Thread by @MagnusVieSundal

1/ Her kjem ei lita tråd om olje.

Brutalt på arabiske børsar i dag. Kuwait stoppa etter 10% nedgong. Ligg an til betydelig fall i oljeprisen i natt. Dette er alvorleg for Noreg. #OOTT

2/ Bakgrunn:
OPEC+ har den siste tida heldt produksjonen på 2.1m fat/dag under "referansenivå". For ordens skyld: Verda brukar om lag 100m fat/dag. Noreg produserar om lag 1.6m fat/dag. OPEC+ produserar ca. 41m fat/dag.
bloomberg.com/graphics/opec-…

3/ For ordens skuld: Ubrukt kapasitet av billeg olje overgår norsk produksjon. Gjennomsnittleg produksjonskost for eit fat olje frå Saudi Aramco er på $2.8/fat. Dette er olje som fram til no er holdt tilbake av økonomiske, og ikkje miljømessige hensyn.

4/ Dei siste åra har kutta kome ettersom amerikansk produksjon har vakse kraftig. Stikkord: Skiferolje, ny teknologi og billeg gjeld. På åtte år har dagleg amerikansk produksjon auka med heile 7.5m fat. USA har til og med blitt oljeeksportør i større skala.

5/ I 2014-2016 fall prisane kraftig ettersom Saudi-Arabia forsvarte marknadsandelar i møte med kraftig produksjonsvekst frå USA. Brent trefte botnen 20. januar 2016, på $27/fat.

6/ Som dei fleste hugsar var, og tildels er, det harde tider for norsk leverandørindustri. Tildelinga av kontraktar for Johan Sverdrup hjalp godt, mellom anna for min heimstad, Stord.

https://twitter.com/MagnusVieSundal/status/651997398135361536?s=20

7/ Men Saudi-Arabia treng ein oljepris på $80/fat for at statsbudsjettet skal gå i balanse. Det var ikkje tilfeldig at landet i oktober 2016 lanserte sitt første internasjonale obligasjonslån (og pressa prominente borgarar for pengar).
ft.com/content/c8d1bb…

8/ Landa tenker langsiktig og tolmodigheten har nok hengt saman med 1) at auka etterspurnad har absorbert ein god del av den amerikanske veksten...

9/ ... men óg at amerikansk skifervekst ikkje har vore heilt berekraftig: Den har sin pris. Kapitaldisiplinen har vore dårleg, og kontantstraum til investorar likeså. Rystad fant nyleg at berre 1 av 10 skiferselskap hadde positiv kontantstraum.
oilprice.com/Energy/Crude-O…

10/ Veksten har vore finansiert med obligasjonsgjeld, i eit tiår der sentralbankar har oversvømt verda med likviditet. Dette er ikkje like hett: Det siste året har energiaksjar gjort det svært dårleg. Gjennomsnittleg kredittspread på energi-high-yield var på 7-8%, før korona.

11/ Og så kjem korona / COVID-19 / SARS-CoV-2. Kina sin daglege etterspurnad etter olje har falt med om lag 3m fat. Dette er mykje for ein marknad der prisen er svært sensitiv til endringar i tilbod/etterspurnads-balansen.
cnbc.com/2020/02/10/oil…

12/ Dette tek oss til møtet i Vienna veka som var. Marknaden forventa yttarlegare kutt, i tillegg til dei 2.1m fata per dag. OPEC ynskja kutt på ekstra 1.5m fat/dag. Russland og Kazakhstan, som ikkje er medlem, men "støttespelarar", var ikkje einige.
reuters.com/article/us-ope…

13/ Medan Saudi treng $80/fat for budsjettbalanse (stor offentleg sektor), treng Russland $41. Russland kan difor i større grad konkurrere mot amerikansk skiferolje (og då har me ikkje eingong byrja å spekulere rundt den politiske motivasjonen...).

14/ Russland forlet samtalane utan avtale. Energiminister Novak seier landa kan produsere det dei vil etter at noverande kutt-avtale utløper, ved slutten av mars. Med andre ord: Ikkje større kutt, men me kan derimot få auka produksjon.
ft.com/content/10f3e9…

15/ Oljeprisen fall 9.4% fredag, til $45.5/fat. Dette er det lågaste sidan sommaren 2017. Saudi-Arabia planlegg å auke produksjonen sin, til over 10m fat/dag. Og etterkvart over 11m fat/dag. Landet meldte denne helga om rabattar på $6-8/fat. Dette er ekstremt.

16/ I tillegg til tilbodssida, har me denne gongen óg negative korona-effektar på etterspurnad. I verste fall ein resesjon. Med mindre partane snur, kan dette bli stygt for fleire. Desse sakene kan endre maktbalansar. Så får me sjå kven som held ut lengst.

17/ Ein konsekvens kan vere ei misleghaldsbølge innan amerikansk skiferolje. På kortare sikt kan dette gi nedgong i tilbod, og dermed støtte til prisar, alt anna likt. Det vil muligens bane veg for konsolidering og auka kapitaldisiplin.

18/ Og me skal heller ikkje gløyme at den geopolitiske situasjonen er skjør. Det er berre to månader sidan ein frykta krig mellom Iran og USA. Hugs rakettangrepet mot Saudi Aramco. Og i dag er det nye arrestasjonar i den interne maktkampen i Saudi-Arabia.

19/ Men i møte med priskrig på olje, og fallande etterspurnad som følge av korona, er eg for augneblinken litt bekymra for oss her i nord. Me har ikkje noko nytt Sverdrup nett no. Om dette blir langvarig vil det på ny gjere tidene vanskelege for folk langs kysten.

20/ (Ein liten digresjon: Dette som skjer her burde vore blant hovedsakene i alle norske riksmedier gjennom helga)

Og medan eg har skrive denne tråden, har marknaden opna. Brent-olje er ned 31% i skrivande stund.

21/ Dette var nokre tankar og grafer. Det finst mange fleire nyansar, detaljar og folk som kan dette betre enn meg. Følg gjerne @Kjusern1 for olje, og @OleKjennerud for Kina og korona.

Forøvrig, eit lite tillegg: IMF seier 80-85 usd/fat, alt anna like. Auka produksjon kan sjølvsagt kompensere for noko av dette. (H/t @AageB)
reuters.com/article/us-sau…