தமிழுலகின் மிகப் பிரபலமான பின்னணி இசை, மெல்லிசைப் பாடகர் திரு #டிஎம்சௌந்தரராஜன் #TMS பிறந்த நாள் மார்ச் 24 1922. இன்று அவரின் நூறாவது பிறந்த நாள். இசைத் துறையில், கோலிவுட்டில் அவரை பாராட்டும் கொண்டாட்டம் ஏதும் உள்ளதா? தமிழக அரசு இந்தத் தமிழருக்கு (பிறந்தது மதுரை, சௌராஷ்டிரர் 
என்றாலும் தமிழ் அவருக்குத் தாய் மொழி போலத் தான்.) விழா எடுக்க வேண்டும். மதுரை வரதராஜப் பெருமாள் கோயிலில் பூசாரியாகப் பணியாற்றியவர் டி.எம்.எஸ்ஸின் தந்தை மீனாட்சி அய்யங்கார். இவர் கர்நாடக இசையை முறையாக பயின்றவர். கிருஷ்ண விஜயம் (1950) திரைப்படத்தில் ராதே
என்னை விட்டுப் போகாதேடி தான் இவரின் திரையுலக முதல் பாடல். நீளமான குடுமியும் வடகலை நாமமும் டி.எம்.எஸ்ஸின் ஆதி கால அடையாளம். சினிமாவில் வாய்ப்புத் தேடும் பொருட்டு கோயம்புத்தூர் வருவதற்கு முன் இதே கோலத்தில் தன்னை ஒரு புகைப்படம் எடுத்துக்கொண்டு விட்டு குடுமியை எடுத்துவிட்டுக் கிராப்
வைத்துக்கொண்டார். நாமம் அகன்று, பட்டையாக விபூதி பூசியதும் அப்போது தான்!டி.எம்.எஸ்ஸின் முருக பக்தி அனைவருக்கும் தெரியும் `கற்பனை என்றாலும் கற்சிலை என்றாலும்’ `உள்ளம் உருகுதய்யா முருகா’, `சொல்லாத நாளில்லை சுடர்மிகு வடிவேலா’, `மண்ணானாலும் திருச்செந்தூரில்
மண்ணாவேன் போன்ற உள்ளம் உருக்கும் பலப்பல முருகன் பாடல்களுக்கு இசையமைத்துப் பாடியவர்! இவர் சிவாஜி, எம்.ஜி.ஆர், ஜெமினி, ஜெய்சங்கர், ரவிச்சந்திரன், முத்துராமன், நாகேஷ், ரஜினி, கமல் என்று பல முன்னணி திரைப்பட நடிகர்கள் ஒவ்வொருவருக்கும் பொறுத்தமான, தனித் தனி குரலில் பாடி, அந்த நடிகர்
முகத்தை தனது குரலின் மூலம் ரசிகர்களின் மனக்கண்ணில் நிலை நிறுத்தும் ஆற்றல் இவருக்கு மட்டுமே! 10 ஆயிரத்துக்கும் மேற்பட்ட திரைப்படப் பாடல்களையும், 2500க்கு மேற்பட்ட பக்திப் பாடல்களையும் பாடியுள்ளார். டி.எம்.எஸ். இசையமைத்துப் பாடிய `கற்பகவல்லி நின் பொற்பதங்கள்
பிடித்தேன்' நேயர்களால் விரும்பிக் கேட்கப்படும் பக்திப் பாடல். இப்பாடலில் ஒவ்வொரு பாராவிலும் ஒரு குறிப்பிட்ட ராகத்தின் பெயர் இடம் பெறும். அந்தந்தப் பாராவை அந்தந்த ராகத்திலேயே இசையமைத்துச் சாதனை செய்தார்!
