Thread by @wankhedeprafull

गेल्यावर्षी एक तरूण माझ्या परिचितांच्या रेफरंन्सने भेटायला आलेला. त्यांचे काही प्रोडक्ट आम्ही घ्यावे अशी त्याची अपेक्षा होती. पण अगदी २/५ मिनिटात माझ्या लक्षात आले की यांच्या एकाही उत्पादनाचा आपल्याला काहीएक उपयोग नाही आणि त्याच्याही हे

#SaturdayThread #BusinessDots #मराठी
१/१५

मी लक्षात आणून दिले.

तो मुलगा मात्र एकदम हुशार दिसत होता त्यामुळे संवाद सुरुच होता.तसे त्याचे दुसरे महत्वाचे कारण म्हणजे ज्यांनी त्याला माझ्याकडे पाठविले होते ते मला गुरूसमान होते,मी या मुलाच्या वयापेक्षाही लहान असताना त्यांनी माझ्यावर विश्वास ठेवून मला बरीच काम मिळवून दिली
२/१५

होती.

तो मुलगा काही फार स्ट्रॉंग रेकमेंडेडही नव्हता. त्यांनी मला फक्त पाच मिनिटे भेट म्हणून सांगितलेले तरी मलाच त्या मुलात एक वेगळाच स्पार्क जाणवला होता आणि त्यामुळे मी त्याच्याशी गप्पा सूरू ठेवल्या.

मुलगा गुजराती होता पण तो माझ्याशी इंग्रजी आणि मराठीतून संवाद साधण्याचा
३/१५

प्रयत्न करत होता.

त्याचे प्रॅाडक्ट जरी मला आता लागत नसले तरी पुढे लागतील यावर तो ठाम होता,इतकेच नाही तर माझ्याच व्यवसायाबद्दलच्या काही महत्त्वाच्या प्रॅाब्लेमवर अगदी होमवर्क केल्यासारखा बोलत होता.

मला नवल वाटत होते हा हार्डली तिशीतही नसलेला मुलगा एकतर नोकरी करतोय,तसा याचा
४/१५

माल मी घेतला नाही तरी याचा बॅास याला काहीच म्हणणार नाही कारण मला ते प्रॅाडक्ट लागतच नाही.तरीही हा एवढी मेहनत घेतोय. मी त्याला ५/१० मिनिट म्हणता म्हणता तासभर दिला. मला त्या तासाभरात मुलाचा प्रामाणिकपणा भावला, त्याचे प्रॅाडक्टही बऱ्यापैकी कळाले आणि लगेच माझ्या ओळखीचे चार-पाच
५/१५

रेफरंन्सेस त्याला दिले. अगदी मी तिथूनच स्वत: त्या सर्वांशी त्याचे बोलणेही करून दिले.

त्याच्या चेहऱ्यावरचा आनंद मलाही सुख देऊन गेला. कारण तो केबिनमधून गेल्यानंतर दहाच मिनीटात मला माझ्या परिचितांचा फोन आला आणि त्यांना मी केलेल्या मदतीचा अत्यानंद झाला.

त्यांनी मनापासून खुप
६/१५

खुप धन्यवाद दिले वर एक गुपित सांगितले तो मुलगा त्यांचा नातू होता.

बरं त्या साहेबांना पक्के माहित होते कि मला त्यांचे काहीच प्रॅाडक्ट लागणार नाहीत तरी त्यांनी नातवाला माझ्याकडे पाठवले.

