Thread by @NasrElhadi

تويتة لي الآباء و الأمهات الجدد واللي عندهم مولود جديد نشارككم بي حاجات لقيتها مفيدة في وقت الحمل و بعده

ابلكشن اسمه the wonder weeks

هو عبارة عن ابلكيشن يعطيك مرحل نمو الجنين من البداية و خلال الحمل و يعطيك فكرة علي حجمه و معلومات عن مراحل النمو أسبوع بعد أسبوع
و بعد الولادة يعطيك مراحل النمو البيبي و يشرح حالته مثلا لو البيبي يمر بمرحلة نمو طويلة او قصيرة او مرحلة نمو أسنان

اكثر من مرة لما لحظنا تغير في الروتين و كان البيبي يبكي اكثر و مضايق و تصعب عليك فهمه هذا يفسرلك علاش و شن المرحلة اللي يمر بيها وعلي الأقل تفهم شن صاير و تقدر تجهز روحك مثلا لو تعرف ان الأسبوع الجاي احتمال يخش في مرحلة جديدة و فيها نوم أقل و عياط اكثر نقعمز في حوش و نجهز نفسي 😅

هذا جهاز حساس التنفس و هيا بكل بساطة جاهز تشريه و تحطه تحت فراش البيبي لي انك في البداية حتكون مش متعود و خايف علي البيبي في الليل و تبي تعرف علي البيبي يتنفس او لا فهذا الجهاز يحس بي التنفس و في حالة التنفس انقطع يعطيك إنذار و تقدر تلحق تتصرف و تشوف شن صاير

هيا يقولوها nose sucker و هيا من احسن و اصعب الحاجات اللي استعملتها و هيا عبارة عن انبوبة بلاستيك و طوبو تساعد في تسليك انف ( خشم ) البيبي بما ان صعب علي البيبي يطلع اي شيء ممكن حاصل مرات حتا حليب من الرضاعة او زكمة او جفاف
تقدر تشفط و تسهل عليه التنفس و هذا مهم

مخدة/فراش هذا مليح في الأشهر الاولة من الولادة محشي من الجانب ف يحسس البيبي انه في حضن او يد حد و في نفس الوقت يصعب عليه انه ينقلب من غير ما يحس و هذا شيء خطير البيبي في الأشهر الاولة ما يعرفش كيف يقلب روحه و لو انقلب علي وجهه ميعرفش يرد ويصعب عليه التنفس و هذا شيء خطير

هذا اسمه dream swaddle تلبسها لي البيبي في الأسابيع الاولة و هيا تعطيه احساس انه داخل بطن أمه و يرتاح فيها و في نفس الوقت البيبي مرات و هو راقد يخبش روحه بي صوابع و أيديه من غير ما يحس و يقعد مضايق فيها تمنع من انه يضرب روحه بي ايده و تخلي نومه اطول و مرتاح اكثر

و في ابلكشين white noise deep sleep sound و هيا اعظم اختراع عرفته 😄
و هيا عبارة عن صوت يقوله white noise و في منه ثلاثة white, brown, pink

تسمع انت تشويش لكن في الحقيقة البيبي يرتاح جدا لي الصوت هذا بما انه ليه ٩ شهور داخل أمه و صوت التشويش قريب من صوت جريان الدم داخلها

ما تنساش ان البيبي مش متعود علي هدوء كامل بلعكس متعود ان يسمع أصوات مثلا الدم وقلب و تنفس وغيرها في فترة الحمل وهيا الأصوات ممكن حتا انت تتعود ترقد بيها ونستعمل فيها في اي وقت نحس ان البيبي يعيط هلبة و مضايق طول نفتحه في دقيقة يرقد سحر يا ربي بنسبة لي brown noise و انت جرب بينهم

اخر شيء و هو مهم هيا لو لو ممكن حاول ان تكون الرضاعة طبيعية المشكلة مفهوم الناس في وقتنا غلط ان الحليب المركب أفضل و اسهل من رضاعة من الأم بلعكس فوائد حليب الأم أضعاف مضعفة و سبب أساسي في اكتساب البيبي مناعة في وقت مبكر و مهما كان الحليب مركب فيه فيتامينات قاعد اقل و ليس بديل جيد

شركات حليب المركب او formula milk تحاول تقنعك ان اهم و اسهل و اسرع و هذا كله مفهوم غلط حليب الرضاعة يكون مخصص لي بيبي متعك انت و مفيش شيء مجهز بكل فوائده و مركبتها من مضادات و فيتامينات و مكمل غذاء احسن منه مهما يقولولك هو مصنع خصيصا لي البيبي متعك ومعها بل بلاش كان فلوس موضوعك

عارف ان في تساؤل علي الرضاعة فهيا مرحلة صعبة في التعلم.الرضاعة مش ساهلة لي البيبي و الأم و يحتاج صبر كبير و وقت و فيه تعب لكن فارق كبير جدا بين رضاعة و مركب وفي من يفكر في شكل صدر الأم و كيف يتغير🤦🏻‍♂️ حاجة واحدة بس فكر في الفوائد الصحية و المناعة و الفوائد المادية قبل الموضوع هذا

و الرضاعة هو الشيء الطبيعي و جسم الأم مجهز و قوي لي المرحلة و هيا ممكن أفضل غداء ممكن تعطيه لي البيبي فهل موضوع زي هذا اهم و لاصحة البيبي اهم فكر بعقلك بس و فاهم ان في حالات صعبة انها ترضع لي سبب او اخر بس حاول تجربها و اصبر راهو مرحلة مهمة لي البيبي و الأم
liquid gold

انت توا أب اعطي لي نفسك فرصة و ساعد في اي شيء تقدره من تغير شمالات لي ملابس ساعد بينك و بينها امسك البيبي لما تحسها تعبانة و اعطيها وقت ترقد و ترد طاقتها خليك قريب منها و تحمل المسؤولية من البداية الابناء هم واجب مشترك بينك و بين الأم و خليكم متعاونين و كن متفاهم هذا واجب عليك

في الأخير حظ سعيد ليكم هيا مرحلة جديدة و فيها اكتشاف لي النفس و إمكانياتك و اختبار مهم جدا في حياتكم و حاول تجهز نفسك لي الموضوع راهو مش ساهل لكن فيه لحظات لا توصف ولا في احساس أفضل منها

صورة لي ولدي نصر و بنتي ليلة

@threadreaderapp unroll please