Thread by @jeffcrisostomo

[THREAD] CONGRESS CHIKA

Bakit nga ba pinag-aagawan ang mga COMMITTEE CHAIRMANSHIP sa Senado at Kamara?

Pero ang unang kailangang sagutin: Ano ba ang function ng committees sa two Houses ng legislative branch?

Sabi sa House Rules ng Kamara:

"Committees shall study, deliberate on and act upon all measures referred to them inclusive of bills, resolutions and petitions...

"...and shall recommend for approval or adoption by the House those that, in their judgment, advance the interests and promote the welfare of the people."

Sa madaling salita, sa lebel ng committees unang isinasalang at pinagdedebatihan ang PROPOSED LAWS a.k.a. bills.

Mayroon ding OVERSIGHT FUNCTION ang mga committee, meaning may power silang bantayan at i-review ang implementation ng bills na naisabatas na. Example, ang House Comm on Agrarian Reform ay tumatayo ring Oversight Committee para i-check ang implementasyon ng agrarian reform laws.

Dahil may mga kaakibat na tungkulin sa isang committee, may naka-allot na budget para rito. Usually, ginagamit dapat ang pondo kung may mga konsultasyon sa labas ng Senado o Kamara sa iba't ibang lugar sa bansa kasama ang stakeholders.

Mayroon ding naka-allot na extra positions para sa staff labas pa sa sariling congressional o Senate staff ng isang committe chairperson, meaning may pondo rin para sa sahod nila.

In an ideal setting, kapag mambabatas ka, gugustuhin mong mag-head ng isang committee na swak sa mga adbokasiya mo para maisulong mo ang mga ito through legislative measures na magiging batas eventually. Emphasis on IDEAL. Sana ganun 'di ba? Oo, minsan naman may ganun, pero...

...huwag tayong maglokohan. May iba diyan na kating kati makakuha ng certain committees dahil siguro mas malaki ang pondo o kaya naman may vested interests siya. Ironic kasi base sa rules, bawal kang mag-participate sa pag-process ng bills na kadikit ang personal interests mo.

Halimbawa, kung real estate developer ka, nakakaloka na pwede kang mag-head ng isang committee na didinig sa National Land Use Act na dapat sana'y makakatulong sa DRRM at mga agricultural lands and workers natin. O kaya naman nasa committee on transportation ka tapos...

...mayroon kang business involving public utility vehicles. Pero ang realidad, nangyayari ang mga ganito dahil malaki ang kapangyarihan ng committee chairmanships hindi lamang in terms of money, kundi actual power to influence the passage or junking of certain proposed laws.

Ang pagpili ng committee chair ay nakadepende sa mga lider ng both Houses, ang Speaker at ang Senate President, kasama na ang iba pang pinuno ng mga kasama nila sa koalisyon from other parties. Napansin ko dati, parati na lang nagiging head noon ng Committee on Agriculture...

...ang isang galing sa partido na pinamumunuan ng involved sa isang issue kung saan natatapakan ang mga magsasaka. Taray, blind item? Choz. Obserbasyon lang. Hindi naman parati atang ganun, malay ko ba. Anyway...

Mahalaga talaga para sa atin bilang mga mamamayan na bantayan ang proseso ng pagpili ng committee chairs sa Senado at Kamara. Nakadepende ang future ng mga bills na sinusuportahan natin o ayaw natin sa kung sinuman ang mauupo.

Some committee chairmanships to watch out for:

JUSTICE - Dito didinggin ang death penalty bill at ang proposal para sa lowering of the minimum age of criminal responsibility

CONSTITUTIONAL AMENDMENTS - Dito isasalang ang panukala para sa Charter Change via constituent assembly

WAYS AND MEANS - Tax measures kagaya ng TRAIN Law dati

APPROPRIATIONS (House) / FINANCE (Senate) - Dito dinidinig ang NATIONAL BUDGET; dito rin sila nagma-magic kagaya ng nabalita noon nung nagtagal ang pagpasa at pagpirma sa General Appropriations Act

RULES - Pinamumunuan ito ng Majority Leaders ng House at Senate. Sila ang nagpapatakbo basically ng legislative mill, lalo na pag nasa plenaryo na ang bill. Sila ang nag-aayos ng schedule kung kailan ba didinggin ang isang panukala. Super powerful. Kaya nilang patayin ang bills

Ang committee chairpersons din ang nagdedesisyon sa schedule ng hearing ng bills. Sila ang nag-iidentify kung ano ang priority measures ng komite, minsan base sa rekomendasyon ng Speaker or Senate President at ng Pangulo mismo.

Pero may prerogative pa rin si committee chair. Halimbawa, ang bilis na dininig ang SOGIE Equality Bill kasi both chairs ng committees on gender equality from the House at Senate ay advocates.

So ayun. Ganun ka-powerful ang committees sa lehislatura. Dapat nating bantayan talaga kung sino ang mga mapipili para makapagplano rin ng strategies as advocates of certain legislative measures.

SIDE CHIKA: Nung bumoto si Cong. Kaka Bag-ao laban sa death penalty, natanggalan siya ng committee chairmanship. She headed the Committee on People's Participation back then. Eh yung posisyon ko sa office ay nakadikit doon sa committee, so nashunggal din ako.

Pasalamat na lang ako na hindi ako pinakawalan ni Meym. Ginawa na lang niya kong Consultant. Hehe! Isa 'yan sa mga dahilan kung ba't sasama din ako sa kanya sa Dinagat. Walang iwanan. Hehehe! LABAN!