Thread by @wankhedeprafull

बघता बघता कोविड महामारीला येऊन दिड वर्ष लोटलेय...सुरूवातीला टाळेबंदी,दहशत,भीती,चिंता,काळजी, विनोद!

मग पुन्हा भीती, काम सुरू, नव्या समस्या, दुसरी लाट!

पुन्हा चिंता,बऱ्यावाईट बातम्या, ताणतणाव आणि बरेच काही...कोविडने बऱ्याच जणांचे आतोनात

#SaturdayThread #BusinessDots #मराठी
१/१९

नुकसान केलेय, काहींचे तर आयुष्य संपुर्ण बदलून गेलेय.

कोविडपुर्व आणि कोविडनंतरचे जग अशी सरळ काळाची विभागणी आता झालीये.

येणाऱ्या काळात चॅलेंजेस अजून कठीण होत जातील. गुणवत्ता, प्रोडक्टिव्हीटी आणि चांगली एफीशियंसी देणाऱ्या लोकांना आणि कंपन्यांना भविष्य निश्चितच उज्वल असेल.मग
२/१९

आपली तरूण पिढी यासाठी तयार आहे का? ते शहरी भागातले असो, ग्रामिण भागातले असो, या स्पर्धेत टिकायचे असेल तर प्रोफेशनलिझम रक्तात मुरायला हवे.

आपल्याला आर्थिक साक्षरतेबद्दल बऱ्यापैकी जागरूकता निर्माण करण्यात (निदान वर्तमानपत्र/समाजमाध्यमात तरी) थोडफार यश मिळालेय असे मला वाटतेय.
३/१९

आजकालच्या आपल्या तरूणांमधे विविध विषयांवरील चौफेर वाचन, नव्या खाजगी/कॉर्पोरेट जगाशी जोडून घेताना येणाऱ्या भाषेच्या अडचणी तसेच प्रोडक्टिव्हीटी Vs स्वत:ची प्रगती याबद्दल बऱ्याच अंशी फारशी जागृकता किंवा फार चर्चा दिसत नाही.

यापुढच्या काळात आपले जे तरूण नुकतेच कॅार्पोरेट किंवा
४/१९

खाजगी क्षेत्रात पदार्पण करत आहेत त्यांनी प्रोडक्टिव्हीटी कशी वाढवावी यावर अधिकाधिक लिखाण करण्याचा प्रयत्न करणार आहे.

यात वेगळेवेगळे विषय,त्यात होणाऱ्या चूका यावर भर असेल, काही बाबी आपल्याला अनुभव आल्यानंतर साध्यासुध्या वाटत असल्या तरी आपण नविन असताना ते फार मोठे संकट असते.
५/१९

१. वेळेचे महत्व समजून घ्या!

आपण दिवसभरातला किती वेळ समाजमाध्यमांवर देतोय, किती वेळ इमेल, व्हॅाट्सॲप आणि नॅानप्रोडक्टिव्ह कामांसाठी देतोय याची नोंद करा….

टाईम बॅाक्सिंग हा वेगळा आणि खुप चांगला प्रकार आहे त्यावर काम करा.

आणि सर्वात महत्वाचे डिजीटल स्क्रिन टाईम कमी करा!
६/१९

२. दिलेली वेळ पाळा!

कोणत्याही कामाची सहकारी, कस्टमर, अगदी स्वत:लाही दिलेली वेळ पाळा किंवा इतर कोणतीही कमिटमेंट त्याच वेळेला पार पडेल हे पहा. करू, पाहू, थोड्यावेळाने करू हा रोग होऊ देऊ नका!

यामुळे तुमचे स्वत:चे गुडविल तर वाढेलच शिवाय कंपनीला त्याचा खुप फायदा होईल.
७/१९

३. चुका मान्य करायला शिका!

प्रगती करायची असेल तर “मला सर्व कळते,हे तर मला माहिती होते” वगैरे वगैरे चुकीचा ॲटीट्यूड टाळायला हवा.

प्रत्येकामधे सुधारणेला वाव असतो, जो रोज शिकत राहतो तोच या जीवघेण्या स्पर्धेत टिकतो आणि पुढे जातो. काहीही चुकले तर लगेच मान्य करून मोकळे व्हायचे.
८/१९

४. वाचन आणि वाचन!

आपल्या क्षेत्रासंबंधात जेवढे जास्तीत जास्त वाचता येईल ते वाचा, दर आठवड्याला विविध लेख, जुने बेसिक रेफरंन्स बुक्स, नव्या घडामोडी, शोध तसेच कमीतकमी एक तरी पुस्तक वाचायचे हा ध्यास हवा आणि तशी कृती हवी.
बाकी जो वाचत नाही तो जे वाचतात त्यांना फॅालो करतो किंवा
९/१९

माझ्यासोबत राजकारण होतेय हे सर्वमान्य कारण सांगत मागे पडतो. तुमच्याकडे ज्ञान आणि कृती असेल तर तुम्हाला यशस्वी व्हायला फार अडचणी येत नाहीत हे मी आत्मविश्वासाने सांगू शकतो.

