Thread by @MarathiDeadpool

ADM, Bunge, Cargill, Dreyfus अर्थात ABCD या चौघी जागतिक पटलावर बड्या खेळाडू आहेत.अन्नधान्य आणि खाद्यपदार्थ बाजारात ८० ते ९० टक्के हिस्सा या चौघींकडे आहे.
आत्ता परवाच्या वर्षी त्यांनी Glencore agri ltd आणि COFCO ला सोबत घेतलं.
आपण आणि आपले नवीन कायदे कुठं आहोत यात? #थ्रेड #म

“This effort is growing, and the reason is clear: we’re offering clear and tangible benefits for the industry, created by the industry,” असं त्या कंपन्या म्हणाल्या.

पोस्ट हार्वेस्टिंग चेन मध्ये टेक्नॉलॉजी वापरून क्रांतिकारक बदल आणि पारदर्शकतेसाठी हे सुरू असल्याचं त्या म्हणतात.

Archer Daniels Midland अर्थात ADM.
गेले शतकभर ही कंपनी अन्नधान्य सप्लाय उद्योग करते. जवळपास २०० देशातून ४५० ठिकाणाहून खरेदी होते..त्यांच्या ट्रान्सपोर्ट नेटवर्किंग द्वारे ते जगभर पोहचते.याकामी ४०हजार एम्प्लॉय, ६०भर इनोव्हेशन सेंटर आणि साडेतीनशे फूड आणि फीड बनवणारी सेंटर आहेत.

Bunge Ltd.
१८१८ ला जन्मलेली..हिचं हेडक्वार्टर आहे NY ला. जगभरात जवळपास तीसेक हजार एम्प्लॉय आहेत हिचे. ऑइलसीड आणि ग्रेन्स यांचं काढणीनंतर नियोजन करते ही. ७० हजार शेतकऱ्यांकडून पीक घेते आणि जगभर आपल्या नेटवर्कद्वारे पोहचवते. साडेतीनशे पोर्ट टर्मिनलवरून पॅकेजिंग सेवा असते हिची.

Cargill ltd.
जवळपास दीडेकशे वर्ष ही कंपनी काम करते agril आणि मार्केटिंग क्षेत्रात.७० देशातून दीड लाख कर्मचारी राबतात हिच्या हाताखाली.सव्वाशेहुन जास्त देशात हिचे ग्राहक आहेत.शेतकऱ्यांना मार्केटशी आणि ग्राहकाला अन्नाशी गाठ घालून देणे हे कर्तव्य मानते ती.सेफ नरीशिंग हे काम मानते ती.

Louis Dreyfus ltd.
१८५१ पासून ही कंपनी हे उद्योग करते. इकडून घ्यायचं - इकडे द्यायचं. Grains & Oilseeds, Coffee, Cotton, Juice, Rice, Sugar इ. अन्नधान्याचा बाजार करते ही. एका वर्षभरात जवळपास ५०० मिलियन लोकांना ८० मिलियन टन अन्नधान्य पुरवते ती. यासाठी शंभरेक देशात १८ हजारजन राबतात.

COFCO int ltd.

चायनीज कंपनी आहे ही. पन्नासेक देशात व्यापार करते ही. ३५ देशातून ११००० लोकं राबतात हिच्यासाठी. आत्ता २०१८ ला १०० मिलियन टन कमोडिटीज पुरवल्या हिने.. $ ३१ बिलीयन एवढा महसूल गोळा केला हिने.
विशेषतः अमेरिका आणि युरोप खंडात हि व्यापार उदीम करते.

Glencore ltd.

३५ देशांत तेरा हजार एम्प्लॉय आहेत हिचेही.. इतरांसारखं ही ही तेच उद्योग करते.

वर सांगितलेल्या सगळ्या कंपन्या कमीजास्त प्रमाणात origination, handling, processing and marketing हाच उद्योग करतात. थेट शेती या करत नाहीत. तरीही जगाच्या ८० ते ९० टक्के पुरवठा या करतात.

आपल्या भारतात नवीन कृषी कायद्याची धडपड ही यासाठी सुरू असण्याची शक्यता नाकारता येत नाही.
जागतिक कार्पोरेटला भिडण्यासाठी भारतीय कंपन्यांचे हात बळकट करावे लागतील.. ते हात अदानी, अंबानीचे आहेत कारण तेच कार्पोरेट मध्ये मोनोपॉली बनवून ठाण मांडून बसलेले आहेत.

