Thread by @skpkaruna

#Thread முன்னாள் அமைச்சர்கள் மீது ரெய்டு, வழக்கு, கைதுகள் பழி வாங்கும் நடவடிக்கையா? இதிலே பார்ப்போம்.
1996ல் இதை முதலில் தொடங்கி வைத்தது திமுக. அதற்கும் முன்னரும் பல குற்றச்சாட்டுகள் எம்ஜிஆர், கலைஞர் மோதலில் வந்தாலும் அவைகள் விசாரணைக் கமிஷன் என்ற அளவில் போயிடும். கைது வரை சென்றது

96ல் தான். 91-96 ஜெ ஆட்சியில் நடந்த அராஜகங்கள் அப்படி! மக்கள் கொந்தளிச்சுப் போயிருந்தனர். சிட்டிங் சி.எம்மை தோற்கடித்தது அப்போதுதான். அதிமுக கோட்டையான பர்கூரில் ஜெ தோற்கடிக்கப்பட்டார். அப்போது ஜெ & சசி டீம் அடிச்ச கொள்ளை, நடத்திய அராஜகச் செயல்கள் (ஐ.ஏ.எஸ் அதிகாரி மீதே ஆசிட்)

தாளாமல் கூட்டணிக் கட்சித் தலைவர்கள் தந்த அழுத்தத்தினாலும் ஜெ & கோ மீது ரெய்டு நடத்தப்பட்டது. அங்கே கிடைத்த நகைகள், வைரக்குவியல்கள், சொத்துப் பத்திரங்கள் அவரை சிறைச்சாலைக்கும் அழைத்துச் சென்றது. அப்போதும் இதை அதிமுக பழிவாங்கும் நடவடிக்கை என விமர்சித்தனர்.
அந்த ரெய்டின் விளைவாக

திமுக அரசு போட்ட வழக்குகளில்
1. டான்சி வழக்கில் (சுப்ரமணியசாமி கொடுத்த புகார்) இறுதியில் நீதிமன்றத்தால் எச்சரிக்கப்பட்டு, வாங்கிய சொத்தை திரும்ப அரசுக்கே தந்து மன்னிப்புக் கேட்டு தப்பினார்.
2. வெளிநாட்டில் இருந்து டாலர் வாங்கிய வழக்கு:
கையும் களவுமாகப் பிடிபட்ட பிறகு, எனக்கு

பரிசு வாங்குவது தவறு என்று தெரியாது. யாரோ 3 லட்சம் டாலர் அனுப்பினார்கள். அது எனக்கு வந்த பரிசு என கருதி எனது வங்கிக் கணக்கில் போட்டுக் கொண்டேன். இனி அப்படி செய்ய மாட்டேன். கருணை கூர்ந்து என்னை மன்னிக்கவும் என கெஞ்சி நீதிபதியின் கண்டிப்போடு தப்பினார்.
3. சொத்துக் குவிப்பு வழக்கு

இதிலும் வகையாக சிக்கிய ஜெ, அதன் பின் இரண்டு முறை முதலமைச்சர் ஆனபோதும் தப்பிக்க முடியாத அளவு வலுவான வழக்கு என்பதாலும், மைக்கேல் டி குன்ஹா எனும் ஈடு இணையற்ற நேர்மையாளராலும் மிகக் கடுமையாக தண்டிக்கப்பட்டார். முதன்முறையாக ஒரு முதலமைச்சர் பதவியில் இருக்கும் போதே சிறைக்குச் சென்ற

சரித்திரம் நடந்தது. வேறு மாநிலத்தில் நமது முதலமைச்சர் சிறையில் அடைபட்டார். அதன் பிறகு உச்சநீதிமன்றம் வரையில் போராடியும் அந்த தீர்ப்பில் இருந்து விடுபட முடியாமல் தண்டிக்கப்பட்ட குற்றவாளி எனும் நிரந்தர அடையாளத்துடன் ஜெ இறந்தார்.
அவருடன் தண்டிக்கப்பட்ட சசி & கோக்கு 4 ஆண்டுகள் சிறை,

அமைச்சர்கள் செல்வகணபதி, பொன்னுசாமி போன்றோருக்கு தண்டனை, பல அமைச்சர்கள், எம்.எல்.ஏக்களின் சொத்துகள் பறிமுதல் என அப்போது போடப்பட்ட வழக்குகளில் 90% அரசு தரப்பில் வெற்றியுடன் முடிந்தது.
சரி! இப்போ அதிமுக போட்ட வழக்குகளைப் பார்ப்போம்.
2001 ல் மீண்டும் ஆட்சிக்கு வந்த ஜெ பழிவாங்கும்

உக்கிரத்துடன் செயல்பட்டார். அடியாளைப் போன்ற ஒருவர் போலீஸ் கமிஷ்னராக கொண்டுவரப்பட்டு நடுநிசியில் எங்கள் தலைவர் கலைஞரை கைது செய்து தூக்கிச் சென்றனர். அவரை உடனடியாக மருத்துமனைக்கு கொண்டு செல்ல வேண்டும் எனும் நிபந்தனையுடன் ரிமாண்டு கொடுத்த நீதிபதி அசோக் குமாரின் உத்தரவை மீறி சிறைக்கு

