Thread by @DrPareexitS

#धागा

#आयुर्वेद च का?

Mayo Clinic वर प्रकाशित झालेल्या वैद्यकीय संशोधनानुसार; दोन वर्षे वयापेक्षा कमी असलेल्या बालकांना अँटिबायोटिक्स दिली गेल्यास पुढे जाऊन त्यांना त्वचाविकार, स्थौल्य, ADHD, पचनसंस्थेचे विकार, दमा इत्यादी त्रास होण्याची शक्यता कित्येक पटीने वाढते. +

जितक्या जास्त वेळा अँटिबायोटिक्स दिले जातील तितके गंभीर परिणाम त्या मुलांवरती पुढे जाऊन दिसू शकतात. Milk and Cookie Disease हा शब्ददेखील बालरोगतज्ज्ञांमध्ये आता रूढ झालेला आहे. दुध + बिस्किटे/ कुकीज देण्याच्या पाश्चात्य पद्धतीमुळे लहान मुलांच्या आरोग्यावर गंभीर परिणाम होतात. +

तज्ज्ञांच्या मतानुसार या दोन्ही गोष्टी प्रदीर्घ काळाकरता एकत्रितपणे सेवन केल्यावर त्याचे शरीरावरती अत्यंत हानीकारक असे परिणाम दिसून येतात.

गेली काही वर्षे आमच्यासारखे वैद्य सातत्याने वरील दोन्ही गोष्टींबाबत कंठशोष करून सांगत आहेत; की पुढच्या पिढ्यांची आयुष्य नासवू नका! +

ज्या घाऊक दराने आपल्या देशामध्ये अँटिबायोटिक्स दिले जातात त्याची कुठलीही आवश्यकता नाही. कित्येक अवस्था साध्या घरगुती उपायांनी व बहुतांश अवस्था वेळेत घेतलेल्या शुद्ध आयुर्वेदीय उपचारांनी पूर्णतः नियंत्रणात येऊ शकतात; हा आजवरचा आमचा चिकित्सानुभव आणि आमच्या रुग्णांचा अनुभव आहे. +

Milk and Cookie Disease हा विषय देखील आपल्याकडे 'विरुद्धाहार' या संकल्पनेच्या अंतर्गत लक्षात घेतलेला आहे. दूध वा चहा यांसह पोळी/भाकरी/बिस्किट हे पदार्थ खाऊ नका; असे आमच्यासारखे वैद्य सतत सांगत असतात त्यामागे हेच कारण असते. +

पश्चिमेकडून आलेले वारे हे वैज्ञानिक असतात असा आपला ठाम गैरसमज असल्यामुळे हे दोन संदर्भ आपल्यासमोर ठेवले. अनाठाई भीतीपोटी अँटिबायोटिक्स मारा चिमुरड्यांवर करण्यापूर्वी, लाड म्हणून विरुद्धाहाराची त्यांना सवय लावण्यापूर्वी आपण त्यांच्या भविष्याचे गुन्हेगार आहात हे लक्षात घ्या! +

शक्य तितक्या लवकर लहान वयापासूनच आपल्या मुलांना आवश्यकता भासेल तेथे आयुर्वेदीय औषधे घेण्याची सवय लावा; यातच येणाऱ्या पिढ्यांचे सर्वार्थाने कल्याण आहे!!