Thread by @MarathiDeadpool

'No race can prosper till it learns there is as much dignity in tilling a field as in writing a poem.'

शेतीचं आणि शेतकऱ्यांचं महत्व या शब्दात सांगितलं होतं बुकर टी वॉशिंग्टनी.

'जय जवान जय किसान' हा आपला आवडता खेळ..जवान आणि किसान यांची अवस्था बरी म्हणावी अशीही नाही. #थ्रेड #म

भारतीय समाज कमालीचा भावनिक प्राणी..अगदी पहिल्यापासून.. याच भावनिकतेतून त्याने ज्याला ज्याला राजा किंवा देव/देवी संबोधलं त्याची वाताहत त्यानेच मन लावून केली..
इतिहास गवाह है..!

त्याने अखंड निसर्गाशी देवत्वाचं नातं जोडलं, पुढे निसर्ग कोपला हे ही त्यानेच ठरवलं..
यथावकाश स्त्रीला देवी मानण्याचे सत्कार्य त्याने उभारले.. आज जगाच्या पाठीवर धर्मांधळ्या मुस्लिम देशांनंतर भारतभूमीत स्त्रीस जास्तीत जास्त बेअब्रू केलं जातं. ही वस्तुस्थिती आहे.

निसर्गास देव आणि स्त्रीस देवी मानल्यानंतर शेतकऱ्यांना बळीराजा म्हणलं गेलं..आणि ज्या दिशेने निसर्ग आणि स्त्री गेले..नेमकी त्याच दिशेने शेतकऱ्यांची वाटचाल सुरू आहे.. अलीकडील सरकारच्या काळात ती वाटचाल अधिकच वेगाने होत आहे. त्यास हे मुर्दाड सरकार जितकं जबाबदार आहे तितकंच आपणही.

आत्ता २०१७-१८ च्या खरीप आणि रब्बी हंगामात शेतकऱ्यांना जवळपास अडीच लाख कोटी रुपयांवर पाणी सोडावं लागलं.. न्यूजक्लिक यांनी यासंदर्भात वृत्तांत दिला होता.. त्याचं महत्वाचं कारण होतं हमीभावातील आणि उत्पादन खर्चातील नफ्यासहित तफावत.
उदाहरण गव्हाचं घेऊ..

CACP हे कमिशन आहे कृषी मूल्य ठरवण्यासाठी.. त्यांच्यामते १ क्विंटल गव्हासाठी १२५६₹ खर्च येतो..आणि त्यावर ५०% नफा म्हणलं की हमीभाव हवा १८८४₹ ..प्रत्यक्षात हमीभाव होता १७३५₹ म्हणचे प्रत्येक शंभर किलोमागे शेतकऱ्याला हक्काच्या १४९₹ वर पाणी सोडावे लागत होते.
सरकार हे रोखू शकते.

पण समाज आडवा येतो.. मतपेटी घेऊन.
१₹ ने जरी अन्नधान्य किंवा भाजीपाला दर वाढले तरी या समाजाचे बजेट कोलमडत असेल.. तर हा समाज भुकेने मरण्याच्याच लायकीचा होता..आणि त्यासाठीच हे कृषी बिल उद्योगपती धार्जिणे बनवलं गेलंय असच म्हणावे लागेल.

या समाजास बाटलीबंद पाण्याची सवय लागली तीच मुळात तहान भागवण्यासाठी नाही तर ऐट करण्यासाठी.. ती ऐट या समाजाने खुशाल करावी पण स्वतःच्या हिमतीवर करावी.
कांदा आणि डाळी महागल्या म्हणून रस्त्यावर उतरणारा समाज हा बकासुराचा पुनर्जन्म घेऊन आलेला असतो. त्या बकासुराला फाडायला गरज आहे भिमाची.

जी अन्न गोष्ट परवडत नाही ती गोष्ट टाळायची.. एवढं साधं लॉजिक ना ग्राहकास कळले ना सरकारला..म्हणून या दोघांनी मिळून अन्न उत्पादितास देशोधडीला लावायचा कुटील डाव आखला. त्यास आता कितीतरी तप लोटले.
ग्राहकांनी संघटित होऊन त्यांना हव्या त्या मागण्या कराव्यात आणि सरकारने त्याकडे मतपेटीच्या

लोभाने पहावे.पुढे असंघटित शेतकऱ्यांची मुंडी पिरगळुन हवे ते दोघांनी पदरात पाडून घेऊन शेतकऱ्यांना मरण्यासाठी सोडून द्यावे.हीच या समाजाची रीत बनली.त्यामुळे आज शेती आणि शेतकरी निव्वळ हिनतेचा विषय या समाजासाठी बनला.
हे असंच सुरू राहणार असेल तर शेती हा अस्पृश्य विषय होईल हे भविष्य आहे.

आज जी परिस्थिती खाद्यतेल बाबतीत आहे तीच परिस्थिती उद्या सीरिअल्स,पल्सेस इ. मेन क्रॉप्ससाठीही होऊ शकते.. हे या समाजाने ध्यानात घ्यावे.
आज किसान दिवस आहे. चौधरी चरण सिंह यांचा जन्मदिवस आज आहे. त्यांचं शेती आणि शेतकरी याबद्दलच कार्य गौरवणे हा हेतू आहे.

चौधरी चरण सिंह म्हणायचे..' भ्रष्टाचार की कोई सीमा नहीं है, जीस देश के लोग भ्रष्ट होंगे, वो देश कभी, चाहे कोई भी लीडर आ जाये, कितनी भी अच्छी प्रोग्राम चलाओ कभी तरक्की नहीं करेगा..!'
उत्पादित खर्चाहुन कमी किमतीत वस्तू घेण्याची अपेक्षा.. हा ही भ्रष्टाचारच असतो..

गेले कित्येक दिवस शेतकरी बांधव आंदोलन करत आहेत.. अखंड देश त्याकडे फक्त एक इव्हेंट म्हणून पहात आहे.. एक शेतकरी म्हणून आता या समाजाकडून काही अपेक्षाही उरलेल्या नाहीतच..कारण, मरण तर असंही दोन्हीकडे आहेच.. प्रश्न आज की उद्या एवढाच आहे..कळावे..!❤
#शेतकरी_दिवस

@Omkara_Mali @SahilVastad @Nilesh_P_Z @DrVidyaDeshmukh

#Threadकर