणारं आयुष्य का स्वीकारत असतील हि विशी-पंचविशीतली मुलं-मुली? मित्रांनो माझ्या मते याचा शहर आणि गाव या चौकटीपलीकडे विचार करण्याची वेळ आता येऊन ठेपली आहे. आजवर आपल्या नेतेमंडळींनी 'विकास' या शब्दाचा सरळ अर्थ समजावून सांगितला👇
मात्र याच सरळ विकासाची उलट्या हाताची सणसणीत चापट आपल्या थोबाडावर बसत आली आहे.हे सगळं पाहिलं कि आधुनिक जग,एकविसावं शतक,जागतिकीकरण,शासनाचं सर्वसमावेशक विकासाचं धोरण,बाया-बापड्यांचे सुखी राहा म्हणणारे पाठीवरचे हात, हे सगळं एका क्षणार्धात निरर्थक वाटायला लागत.👇
माझं आपण ट्विटरवर असणाऱ्या समस्त मराठी मंडळींना अगदी कळकळीच निवेदन आहे कि; आपण या मुलामुलींना आपल्या वैयक्तिक पातळीवर का होईना थोडी थोडकी मदत करत राहुयात. हि मदत आर्थिकच असायला हवी असे काही नाही. शासनस्तरावर असेल, मानसिक आधाराच्या स्तरावर असेल,शैक्षणिक स्तरावर असेल👇
किंवा अगदी कौटुंबिक पातळीवर असेल पण या काठावर उभ्या असणाऱ्या आपल्याच मराठी भावा-बहिणींना आपण अलगदपणे आपल्या मिठीत घ्यायला हवं. कारण मित्रांनो या कोरड्या आणि सुट्या सुट्या झालेल्या काळ्या मातीच्या लेकरांना एकदा का, आपल्या प्रेमाचा ओलावा मिळाला कि मग बघाच हीच लेकरं पुन्हा👇
एकदा स्वतःच्या जमिनीशी कशी घट्ट बांधली जातात ती. कारण या लेकरांना ओलावा कशाशी खातात हेच माहित नाही हो. सततच्या कडक उन्हामुळे हवेत रानोमाळ भरकटलेले काळ्या मातीचे कण पावसाचा हलकासा शिडकावा होताच जसे पुन्हा जमिनीच्या कुशीत शिरतात अगदी तसेच समाज,शासन, यांच्या प्रेमाच्या👇
शिडकाव्याची या आपल्या भावा-बहिणींना आज नितांत गरज आहे. आपण सगळे मिळून त्यांची हि गरज भागविण्याचा प्रयत्न तर नक्कीच करू शकतो.म्हणूनच हे आव्हान करण्याचा माझ्याकडून छोटासा प्रयत्न.
• • •
Missing some Tweet in this thread? You can try to
force a refresh