கொண்டு செல்லப்பட்டார். நாடே கொந்தளித்தது. மத்திய உள்துறை செயலாளர் நேரில் வந்தார். கர்நாடக, ஆந்திராவில் இருந்து மத்திய காவல்படைகள் சென்னைக்கு அழைக்கப்பட்டது. நிலமையின் தீவிரத்தை உணர்ந்த ஜெ, எந்தவொரு நிபந்தனையும் இன்றி கலைஞரை விடுவிக்க முன்வந்தார். கலைஞரோ கோர்ட் உத்தரவின்றி வெளிவர

மறுத்தார். சென்னை உயர் நீதிமன்றத்தின் தலைமை நீதிபதி பெஞ்ச் தமிழக அரசை காறித் துப்பியது. டிஜிபி, கமிஷனரை நேரில் வர உத்தரவிட்டது. கடைசியில் தமிழக அரசு தலைமை நீதிபதியிடம் கலைஞரை கைது செய்த முறை தவறானது என ஒப்புக் கொண்டு மன்னிப்புக் கேட்டது. (இவை எல்லாவற்றுக்கும் பதிவுகள் உண்டு).

இறுதியில் எங்கள் தலைவர் கலைஞர் உயர்நீதிமன்றத்தால் சட்டப்படி விடுதலை செய்யப்பட்டு ஒரு சிறைக்காவலரின் தோளைப் பற்றிக் கொண்டு சிறைக்கதவைத் தாண்டி வெளியே வந்த, அந்த கம்பீரத்துக்குப் பேர்தான் ஆளுமை. ஆட்சியும் அதிகாரமும் கையில் இருக்கும் போது ஊடகத்தை விலைக்கு வாங்கி பாராட்டுகளை எழுதி

வாங்கிக் கொள்பவர்கள் எல்லாம் ஆளுமைகள் அல்ல. அந்த கைதே சென்னை மேம்பாலம் கட்டுவதில் ஊழல் எனும் பொய்க் குற்றச்சாட்டின் அடிப்படையில் அப்போதைய மேயர் தளபதி ஸ்டாலின், தலைவர் கலைஞர் மீது போடப்பட்ட எஃப்.ஐ.ஆரின் அடிப்படையில் நடந்தது. கைதுக்குப் பிறகு மக்கள் கொந்தளிப்பை சமாளிக்க டிவி கேமிரா

முன் ஐ.ஐ.டி மேம்பலத்தின் மீது பாலத்தை கடப்பாறையால் தோண்டிப் பார்த்த அவலங்கள் அரங்கேறின. அந்த எஃப்.ஐ.ஆர் போடப்பட்டு இப்போது 20 ஆண்டுகள் ஆகிறது. அதில் 15 ஆண்டுகள் அதிமுக ஆட்சிதான். அந்த வழக்கில் கலைஞரையும், தளபதியையும் குற்றவாளிக் கூண்டில் ஏற்றி தண்டனை வாங்கித் தருவது இருக்கட்டும்.

இன்னமும் குற்றப்பத்திரிக்கைக் கூட தாக்கல் செய்ய முடியவில்லை. இப்படியொரு மானங்கெட்ட ஈத்தரைகளை உலகில் வேறெங்குமே காண முடியாது. அடுத்த பீரியடில் தலைவரை விட்டு, வீரப்பாண்டியார், பொன்முடி, நேரு, எ.வ.வேலு போன்ற முதல்கட்ட தலைவர்கள் மீது வழக்குப் போட்டனர்.ஒரு வழக்கில் கூட குற்றத்தை

நிருபிக்க முடியவில்லை. மொத்ததில் அதிமுக போடும் வழக்குகள் பொய் வழக்குகள். எனவே அவர்களே அவைகளை நீதிமன்றம் வரையில் கொண்டு வராமல் நிலுவையிலேயே வைத்திருப்பார்கள். மாறாக, திமுக போடும் வழக்குகளோ உண்மையின் அடிப்படையில் ஆனவை. எனவே வழக்கு விசாரணைக்கு வரும்போதெல்லாம் அதிமுகவினர் வாய்தா

தேடி ஓடுவார்கள். திமுக வழக்குப் போட்டால் யாரும் தப்பவே முடியாது என்பது வரலாறு.. தாமதம் ஆனாலும் நீதி கிடைத்தே தீரும். கொள்ளையடித்தவர்கள் மீது வழக்குத் தொடர்ந்து தண்டனை பெற்றுத் தருவோம் என மக்களிடம் வாக்குறுதி அளித்துதான் ஆட்சிக்கு வந்துள்ளார் எங்கள் தலைவர். கொடநாடு கொலை வழக்கு வேற

வெறித்தனமா வெயிட்டிங்.
பிறகு அதிமுகவே அமைத்த ஆறுமுகசாமி ஆணையம், டாக்டர் ராமதாஸ் அளித்த ஊழல் புகார்கள், விஜிலென்ஸ்க்கு வந்துள்ள புகார்கள், அரசு உயரதிகாரிகள் தந்துள்ள வாக்குமூலங்கள் என பல வரிசையில் காத்திருக்கிறது. பதறுவோர் கதறட்டும். சட்டம் தன் கடமையைச் செய்யும். நீதி வெல்லும்.