भारतात येऊ घातलेल्या लाखो कोटी डॉलरची गुंतवणूक ही शेती क्षेत्राला संजीवनी ठरू शकते पण त्याअगोदर शेती क्षेत्र हे कार्पोरेटला जोडण्याचे ध्येय गाठण्यासाठी हे कायदे सरकारने आणल्याचं दिसतं.कारण भारतातील शेती तुकडीकरनामुळे थेट गुंतवणूक येथे शक्य नाही दुसरीकडे कार्पोरेटला जमीन ही मिळेल.

गुंतवणुकीला लागणारी जमीन शेतकऱ्यांकडून जबरदस्ती घेऊ शकत नाही.त्यामुळे शेतीच पिकवण्यासाठी लायक नाही ठेवली तर शेतकरी जमिनी विकतील. त्यातून कार्पोरेटला जमीन आणि उद्योगात राबण्यासाठी स्वस्त मनुष्यबळ हे दोन्ही उपलब्ध होईल हाही तर्क असू शकतो.त्यामुळेच MSP ची अट मान्य होताना दिसत नाही.

वर उल्लेखलेल्या कंपन्यांची जोखीम क्षमता, साठवणूक क्षमता, वाहतूक व्यवस्था आणि सर्वात महत्वाचं किंमती मॅनिप्युलेट करण्याची ताकद या सगळ्यामुळे अन्नधान्य बाजारात या कंपन्या स्वस्त धान्य विकू शकतात.. त्यामुळे इतर लहानसहान शेतकरी यांच्यासमोर टिकाव धरत नाहीत. आफ्रिकन देशात हेच झालंय.

आपल्यात दर पाच वर्षात येणारी निवडणूक आणि त्यामुळे अपवादाने येणारे नवीन सरकार यातील धोरणसातत्य राखू शकत नाहीत. आत्ता आलेलं सरकार यांच्याकडे कुठल्याही क्षेत्राबाबत कुठलेही धोरण निश्चित नाही.. मागच्या सरकारचा धोरण विरोध हेच एकमेव धोरण गेली ७ वर्ष देश अनुभवतोय.

या सगळ्या घडामोडींचा सुज्ञांनी अर्थान्वय मांडायला हवा. वर सांगितल्याप्रमाणे या कंपन्यांची मोनोपॉली एकदा का तयार झाली की बाजारातील विविधता आणि ग्राहकांचे निवड स्वातंत्र्यही धोक्यातच येणार आहे.
सदरचे कायदे निर्माण करताना या सगळ्याचा सारासार विचार झाल्याचं दिसलंच नाही.

हल्लीचे कायदे काही प्रमाणात योग्य होते..पण त्यामागील हेतू दृष्ट असल्यानं आणि त्यातील सुरक्षिततेला कायद्याचं अधिष्ठान नसल्याने सरकारने जंगजंग पछाडूनही शेतकरी बधले नाहीत.
आत्ताचे कायदे लोकशाही मार्गाने संसदेत साधकबाधक चर्चा घडवून पास करावेत तरच ते जनताही आपलेसे करील.

मी म्हणेल तीच पूर्वदिशा हा अहंभाव काहीकाळ ठीक..इतर सहकारीही तो अहंभाव फारकाळ खपवून घेणार नाहीत..हे NDA तील घटकपक्षांनी दाखवून दिले आहे.
तुमच्या पूर्वाश्रमीच्या कृतज्ञतेची वाहवा वर्तमानात ठीक पण तुम्ही तेच गुगळत बसलात तर भविष्यकाळ स्वतः नियतीच्या रूपाने सूड उगवल्याशिवाय रहात नाही.

समाजात तेढ-दुही बद्दल ही तेच होऊ शकतं.दुसऱ्याचं तोंड काळे करण्यापूर्वी आपले हात काळे होतात हा धडा आहे सरकारला.त्यातून बोध नाही घेतला तर काळवंडून गेलेला चेहरा स्वतःची पत तर ढासळवेलच आणि त्यावेळी तुम्ही कुठल्याही धर्माचे रक्षक म्हणवून जरी घेतले तरी जनता त्यास केराची टोपली दाखवेल.❤️

@Omkara_Mali @SahilVastad @DrVidyaDeshmukh @Nilesh_P_Z