அடிமை பெண் படத்தின் போது டி.எம்.எஸ்ஸின் மகளுக்குத் திருமணம். `பாடி முடித்து
அடிமை பெண் படத்தின் போது டி.எம்.எஸ்ஸின் மகளுக்குத் திருமணம். `பாடி முடித்து
தான் போக வேண்டும்’ என்று எம்.ஜி.ஆர். உத்தரவிட்டும் கோபத்தில் கிளம்பிச் சென்றுவிட்டார். அந்தப் பாடல் வாய்ப்பு இளம் பின்னணிப் பாடகராக நுழைந்திருந்த எஸ்.பி. பாலசுப்பிரமணியனுக்குக் கிடைத்தது. அந்தப் பாடல்தான். `ஆயிரம் நிலவே வா!’
பொது நிகழ்ச்சிகளுக்குத் தங்க நகைகள் அணிந்து செல்வதில்
பொது நிகழ்ச்சிகளுக்குத் தங்க நகைகள் அணிந்து செல்வதில்
விருப்பம் உள்ளவர். `இல்லாட்டா ஒருத்தனும் மதிக்க மாட்டான்யா! பாவம், டி.எம்.எஸ்ஸீக்கு என்ன கஷ்டமோன்னு உச்சுக் கொட்டுவான். அதனால் இந்த வெளிவேஷம் தேவையா இருக்கு’ என்பார்!கவிஞர் வாலியை த் திரை உலகுக்கு அழைத்து வந்தது டி.எம்.எஸ். அந்த நன்றியை கடைசி வரையிலும் மறவாமல் `இப்போ நான்
சாப்பிடுற சாப்பாடு டி.எம்.எஸ் போட்டது’ என்று சந்தர்ப்பம் கிடைக்கும் போதெல்லாம் நெகிழ்வார் வாலி! `நீராரும் கடலுடுத்த’ என்னும் தமிழ்த் தாய் வாழ்த்துப் பாடலையும், `ஜன கண மன’ என்னும் தேசிய கீதத்தையும் யாரும் பாட முன் வராத நிலையில் டி.எம்.எஸ் பி.சுசீலாவும் இணைந்து பாடித் தந்ததனர்.
கடவுள் பக்தி அதிகம் உள்ளவர் டி.எம்.எஸ். கண்ணதாசன் எழுதிய `கடவுள் மனிதனாகப் பிறக்க வேண்டும், அவன் காதலித்து வேதனையில் சாக வேண்டும்’என்ற வரிகளைப் பாட மறுத்துவிட்டார். பின்னர், கவிஞர் சாகவேண்டும் என்பதை `வாடவேண்டும்’ என்று மாற்றித் தந்த பிறகே பாடினார்! காஞ்சிப் பெரியவரிடம் மிகுந்த
பக்திகொண்டவர். காஞ்சிப் பெரியவர், டி.எம்.எஸ்ஸை `கற்பகவல்லி’ பாடச் சொல்லிக் கேட்டு மகிழ்ந்து, தான் போர்த்தியிருந்த சிவப்புச் சால்வையைப் பரிசாக அளித்ததைத் தனது பாக்கியமாகச் சொல்லி மகிழ்வார்! ல் கோவையில் நடந்த உலகத் தமிழ்ச் செம்மொழி மாநாட்டிற்காக உருவான செம்
மொழியான தமிழ்மொழியாம் என்ற பாடலே டி. எம். எஸ் இறுதியாக பாடிய பாடலாகும். நவரசங்களிலும் பாடியிருக்கிறார்.
மறைந்தது: மே 25, 2013
அவர் ஒரு சகாப்தம். கடவுளால் ஆசீர்வதிக்கப்பட்டவர். தமிழர்களாகிய நாம் பெற்ற வரம். அவரை அன்புடன் நினைவு கூர்ந்து போற்றுவோம்!
சர்வம் ஸ்ரீ கிருஷ்ணார்ப்பணம்🙏🏾
மறைந்தது: மே 25, 2013
அவர் ஒரு சகாப்தம். கடவுளால் ஆசீர்வதிக்கப்பட்டவர். தமிழர்களாகிய நாம் பெற்ற வரம். அவரை அன்புடன் நினைவு கூர்ந்து போற்றுவோம்!
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