बरं मी तर गुरूदक्षिणेत पास झालोच पण नातू मात्र डिस्टींगशन मधे पास झाला होता.
७/१५

मी पाचएक मिनिट सुन्न झालो. हा गुजराती -मारवाडी समाज व्यवसायाबाबतीत इतका जागृत आणि चिकट असण्याची कारणं त्यांच्या या सेल्समधल्या झोकून देण्याच्या वृत्तीत आहे.
तुम्ही कोणत्याही कपड्याचा दुकानात जा, तिथला मुलगा कधी कपडे दाखवून थकत नाही, ५० डिझाईन दाखवेल. एखादा कलर नसला तर तसे
८/१५

न सांगता वेगळे कलर कसे भारी आहेत हे नकळत पटवून द्यायचा प्रयत्न करेल… “त्यांचे शिक्षण भले आपल्यापेक्षा कमी असेल पण त्यांचा धंदा त्यांना आपल्यापेक्षा चांगला कळतो.”

कोणतेही दुकान घ्या,मोबाईल, इलेक्ट्रॉनिक्स, कोणताही छोटा, मोठा ऊद्योग.

सण-सुद, काहीही असुदेत हे १२ महिने सूरू
९/१५

बरं बोलण्याची, पैसे मागण्याची पद्धत एकदम लाघवी, प्रेमळ घरगुती पण पैशांच्या बाबतीत घरच्यांकडूनही एक रूपया सोडणार नाहीत.

तो मुलगा तासभर माझ्यासोबत बसला पण कुठेही तो तिसऱ्या पिढीतील ऊद्योजक आहे किंवा त्यांचा शंभरएक कोटींचा व्यवसाय आहे किंवा तो युरोपातून उच्च शिक्षण घेऊन आलाय
१०/१५

याचा अस्पष्टही उल्लेख नव्हता. अतिशय नम्र, साधा अत्यंत गरजवंत असा त्याचा ॲप्रोच होता.

आता आपल्याकडच्या परिस्थितीवर काय बोलावे? एखादे घर, एखादी गाडी, दोन वा तीन-चार वर्षाचा व्यवसाय आणि काही शेतीच्या तुकड्यावर लोक लगेच “ऊद्योगपती” “आंत्रप्र्युनियर” “युवा ऊद्योजक” लावतात.
११/१५

लागलीच पाच-दहा ॲवार्ड भिंतीवर टांगलेले असतात. काही मोठ्या राजकीय मंचावर हजेरी आणि लगेच लोकांसमोर भाषणबाजी! नजर खाली राहण्याचा तर प्रश्नच नाही.

हे बदलायला हवे. आपल्या DNA मधे सेल्स अन मार्केटिंग शिरायला हव,त्यासाठी नम्रता अंगी बाळगायला हवी. तोंडात साखर आणि डोक्यावर बर्फ हवा
१२/१५

यशाची हवा डोक्यापर्यंत न जाता चप्पलबुटांसोबत दरवाज्याच्या बाहेरच रहायला हवी. खुप गोष्टी शिकायला हव्या. सर्वांकडूनच.

कोणताही माणूस घ्या, तो आपल्या उपयोगी पडेल म्हणून फक्त त्याच्याशी संबंध वाढवू नयेत. मदत करताना कोणतीही अपेक्षा न ठेवताच करत रहायची.

तो मुलगा त्यांचा नातू
१३/१५

होता हे कळाल्यानंतर वीज चमकावी तसा माझ्या डोक्यात विचार होता
“जर यदाकदाचित माझ्याकडून त्या मुलाला चुकीची वागणूक मिळाली असती, किंवा मी त्याला काहीच मदत केली नसती आणि भविष्यात जेंव्हा मला हे सत्य कळाले असते तर त्या गुरूसमान मानणाऱ्या माणसाच्या नजरेला मी कशी नजर मिळवली असती?”
१४/१५

आपल्याला अजून खुप पुढे जायचेय खुप शिकायचेय-अर्ध्या हळकुंडात पिवळे होण्याची संस्कृती बदलायला हवी!

फक्त द्वेष, राजकारण,क्रिकेट, गावगप्पा आणि इतिहासात रमण्यापेक्षा नवी झेप घेण्याची तयारी करायला हवी.

जग जिंकायचे तर तसे प्रयत्न तरी हवेच.

#SaturdayThread #BusinessDots #मराठी १५/१५