तुम्ही कितीही गहिवरून, काहीही लिहिलं तरी भाषा माणसांसाठी असते, माणसं भाषेसाठी जन्मत नाहीत. कितीही गोड वाटलं तरी अमुक भाषा बोलतो म्हणजे काहीतरी दैवी भाग्य आहे वगैरे भूलथापा आहेत. भाषा या माणसांच्या जीवावर जगतात. त्या माणसांच्या डोक्यात जन्मतात. माणसांच्या डोक्यात वाढतात. आणि
बोलणारी-लिहिणारी माणसे संपली की नष्ट होतात. इंग्लिश जगावर राज्य करू लागली, त्यासाठी ब्रिटिशांचा आर्थिक, राजकीय आणि सांस्कृतिक दिग्विजय जबाबदार आहे. आज अमेरिकन इंग्लिश डिजिटल जगावर राज्य करते त्याला अमेरिकेच्या तंत्रज्ञानाची ताकद कारणीभूत आहे.
भाषा अमर नसतात. भाषाही मर्त्य असतात.
भाषा अमर नसतात. भाषाही मर्त्य असतात.
भाषा जन्म घेतात, मोठ्या होतात, दुसऱ्या भाषांना कवेत घेतात, काळानुसार बदलतात, म्हाताऱ्या होऊन सडत जातात आणि कालांतराने मरतात देखील! इतिहासातल्या अनेक संस्कृती आणि सभ्यता त्यांच्या भाषांसकट नामशेष झाल्या आहेत. म्हणूनच आपल्या मातृभाषेवर भलतं प्रेम, अप्रूप किंवा अभिमान या गोष्टी
मनाला मऊ-मुलायम-मजेच्या वाटल्या तरी त्या बुद्धीच्या शास्त्रकाट्यावर तोलल्या की हास्यास्पद वाटू लागतात!
मराठी भाषेचं आयुष्य वाढवायला सरकारी पैशाच्या खिरापती मागत एकत्र जमून संमेलनांच्या जत्रा भरवणाऱ्या थेरड्यांपेक्षा आज मराठी माणसाच्या हाती आलेल्या स्वस्त स्मार्टफोनच्या तंत्राचा
मराठी भाषेचं आयुष्य वाढवायला सरकारी पैशाच्या खिरापती मागत एकत्र जमून संमेलनांच्या जत्रा भरवणाऱ्या थेरड्यांपेक्षा आज मराठी माणसाच्या हाती आलेल्या स्वस्त स्मार्टफोनच्या तंत्राचा
आणि त्यावरच्या गुगल इंडिक कीबोर्डसारख्या सुविधांचा जास्त महत्त्वाचा वाटा आहे. भाषा पताका, तोरणं आणि दिंड्या काढायची गोष्ट नसते. भाषा ही पायताणासारखी उपयुक्त असते. दिंड्या-पालख्या-झेंडे-पताका हा भपका असतो. पायातली चप्पल ही उपयुक्त असते! भाषा ही देव्हाऱ्यात पुजायची, खांद्यावर घेऊन
नाचायची आणि तिच्या आरत्या करायची गोष्ट बनवणारे एकतर भावनेत वाहून गेलेले मूर्ख असतात किंवा ठराविक राजकीय हेतूने तसे कपट मांडणाऱ्या दुष्ट प्रवृत्तीचे असतात.
अशांच्या नादी लागून भाषा नांवाची उपयुक्त पायताण डोक्यावर घेऊन नागड्या पायांनी फिरायचा करंटेपणा आपण करू नये यासाठी आजच्या दिवशी एकमेकांना सदिच्छा द्यायला हरकत नसावी!
#मराठी
#मराठी
• • •
Missing some Tweet in this thread? You can try to
force a refresh
