Thread by @DrPareexitS

मोकळ्या हवेत येताच अराजकतेचे तीर सोडणाऱ्या मेहबूबांना हा इतिहास ठाऊकही नसेल!!

आपल्याला ठाऊक आहे का?!

आर्यावर्तात एक जनपद होतं. तिथल्या राजाला कंसवधानंतर जरासंधाकडून पाचारण करण्यात आलं. उद्देश होता कृष्णवधाचा. जनपदाचा राजा असलेल्या गोनंदाने कृष्णाला द्वंद्वयुद्धाचे आव्हान दिले.

मात्र कृष्णबंधू बलरामाने हे आव्हान स्वीकारले आणि गोनंदाचा वध केला. गोनंदाला पुत्र नसल्याने त्याचा भाऊ दामोदर हा गादीवर आला. पुढे कृष्ण गांधारप्रदेशात जात असताना त्याने आपल्या भावाच्या वधाचा प्रतिशोध घेण्यासाठी द्वंद्व जाहीर केले. यावेळेस मात्र स्वतः भगवंतांनी दामोदराचा वध केला.

जनपद पुन्हा प्रशासक विरहित झाल्याने तिथल्या नागरिकांनी श्रीकृष्णांना विनंती केली की आपणच आमचे पालन करा. यावर श्रीकृष्णांनी म्हटलं; "हे द्वंद्व मी केवळ क्षत्रिय धर्माचं पालन म्हणून केलं. त्यात राज्य जिंकण्याची महत्वाकांक्षा नव्हती." दामोदर राजाची पत्नी यशोवती ही गर्भवती होती.

कृष्णांनी तिला राजगादी सांभाळण्यास सांगितले. पुढे तिने जन्म दिलेल्या बालकाचे नामकरण गोनंद असे करण्यात आले. आणि तो बाल्यावस्थेतच राजा झाला.

महाभारतीय युद्धांत आर्यावर्तातील सर्व प्रमुख जनपदांचा सहभाग होता मात्र या जनपदाला त्यात जाणीवपूर्वक सामील करण्यात आले नाही.

कारण एकच......तिथला राजा बाल्यावस्थेत असल्याने त्यांना युद्धात सामील करणे हे राजनीतीच्या नैतिकतेत बसणारे नव्हते. ही सारी कथा मुनी वैशंपायन यांनी परीक्षितपुत्र महाराज जन्मेजय यांना कथन केली आहे. हा वृत्तांन्त शब्दबद्ध केला आहे तो नीलमत पुराण आणि कल्हणकृत राजतरंगिणी या ग्रंथांत.

या जनपदाचे नाव आहे काश्मीर! काश्मीर; कश्यप ऋषींच्या नावावर नामकरण करण्यात आलेले आर्यावर्तातील एक जनपद. महाभारत काळापासूनच तिथल्या जनतेविषयी इतका उदार विचार आम्ही केला आहे. काश्मीरी जनतेचं सुख आणि त्यांची समृद्धी यांचा विचार अनादि काळापासून करत आलेले लोकच त्यांची भरभराट करू शकतात.

आझादीचे बिगुल वाजवणाऱ्यांनी हेच लक्षात घेण्याची गरज आहे. काश्मीर हिंदुस्थानचे अविभाज्य अंग आहे.....अनंत काळापर्यंत राहील!!