वाचनाने अगदी सर्वसामान्य माणूसही असामान्य कामगिरी करू शकतो हे लक्षात घ्या.आजपासूनच वाचनाला सूरूवात करा
१०/१९

५. कोण काय विचार करतात याची चिंता करू नका!

प्रोफेशनल आयुष्य असो की खाजगी आपली स्वप्न जेंव्हा लाखो करोंडोंची असतात, त्यासाठी कष्ट घ्यायची, जयपराजय पचवायची ताकद असते तेंव्हा कवडीमोल लोकांच्या टोमण्यांमुळे मागे हटायचं नसतं…..आपले काम करत पुढे ध्येयाचा पाठलाग करत पुढे जायचे.
११/१९

६. संपुर्ण लक्ष कामावरच द्या!

कामाच्या वेळी फक्त आणि फक्त कामावरच फोकस करायचे. अगदी चूकूनही समाजमाध्यमं,फालतू व्हाट्सॲप फॅारवर्डस किंवा गॅासिप्स यामधे अडकायचे नाही.

कोणत्याही अंतर्गत राजकारणात अडकायचे नाही, प्रामाणिकपणे आणि लक्षपूर्वक आपण जेवढे काम करू तेवढा आपला कामाचा
१२/१९

उरक वाढत जातो आणि कामात एक चांगली धार येते.

हळूहळू तुम्हाला त्या यशाची नशा यायला सुरूवात होते आणि तीच खरी या वयात गरजेची नशा असते.

७. सहकारी,मित्र आणि साथसंगत!

हा खर प्रत्येकाच्याच आयुष्यातला अत्यंत महत्वाचा भाग असतो, कोणतेही वय असो, शिक्षण, नोकरी, उद्योग-व्यवसाय काहीही
१३/१९

करत असलो तरी आपण आपल्या आयुष्यात कोणाच्या सानिध्यात राहतो, कोणाची साथसंगत करतो आणि कोणाला आदर्श मानतो याचा खुप मोठा परिणाम होत असतो.

आपल्या आयुष्याला दिशा देणारी माणसं बऱ्याचदा आपल्या कामाच्या ठिकाणी भेटतात त्यामुळे अशी माणसं शोधायची तीच आपल्यासाठी खरी संपत्ती असते.
१४/१९

८. सतत स्वत:ला प्रश्न विचारत रहा!

इतर कोणी आपल्याला सांगेल किंवा फक्त पुस्तक वाचून आपल्याला ज्ञान मिळेल हा सर्वात मोठा भ्रम आहे.
आपल्याला सेल्फ इव्ह्यॅल्यूएशन करायला जमले पाहिजे…

आपल्या चुका आणि आपण करत असलेला टाईमपास आपल्यालाच अधिक चांगल्या प्रकारे कळतो….त्याचे उपायही
१५/१९

आपल्याला माहिती असतात, त्यावर कृती करण्याची मात्र तयारी हवी…. थॅामस एडीसन म्हणतात - The value of good idea is in using it. त्यामुळे ज्या नव्या कल्पना सुचतील त्यावर विचार करा, वापरा आणि योग्य कृती करा.

स्वत:ला प्रश्न विचारायला सुरूवात झाली की खऱ्या प्रगतीला सूरूवात होते.
१६/१९

९. व्यसनांपासून दूर रहा!

तूम्ही कोणत्याही फॅमिली बॅकग्राऊंडमधून येत असाल तरी व्यसनांपासून दूर रहा…. रात्री उशीरापर्यंत दारूच्या पार्ट्या करून किंवा सिगारेटचे झुरके घेतले की फार मोठे यश मिळते किंवा नेटवर्कींग होते, हा फार मोठा गैरसमज आहे.

कोणत्या वेळी काय होईल आणि या
१७/१९

व्यसनाचे अतिव्यसनात कधी रूपांतर होईल याची खात्री नसते.

जर आपले आईवडील खुप श्रीमंत असतील तर तुम्ही स्वत: गरीब व्हाल किंवा आपल्या घरची परिस्थिती गरीब असेल तर अजून जास्त दारिद्र्य आपल्या कुटुंबाला भोगायला लागू शकते.

आपले ध्येय कधीच विसरायचे नसेल तर कोणत्याही परिस्थितीत या
१८/१९

विनाशकारी बाबींपासून दूर राहता आले तर सर्वोत्तम!

मराठी बोला, मराठीचा अभिमानही बाळगा पण इंग्रजी हमखास शिका, इंग्रजी साहित्य वाचा, त्यामुळे एक वेगळाच आत्मविश्वास मिळेल.

बाकी आता आर्थिक साक्षरतेसोबत यावरही विस्ताराने लिहीत राहू.
धन्यवाद!
#SaturdayThread #BusinessDots #मराठी
१९/१९