Thread by @MarathiDeadpool

भाजपचे जे काही 'विकास आणि खतरा' या नावाखाली राजकारण सुरू आहे..त्यास मॅच्युर म्हणता येणार नाही.. तो पक्ष निव्वळ वयाने वाढला आहे..बुद्धी कुठेतरी मागेच सोडून ते घाईगडबडीत पुढे आले आहेत..असंच दिसतं.
सध्या कारण आहे कांजूर येथील मेट्रोची प्रस्थावीत जागा आणि मालकी हक्क.

या प्रकरणी भाजप जे काही क्षुद्र राजकारण करत आहे..त्यास तोड नाही. त्यांच्या एकूणच वकुबानुसारच सुरुय म्हणा ते.
महाराष्ट्र शासनाने हा प्रकल्प कांजूर येथे प्रस्थावीत केल्यानंतर लगेच त्या पक्षाच्या केंद्रातील सरकारला जाग आली आणि त्यांनी मालकी हक्क सांगितला.

कांजूर येथील जमिनीवर मिठागरे होती.. आणि सदर जमीन केंद्राच्या मालकीची असल्याचे केंद्राने म्हणले.. ही नोटीस महाराष्ट्रात पोहचायच्या आत भाजपच्या राज्यस्तरीय नेत्यांनी जो काही गलिच्छ कालवा सुरू केला..यावरून त्यांची नियत कोणत्या दर्जाची होती आणि आहे हे कळायला फार अवघड नाही.

खरंतर राज्यात भाजपचे सरकार होते तेंव्हा खुद्द चंद्रकांत पाटलांनी सदर जागा राज्याच्या मालकीची असल्याचं सांगितलं होतं.तत्कालीन मुख्यमंत्री फडणवीस यांनीही त्याविरोधात काही बोलल्याच ऐकिवात नाही.मग आज विरोधात बसल्यानंतर ती जागा केंद्राची आहे हे जगाला कर्णकर्कश आवाजाने सांगतायत.हे कसं?

केंद्रातील भाजप सरकारासही राज्याची सत्ता गेल्यावर त्या जमिनीची मालकी आठवली. या सगळ्यात भाजपचे मूळ दुखणं आहे ते सत्ताविरह.
साम, दाम, दंड,भेद वापरूनही सत्ता न मिळणे हे जास्तच जिव्हारी लागल्याचं लक्षण म्हणजे मिळेल तिथे मिळेल त्या मार्गाने सत्ताधारी सरकारची अडवणूक करायची.

या सगळ्यात भाजपला यशस्वी राजकारण केल्याचा आभासी आनंद मिळेल..पण त्या पक्षाच्या धुरीणांनी आपली वाटचाल अंधारातून अधिक अंधारकडे सुरुय हे लक्षात ठेवावे. जनतेने ठरवलं तर ती फक्त झिडकारत नाही..उचलून आपटते आणि परत न उठण्याची तजविजही करून ठेवते.

क्षणिक राजकारणासाठी ही अडवणूक जनतेला पचनी पडेल अशी नाही. केंद्राने राज्यासोबत नसता वाद करू नये.. कारण,तुम्ही अशा कित्येक राजकीय खेळ्या पचवून ढेकर जरी दिली असली तरी जबड्यात हात घालून पोटातील बाहेर काढण्यात महाराष्ट्रीय मराठी माणसं वाकबगार आहेत. हे विसरून चालणार नाही.❤